المشاركة الأصلية كتبت بواسطة حمامة الوادي
الله يذكر يا على يوم الاثنين
صدفه تلاقينا وانا اقول جتلي
سالتها وكلمتها قلت من وين
هزت ابراسه دنقت وسكتتلي
قالت ياابوبادي اكلمك بعدين
اومت بيده وادعت واضحكتلي
قلت اصبري يمديك ياقرت العين
قالت طلبتك سامحن وقمزتلي
الزين مايرجع وانا موادع الزين
ياللاسف ينوي بتخطيط قتلي
كل مانبي ننسى تذكرت من حين
دايم اشوفه بالمنام اعرضتلي
انااشهدن صعبه فراغ المحبين
يازين حلم ابليس كان ارجعتلي
هل يمكن انه صايبه ياعرب عين
دايم وانا موفي وهي ماوفتلي
لاتقلب النيه ترا هالوعد دين
ابسالك مافي امل تلتفتلي
ياناس انا صابر من سنين وسنين
وهذي المشاكل دايم الدوم تتلي.
ابو بادي
الرد:
وانا اظنك من رجال(ن) ووافين
معقول للضحكات والغمز تتلي ؟!!
يبدو لي انك عاطفي والغلا شين
ترى الدليل انك تقول اغمزت لي
فلبك خضر والا وش العلم يازين
تراه تكذب لا تقول : ارجعت لي
حسبي على اللي يلعبن بالموازين
ماهن ذهب لا والله انحاس مطلي
كانك تبي لك بالوفاء والوفاء دين
لا تلتفت وتقول لي حان قتلي
غض البصر لا تاخذك زوغة العين
لاتقول صدفة شفتها والقفت لي
اصلا تمننك بنات .....ومزايين
انسى وانا اختك لا تقول اضحكت لي ..
تقديري [/color]
