بسم الله الرحمن الرحيم
السلام عليكم ورحمه الله وبركاته
أعتذر عن الغياب الطويل وأتمنى ان هذه الأبيات المتواضعه تشفع لي غيابي ,,,
.
.
.
..... ..... .....
[GASIDA="type=2 title="الـمـــطانـــيـــخ مــن يــام" color=#000066 width="100%" border="none" font="bold large hala" bkimage="""]
الشوق والذكرى على ذيك الأيام = والحزن والعبرى ليا شفت حالي
مادون خلي والجماعه والأعمام = بعد المسافه بين غالي وغالي
أركت على قلبي من الهم آلآآم = أبكت على صدر الورق ماجرالي
حتى غدت لي ضحكتي بين الأحلام = مدري فقير السن مدري يغالي
أمسي مع طيف وهموم ومع أوهام = أمسي ولا صوتن يرد بسؤال
أمسي كضيف بدار طبوها الأيتام = ياويل قلبن ماله بدار والي
لبى ترابك يـ(الحفر) شوق ماصام = حتى عجاجك عيني تقول حالي
تبا لـ(دنتون) شوفني عاض الأبهام = حسره على فرقى الـحفر للشمالي
لولا مصاحب المطانيخ من يام = لأبيع أمريكا وأعود لظلالي
[/GASIDA]
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
يستاهلون بني يام ولا على كل القبايل زووود ,,, وهذي ماهي مجامله لهم لكن من واقع تجربه مع هل الطيب ,,, ومثل ما قال النبي صلى الله عليه وسلم ( من لايشكر الناس لا يشكر الله )
..
