موقفي مع عبدالله الفيصل

السلام عليكم ورحمة الله وبركاته

كان احد اخواني مقبول بكلية الزراعة بجامعة الملك سعود ونرغب في تحويله لكلية العلوم الادارية وكنت وقتها طالب بالجامعة
وافق عميد كلية الزراعة وبقيت موافقة عميد كلية العلوم الادارية عبدالله الفيصل (تكرمون) مدير الجامعة الحالي للاسف
ولأن اخي لا يستطيع ان يتناقش معه بما اريد اخذت اوراقه ودخلت بدلا منه وجرى الحوار التالي:

رفحاوي: السلام عليكم ورحمة الله وبركاته
الفيصل: وعليكم السلام ورحمة الله وبركاته
رفحاوي: طال عمرك انا طالب مقبول بكلية الزراعة ورغبتي ادرس بكلية العلوم الادارية.
الفيصل: كم نسبتك؟
رفحاوي: 76%
الفيصل: من شروط التحويل تجيب معدل 3 (او 3.5 ماذكر بالضبط)
رفحاوي: لو اقدر اجيب هالمعدل كان استمريت بالزراعة لكن بكلية العلوم الادارية ان شاء الله اجيب اي معدل تبونه
الفيصل: مانقدر

وطنش ودق التلفون ورد عليه ومن خلال كلام الفيصل فهمت ان اللي يكلمه يبيه يتوسط لواحد نسبته 74% ثانوية تجارية ووعده الفيصل خير وقال له ان عمادة القبول خوياه وما راح يقصرون !!!
وقلت اكيد يبي يمشينن لان وضعي افضل وبعدين سمعت كلامه
رفحاوي: خلصت شروط التحويل ونماذج التحويل معي وما بقي الا توقيعك طال عمرك (قلت ارفع به الله ياخذه)
الفيصل: قلت لك لازم تجيب المعدل المطلوب بكليتك.

طلعت من عنده ولو ما كنت خايف يخرب التحويل كان عطيته كم كلمة لو على الاقل احرجه عند اللي كان عنده
وابشركم خلال اسبوع حول عن طريق وكيل الكلية طلال الضاحي والفيصل وانتم بكرامة ما يدري عن شي

وبعد كم شهر عينوه مدير الجامعة !!
كله بسبب عزوز

الى اللقاء مع مزيد من السلسلة التاريخية الرفحاوية

حلوووه السلاسل التاريخية المجيدة الرفحاوية

بنتظار سلسلة مع واحد وانت بكرامه \.

اي شي به ر ف ح ا ء اكيد يطلع حلو

بعدين الله يهديك تحسب حياتي مقضيه مع وانت بكرامة ؟!!
اذا لقيت وقت ابي اكتب عن السلسلة التاريخية الرفحاوية

الغالي رفحاوي


مهو هذا سبب مشكلتنا يالسعوديين

مايحطون الرجل المناسب بالمكان المناسب

قال ابه قال جب معدل مرتفع!!

طيب لو عندي معدل مرتفع مانقلت انت ووجهك!!

بعدين المفروض يتفهمون مشاكل الطلاب ويحققون رغباتهم

او على الاقل يمشي على النظام اللي هو نايم عنه

ونرجع للنظام اللي يمشي على ناس وناس خارج النظام!!

يويلكم على القناة ببرِ خالي ماحولنا احد هههههههههههه


:)


تحية