والله ان اللي حصل فوق التصور!
قلت لك يابنت يمكنه خيال !
صدقيني للفرح ماصرت ادور!
وحملي والله مايشيلونه رجال. .!!
ياحزن مليت دايم بي منور
ياحزن ماهو حزن هذا خبال
كنك بإحساس سويته: مسّور
والالم والله تعدى الاحتمال ..
دنيتي والقلب من فعلك يعور
كن طعناتي على قلبك حلال !
اعذروني والقلم عندي ..تهور
ويمكن انه صار به بعض اختلال !
والامل بالله يوم الوقت ضوّر
والحقيقة سردها فيه ابتذال
ليه يادمعي كذا دايم تطور ؟
تنزل بأيات حزه او مجال ..؟
والوطن رفحاء دياري يامصور
ارسله صحرا.. ترى مابي جبال
الجبال ..بداخلي ناره مفور
من ملامحها غدا فيني ظلال.
الاجابة... سرها ياهو يحور
فضفضة خاطر اذا حل السؤال !
