كثــــر التصــــــاديــد وش هو له؟؟

السلام عليكم

ياشباب من يعرف الهجينية هذي كاملة

اذا يتكرم اللي يعرفها يهذها علينا

لقيتها

لاحمد الناصر


ياناس قولوا لغض العــــــــود *** تكفون ياناس قولو لـــــــــــه

ما اشوف له من عذابي زود *** كثر التصاديد وش هو لـــــــه

ابو ثليل اشقر مرجــــــــــــود *** اسمع بذكره ولا اطولــــــــــه

وعيون نجل هدبهن ســـــــود *** يذبح بهن من يجي حولـــــه

ياكثر الأزوال بيض وســــــــــود *** ماهم بمثله ولا حولـــــــــــه

عقب المودة جفا وأصــــــــــدود *** ماشفت زول مثل زولـــــــــه

إن مت ابا القى عليه اشهـــود ***عنقه وخدّه ومجدولــــــــــــه

أسهر وكل العيون رقـــــــــــــود *** اليا تباطيت مرسولــــــــــــه

يازين حبل الهوى مــمــــــدود ***لكن سجاياه مجهولــــــــــه

تشكرات أفندم ... دخلتن غصب
كنت مار مشوت رايح لموقع بلاس vيقاس , وضربت مطب جامد
المهندس وهجينية ... يا هملالي

تحياتي لك على هذا الإختيار
وكل عااااااااااااام وانت والجميع بألف خير

اي بالله

كثر التصاديد وش هو له

اياملا الغنيمة على هالقصيدة اللي تذكرن وتحننن على الماضي

تسلم الغالي الذيب على كلامك الطيب وانا اعرف انك تحب الهجيني

الاخ ابو شنب
مشكور على المداخله وشكل قلبك مثل مايقولون خضر