يسولف لي عن الضيقه.......!

[read]

يسولف لي عن الضيقه وانا كلي ألم وأحزان

وأنا من وين ماناظر بعيني شفـت ضيقاتـي


يسولف لي عن الضيقه وأنا عنوان للحرمان
دخيلك لا دخيل الجـرح لا تكشـف معاناتـي


دخيلك لا تشجعني أسولف وأكسـر الكتمـان
تعبت من السكوت اللي تعود يسكـن بذاتـي


عليم الله مافيني شبر يضحك فرح وأشجـان
وأنا لو جيت ابضحك لك أجيك أضحك بدمعاتي


حياتي شعرن وشاعر وجمهوري بقايا انسان
ونقـادي زمـن قاسـي ولا يفهـم كتاباتـي



أناظر للبشر حولي أحد يضحك أحـد طربـان
وأنا صعبن علي أضحك أسايرهم بضحكاتـي


عجزت أكذب على نفسي بفرحه ما بها ألوان
وحزني ما عجزعنـي بـدا يرسـم نهاياتـي


طريقي صعب وجروحي كثير وداخلي ضميان
أبي لو يـوم واحـد أحـاول أجمـع شتاتـي


أنا قصه تبعثرت وتطايـرت بزمـن خـوان
تعلمت أخسر البسمه وأداري عضـة شفاتـي


أبكتب لك وبالخط العريض وريشـه الفنـان

أنا الخسران توقيعي وانا الخسران بصماتـي


رااااااقت لي كثيراااااا [/read]

صح لسان شاعرها ولاهنتي على النقل الجميل

عليم الله مافيني شبر يضحك فرح وأشجـان
وأنا لو جيت ابضحك لك أجيك أضحك بدمعاتي

يااااااااااااااااااااااااااااه كان له وقع كبير في نفسي هذه الابيات منذ زمن والان اعود لقرأته من جديد
تسلم يدين من نقله وكتبه وقاله
يعطيك ألف عافيه

يعافيكم ربي
مروركم اسعدني لاعدمناكم يارب

يعطيك العافيه على الابيات الجميله

روووووووووووووعه مشكوره أختي ذوقي بصمتي لاخلا ولا عدم إن شاء الله
ننتظر إبداعاتكــ... القادمة...@

طريقي صعب وجروحي كثير وداخلي ضميان
أبي لو يـوم واحـد أحـاول أجمـع شتاتـي


أنا قصه تبعثرت وتطايـرت بزمـن خـوان
تعلمت أخسر البسمه وأداري عضـة شفاتـي


أبكتب لك وبالخط العريض وريشـه الفنـان

أنا الخسران توقيعي وانا الخسران بصماتـي


صح لسان الشاعر ولسان الناقل

والله لا يهينك

شكرا لك على روعة الذوق

لك الورد