مرثية بالامير طلال الرشيد
[poet font="Simplified Arabic,4,white,normal,normal" bkcolor="transparent" bkimage="backgrounds/21.gif" border="ridge,4,gray" type=0 line=200% align=center use=ex length=0 char="" num="0,black" filter=""]
ياوي يا علم لفا رابع العيد = لا والله إلا العلم بالحيل كايد
من هولته فينا تشيب المواليد = ومن لوعته فينا تذوب الشدايد
هو هاجسٍ تغلي بنا حزن وتزيد = وانا هواجيسي تهل وتزايد
تفوح فيني مثل فوح البغاديد = المركيات لحاميات الوقايد
قلوا رحل قرم العيال الأواليد = طلال يالي للمناعير قايد
ابن رشيد وفزّت وصاحت البيد = واهتز كل نجمٍ عن الكون نايد
يبكي عليه العيد والطير والصيد = وهضاب نجد ومترفات القصايد
وضلعان حايل والحزوم الجلاميد = وأهل الثقافة والصحف والجرايد
ويبكونه عيال الوفا والاجاويد = وعليه صاحن لابسات القلايد
آهات وهمومٍ تزامى بتنهيد = بمحمد العايد تعدت لعايد
محمد العايد
[/poet]
