قالوا إصلاح قالوا......؟؟؟
قالوا اصلاح ...
قالوا اصلاح البلاد وفيه سفك(ن) للدّما
وخلّوا الارهاب مبدأ قادهم ذاك السفيه
غرّروا بأفكارهم جيل(ن) وصابه هالعما
قالوا اقتل لك من الله كل شي(ن) ترتجيه
ويلهم من باسط ارض(ن) معتلي سابع سما
كيف مسلم يستبيح الدم ويقتل ابن اخيه
كيف مسلم يعربي(ن) يستبيح محرّما
لابو اصلاح(ن) غزانا لابواصلاح الفقيه
عشنا في خير وامان وماشعرنا بالضما
عشنا مع صوت المآذن دون شي(ن) يعتليه
عشنا من عهد الجدود وحارسين ارض الحما
شاربين الدين منهج .. غيرنا غلطان فيه
ارضنا ارض الصحابه والرسول الملهما
ارضنا مكه وطيبه قبلة اللي نقتديه
جونا باشكال التديّن والطهاره إنّما
كل عاقل يعرف لْـديــنه وما يتبع سفيه
لا يغرّك من يكفّر مسلمين , وعْلَمَا
ولا يغرّك من يألّــف دين باللي يشتهيه
لو سألته عن فعوله كيف تفعل؟ او لما ؟
كفّرك خلاّك كافر حسبي الله وش عليه
يحسب انّه في جهاد(ن) يوم بسلاحه رما
عزّيَ لحاله غدى حاله مغبّات(ن) وتيه
هذا هو الاصلاح ؟؟ لا بالــلــه ذا سفك الدما
لابو إصلاح(ن) غزانا لابو اصلاح الفقيه
تقبلوا فائق تقديري واحترامي,,,,
!~¤§¦ الشمـ!حــ$ــزن!ـالي ¦§¤~!
