ابشروا يا أهالي رفحاء

[ALIGN=RIGHT]أبلوشونا أهالي رفحاء بريس البلدية وريس البلدية العمري وخلوه عمله نادرة وهو دايم نايم وأيام العطل ما يداوم وريس البلدية ما في مثله عز الله كثر علينا النواميس وكثرة الحوادث بالأشجار القشرة والله يعيننا هو له حسنته وهو الشارع الدائري يقولون أنه دائم يروح للوزارة والله غريب الوزارة خيرها كثير والله وفقكم يا أهل رفحاء من هذا الخير وهذه الأيام كثرة الخير بالأمطار والله يعيننا على شوارعها وينك يا العمري نائم بالعطلة وشوارعنا تطفح ووكيلك دوك الجربوع وذنبوه بيدي 00 أبشر أبشر وخرطي وريس الخدمات أرصفه بيته تحسبها أرصفه العليا اللي بالرياض وما شاء الله ما تشوفه بالشوارع الله يعيننا يا أهالي رفحاء 0[/ALIGN]

هذا وش يقوووول . والله ماني فاهمن شي .

والله مدير البلدية نفع البلد والله يجزاه خير فلاكن سالفت قعدته بالاجازات وبغيره قليل بالمره
ابن الحلال مايركد ولا يلزي

وهذي انت به صويز

وعليه بعض الملاحظات انه يناكد الناس وياخذ شغلات بالعناد حتى لو به نفع للناس

وعليه طول الله عمرك انه ابلش هالعالم بس شغال يامواطن ادفع
يامواطن ادفع
يامواطن ادفع

انظم يتساهلون به بكل مكان حتى بالعاصمه وهو لازن هالمساكين لز وليت يهود الله لا يسلط ولا يبلى
قال يبي يعبي خزينة البلديه

اقول مار مالقيت تعبي هالقربه المشقوقه الا من جيوب المساكين اللي مشققه وتخر من كل جهه

اياملا الغنيمه يامدير القربه المشقوقه

فلاكن الرجال نفعه كثير وضرره قليل
وبارك الله بمن نفع

ابو شنب والله مانت بصاحي
منين تجيب هالسوالف
بغى ينشق بطني من الضحك ويصير عندكم برفحا
مدير قربه مشقوقه
وابو بطن مشقوق

بس والله عاد ابو عمر وليده يا ناس وماحد سلمن من العيوب
ولو يسد الفتحات بالشارع الاصفر علشان تقل الحوادث و يرتاح رفحاوي الله يعقله بالسلامه

لانـقول الا ارضا ء الناس غاية لا تدرك

وبعض الناس لو تعطية عينك مايرضى الا يقول ابغى الثا نية

[ALIGN=CENTER]أعجبني الإسلوب وطريقته الفطرية النقاش 00 تصدقون إنني كنت أطلع على مقاله ما يقارب الساعة ومتمتع بطريقته البدائية بغض النظر عما ما تطرق إليه ولا شك بأنكم لاحظتم الأمطار الغزيرة هذا اليوم وبالفعل تيقنت بأن النقاش قد أصاب الهدف الشوارع تطفح بشكل عام حتى إنني تجولت مع الشارع الدولي وشاهت المياه تكاد تُغرق المستشفى العام ولا نلاحظ وجود للبلدية فهل يا ترى يعقل ذلك ؟ ولاسيما بأن غالبية مواطني المحافظة يثنون على رئيسها فهل يا ترى هكذا يرد الجميل لهؤلاء ؟ الإجابة لدى البلدية 00
تحياتي للجميع 0[/ALIGN]