طيار حاسب ابي اوادع الغالي
بدون مقدمات اترككم مع هذه المتواضعه آملة ان تحوز على شئ من رضاكم
[GASIDA="type=1 title="طيار حاسب" color=#0000FF width="100%" border="none" font="bold large Arial" bkimage="""]طيّار ..حاسب ابـي اوادع الغالـي=خلني شويه اعيش بدافـي احضانـه
خله يحس بحـرارة دمـع همالـي=اليا هوت دمعتي في حضن اوجانـه
خله يشوف ابفراقي ويش يجرالـي=يمكن يعود لخفوقي يجبـر احزانـه
ابيه يقرى بعيونـي شـوق قتالـي=وابيه يسمع ونين القلـب واشجانـه
واباترجاه يمكـن يرفـض اذلالـي=وابوس كله من اقدامه الـى اعيانـه
واهمس في اذنه " احبك ياهوى بالي=في غيبتك ياحياتي روحي شقيانـه"
ترجف شفاتي وانا اكـرر سآالـي=عزمت ترحل وتنزع روح انسانه؟
خذيت روحي وعيني دمعها سالـي=طعنت قلب ن غرق في دم شريانـه
جسمي يقشعر وكنه وسط زلزالـي=والشوق اوقد في وسط الجوف نيرانه
سافر حبيبي لا تنشدني عن احوالـي=وانا بصبّـر قليبـي قـدر امكانـه
سافر حبيبي يحفظك ربـي الوالـي=يالله ترد الحبيـّب لارض اوطانـه[/GASIDA]
