قصيدة التحدي .. بدون نقط

السلام عليكم


أرجو أن تنال هذه القصيدة إعجابكم



صاح وعدا وارسى الطوال ولكدها ** وسعى وسل الصارم الحر وادمى
سم على سم علاهم رصدها ** ماهو كلام هرد مالِه عردمى
عاد الهوى والحسد اطلع لهدها ** وحل الهوى مع روح سعد وأسمى
سمعك ودمعك ما سعى مع كمدها ** وهمك سرى وارسل مع الدمع سهما
الروح كلمى والمعاسر عصدها ** و( العر ) ماهو حارس حد سلمى
ماء الكرم صله وحرك ركدها ** أحد رسى واحد على اللوم أعمى
ما اسمع كلام اللوم لو هو عمدها ** الا كلام الصح لاصار دسما
ولا صاح (حر) طامح الحس ردها ** ولا صاح (عر) صد مادل مرمى
وراع الدروع اعلى عددهم عددها ** مارد همه كود راع المهما
هام الحلا وسار للعسها وحمدها ** وصار كالسكر على اللعس ردما
وسطى على روحه علاعل رمدها ** والدمع ساح ولا لدمعه سوى الما
وسار ومعه هم وعدى سعدها ** والله لولا اللوم لاعطوه هما
سلم الهوى لاحل حل وحصدها ** ما هورحوم الدرس ولا هو مطما
حلو الطعم لاصار راكد رعدها ** ولا دار دوار الرعد صار سما
مر وحلا والمر كاسر سددها ** مر وحلا والحلو ما هو مسمى
هلا هلا عد الهوى لامردها ** وارسل هلا ومع الهلا صار رسما
حدر السما سار وسرى مع هددها ** ولا له سوى مرماه والروح كلمى
حدر السما والله ارسل مددها ** وساح المطر مع راس الآكام أهمى
حدر السما والهم راح وسمدها ** هم سرى وداحم هوى الروح وادمى
وسلام سكر مع هواها هردها ** وسرى على مسرى هواها وأحمى


مع تحيات ( سعد )

وعلى المحبة ,,,

مر وحلا والمر كاسر سددها ** مر وحلا والحلو ما هو مسمى
هلا هلا عد الهوى لامردها ** وارسل هلا ومع الهلا صار رسما


صح لسانك اخوي العذب.... ماشاء الله عليك..:)

يعطيك العافيه .. :)

يا سلام يالعذب صح لسانك بس كيف التحدي

انا اذكر شخص قال 12 بيت ثم رد عليه واحد باكثر من100 بيت بدون اي نقط .

المرجوجة ..

تحياتي الحارة


وشكرا جزيلا على المتابعة والتعقيب ..

---------

هرطمان ..

التحدي بارك الله فيك ..

علشان تجي أنت مطبق وتقرأ الموضوع ...

.... لأني لو حطيت العنوان عادي .. يمكن إنك ما مريت عليه

صح وإلا لا ..


علىالعموم أشكرك على المرور الكريم




وعلى المحبة ,,,

حياك العذب
افرض اني جاي مطبق عاد انت ليش تجي سمبوسة :D
وبالعكس انا ما تركت ولا شي من كتاباتك الا وقريته
بس انت ما عمري شفتك بغير هذا المنتدى
وصح لسانك يا عذب ترى الشعراء حساسين والهرطمانيين دفوش .

((( بس انت ما عمري شفتك بغير هذا المنتدى )))

قوية هالدقة ,,,

لكن مقبولة ، ومعك حق ....


وإن شاء الله تشوفني في غيره ..


وعلى المحبة ,,,

بانت علومك وفعلا طلعت عذب.

دائما احب ان اشارك في مقالاتك الجميله

ولكن صدقني عدم مشاركتك مع الآخرين تجعل الاخرين لا يشاركون معك

اشكرك على سعة صدرك

هلا وغلا اخوي العذب

مشكور على هذه القصيده وصرحه انا اتحدك بس ابي اكون اخر واحد حتى يمدو الشباب عجزهم يويلك مني

يعطيك العافية أخوي العذب

وما قصرت

وقصيدة مكلفة والله


لكن الله يعينك على ( خلف الرويتع )

شكله يبي ينتفك



حيل به يا بو رتعة ولا يهمك



تراه يستاهل اللي ينتفه



وعلى دروب الخير نلتقي ,,,

دمعة

أختي الكريمة

معاك حق

وأنا مقصر من الناحية هذي

لكني والله مشغول جداً ، ولا أريد أن أترك المنتدى

فأحاول أن أشارك فيه ولو بالشيء اليسير



علىالعموم شكرا لك



وعلى المحبة ,,,

أخوي الرائع ( خلف )

يا مرحبا بك

وكانك ترتكي للتحدي لا تقصر ...:):)


لكن تراي أمزح ... ما قصدي أتحدى


لا تجي مطبق مثل هرطمان الله يهديه اللي سواني سمبوسه


علىالعموم

ترا محارش- محارش قريب أبي أفزعه



وعلى المحبة ,,,

هلا والله بفواز ..

بس ماش ..

أشوفك صاير تفتن هاليومين ..

وش سالفتك

لا تكون تبي تصير مثل الرجيلي ... مع العجوز ..

الله يستر


بس تدري

خذ راحتك

أنت تمون





وعلىالمحبة ,,,

اخي العزيز العذب

السلام عليكم ورحمه الله وبركاته

تخبرني ماني شاعر ولاهم يحزنون بس ابي شمالي يعلقك شوي لين ترد على نفسك في قصيده بدون نقوط وابي اقول هذه قصيداتي

العذب انتبه لنفسك تر شمالي في رفحاء هاليومين ومعه صورتك من اشاره الى اشاره البارح اتصل على زانطله بنغالي يقوله اكيد انت العذب ولم يفكه غير لم كلكته تلفون واعطيته اوصافك كامله انتبه لنفسك



العذب تراني ماخذ تصريح من الشيخ محارش عدم التعرض


اخي فواز ابشر بالخير وقل على خويك السلام