تدري وش اللي يتعب البنت ياسعود...

تدري وش اللي يتعب البنت ياسعود...؟!
رجــلٍ ..يخـــون اشواقـهـا و الـمــودة



إللي إلىاحتــــــــــــــاج الغـلا صـار.. نمـرود.!!
ولـيـــا شبـع ممـا عــــــــــــــطـاه إسـتـرده



البـــــــنت. ريحانة غـلا نـــــاعمـة عــــــــود
تبــي لهـا رجـــــــــــــلٍ ورث طيــب جـــده


رجـــلٍ ..فعولـة كلهـا جـود فـي جـود
مـا يلتفـت للـي كفوفـه تمـده ...!!



رجـــلٍ.. إلى جـتـه الليـالـي بمنـقـود
يتكــي لهـا ..مــا بيـح الوقـت سـده



مهوب بخيلٍ ما رعـى للهوى عهود
وادنـاة..مـا عـارض طريقـه يـــرده



ولاهوب لاعلـة ... ولاهـوب ملهـود
ولا شكــوك ... و كــلٍ طــارئٍ يـحـده



ما اشين من الرجـال,, لا جـاك.. ببـرود
وإن قـال له تـرف القـدم شــي صـده


تبـي لهـا بـراق طيـبٍ لـه رعــــود
إن اجدبـت يمطـر علـى ريـف خـده



وإن نادته تكفـى لقـت عنـده ...الفـود
يشيــل عـــــــــــزتـهــا علــى قـــو زنـــده


كــــــــفه نفــــــــل وانفـــــاس صدره لهـا عـود
وظلالــه الضــافـي بيــدهــا ..تـمــــــده



البـــنت خد ... وقـــد ... ونواظـــــــرٍ سـود
وريحـــــــــة غلاً ... ياسعــــد مـن شـم نـده


البنـت.. إلى ضحكـت ثمرهــــا لـك ورود
يا خـــــــــوي.., مــن يقطــف نواويــر وردة .!



واللي يهين البنت ..ناقـص ،،، ومقـرود
فــــرس غـلا ،،،، ماهــي حمـارة مكــــــدة

مماراقى لي

صح لسان شاعرها ولاهنت على الذائقه الرائعه فزاع

صح السان قايلها وناقلها
لاهنت شاعرنا

شاكر مروركم الرائع والجميل

صح لسانك فزاع ولاهنت

صح بدنك وشاكر مرورك الجميل لاعدمناك

الله يا فزاع

صح لسانك ولسان الشاعر

الله الله ..تكفى من قايلها ..شكله راقي الاحساس بقووه

سلمت الايادي ..ويمال العافية اخينا فزاع

صح لسان الشاعر والناقل شكرا على الذائقه الجميله