نجـــــــــاح

نجـــــاح




كنها اللي تفرق الجد عنك يالمزاح

كنها اللي تقتل الليل لعيون الصباح

هالبنيه كيف أبـــــ أوصفها…؟

يمكن إن الوصف كله ماوصفها ..!!

هالبنيه شي ثاني ..

شي أكبر من حدود الوصف ..

شي أكبر من حدودك يالأماني ..؟

والله إن القاف يشرق في شفايفها غلا ..

ينحني له ...

ينثني له ..

قبل لا ينطق هلا ..

مابقى شيٍ من الزين إلا ذاب فيها ..

الهبايب وهي هبايب تشتهي تلمس يديها ..

تشتهي تلعب على ذيك الجديله ..

ماذبحها غير مبسمك ورموش ظليله ..

يالكحيلا … يالكحيله … يالنجوم المستحيله ..

وينك أنتي ؟! …

كم قلب فيه يالسمراء سكنتي ..؟!

يانسايم ليل .. علميني ..خبريني من تكون ..؟

بس قولي من تكون ؟!

مهرة تقهر صهيل الخيل ؟!

نجمة تكسر ظلام الليل ؟!

هالبنيه شي ثاني …

شي أكبر من حدود الوصف ..

شي أكبر من حدودك يالأماني ..؟

علمونا بالحياه كل قصه له نهايه ..؟

وهذي فيها من الجمال شي ماله لانهايه ..

ولابدايه ..

كل ضدٍ مجتمع فيها ..!

فيها من ملح وزلال ..

من الحقيقه لا تلاشت بالخيال ..

من القريب من المحال ..

فيها من قاسي ولين ..

فيها من صعب وهين ..

من الكريم من الشحيح ..

فيها من كذب وصحيح ..

فيها كنز من الحضاره..

للرشا ..

للدلو ..

لأيام البداوه ..

للبراءه ..

للشقاوه ..

للجنون اللي سكن بك يالصحاوه ..

لآآآآآآآخر حدود السحاب ..

يالسراب..

لا أنفتح لك من سنين اليأس باب ..

معك أمانه قلهم ..

هالبنيه شي ثاني …

شي أكبر من حدود الوصف ...

شي أكبر من حدودك يالأماني ..











.
هذه القصيدة للشاعر ابن رفحاء سعد مطلق العنزي منقووول من منتديات الشاعر

الله يصلحتس هذي سوالف ماهي قصيده لاهنتي
أو سميها خاطره أن بغيتي .. لكن تطلقين عليها قصيده فهذا بعيد كل البعد عن القصيده المعترف بها من قبل الشعراء القدامى وحتى شعرئنا بوقتنا الحالي

حياتس ربي

شكرا على ردك اخي وضاح وانا اخطئت بالتسميه فهي خاطره

الله كلمات جميله يا رفيف
وبما انها خاطره بنقلها لقسم الخواطر