ابشتكي يارب لك من عذابي =
ياربي الشكوى لغيرك مـــــذلة
خفف علي اللي جرى واغترابي =
ومشاكلن عجزت يديني تحله
ليته (صديق ) وساعين بالعتابي =
او هو على (ظلمه ) يقدم أدلة
الله يادنيا العجب والعجابي -=
دنيا من الاوجاع صــارت ممـــــلة !
قليلة الفرحة على طق بابي=
كني مع الاحزان خـــــلٍ وخــــلــة !!
هذا وانا توي بعمر الشبابي
= شربت من دنيـــاي دقــــة وجـــلة !
المبلي المؤمن بوصف الكتابي =
وانا على بلواي شكـــــواي للــه ..
كن الفرح فاتورته من حسابي =
وانا على تسديد دينــــــي مخله ..
حتى الدموع اللي تخفف مصابي
=صارت من الصدمات عندي مقلة
والحين انا يابنت من عظم مابي=
صرت اتبسم للمواااجيع كلــــــه!!
غير الوطن فقدت كل الزهابي=
والعود باقي به فؤادي وظــــــــله
ليت الاماكن يوم قالت : هلا بي=
على الاقل اشعر بأمنن وفله
تجمعت حيه وعقرب ودابي
والكل منهم حط بالقلب علـــه ..
انزف وبين الناس حملي صوابي=
وامثل اني للبشر مسفهله .
الجرح والغربة وكل العذابي=
والظلم والاوجاع والمشفي الله
