مجرد سؤال ياالضمان الاجتماعي برفحاء..ارجوالايضاح..
فيه شايب مسن ومحتاج وعنده عائلة اكثرها نساء لاتعمل طبعا يأخذ مايسمى (بالشون)اعانه اوراتب شهري من الضمان برفحاء {الله يجزا الملك بالخير } وكما هي مكرمات ابومتعب كل سنة يعطون المستفيدين مساعدات دفعه واحده .العام واول العام كانت ثلاثون الف كحد اعلى وهالسنه يقولون خمسة عشر الف كحد اعلى ؛وتنفع وتحل مشكله عند الذين يعتمدون على الله ثم راتب الضمان ولكن شايبنا هذا كل ماسالناه العام وهالسنه خذيت مساعده يقول قدمت وماعطوني .قبل ثلاث ايام كلمته يقول بالحرف والله بعض الربع اللي قدموا خذوا والبعض مااخذ وقلت له وانت قال انا قدمت وماطلع لى شئ والظاهر انه مثل العام قدمت ولا طلع لي شئ .
هنا السؤال ياضمان رفحا ء لماذا لم يعطى هذا المواطن والذي نعتقد ان الشروط تنطبق عليه اكثر من بعض ممن استلموا الاعانه . افيدونا عن السبب .
حتى لاتروح افكار الناس بعيد ..لانه عندما لايوضح السبب الناس كل يجيب سبب من عنده .
فتجد ناس يقولون هذا ماعنده واسطه ...وناس يقولون هذا ماعرف يدهن السير ..وناس يقولون ضيعوه موظفين الضمان ..وانا اقول ياجماعه اصبروا يمكن فيه سبب مانعرفه . ارجوكم ايضاح السبب شرط ان يكون مقنعا |.
