الششآرع | . . يآسر التوُّيجريُ , ‘
قصِيدِهُّ الششآرعَ لـ/ يآسر التويـجـريِ
الـشـارع الـلـي فـيـه نــاس وممرات
ماهـمـنـي مـــن أولـــه من أخيـره
لــو كــان بــه شيـخـات وإلا أميرات
أنــا مـاشـوف احــد ســواك الأمـيره
بــين الـسـعـوديات والأجـنـبــيــات
مالله خـلـق لــك بالوصـايـف خشـيـره
بالـزيـن حطـمتي جـمـيـع العـلامـات
عنقاء .. غنوجه .. مستــعفه .. صــغيره
قدك رشف مـن غايـة الزيـن رشفـات
لاانـتــي طـويـله حـيل ولاقـصيره
ياابعد من الهقوات واقـرب مـن الـذات
واصدق من احساس العشيـر لعشيـره
ياسـالـفـة مـالا بـديـنــا وما فات
ويـاعـشـق ابــن شداد وابـونـويره
تفـتـحي عـلى ضـفاف الـبـحيرات
وتـنـقـلـي فـيـهن بـحيره بـحيره
كـونـي كذا عـلى صدور البـنـيـات
كتمت نفس .. كونـي كـذا .. ياخطيـره
انـتـي حـسب ماروجتـه الإشـاعات
مـخـلـوقـةٍ لاجل يـمـوتون غيره
أسـعـد مـساءٍ بـين كل الـمساءآت
تعريضـتـك مـثـل المها المستـذيره
يـالـلــي عـلـيك تحدد الأولويات
مغـيـث مات من الـجفاء يـابريـره
ابـسـألك ياام الـعـيون الـوسـيعات
الـلـي تـولـع فـيك وش هو مصيرهٌّ
تعبـت وانـا اطـوي علـيـك المسافات
وويلاه مـن بعـض الـدروب العسيـره
خوذي هواي بصمت وآخذك بسكـات
وتفائلـي بالصمت والصـمت خيـره
