][ شعراء المملكه يرثون سلطان الخير ][
متصفح خاص بقصائد الرثاء في صاحب السمو الملكي الأمير سلطان بن عبدالعزيز آل سعود رحمة الله
سعيد الكناني
يالله يـــــامـــــنــــــزل تــــــــبــــــــارك ويـــــاســــــيــــــن
يـــاواســــع الــرحــمـــه ومــنــشـــي الــرعــايـــد
يـاخـالـق ابـــن آدم مـــن الـمــاء والـطـيـن
يــاقــابـــض أرواح ٍ ومــحــيـــي رمــــايــــد
ندعيك ياللي لك على الـدوم داعييـن
يـــامـــلـــتـــجـــانـــا فــــــالــــــرخـــــــا والــــــشــــــدايـــــــد
تــرحــم ولــــي الـعــهــد ســيـــد الـسـلاطـيــن
وتــغــفـــر ذنــــوبــــه يــــاصــــدوق الــوعـــايـــد
وتــلــحــقْـــه بـــالـــغـــر الــــكـــــرام الـمــيــامــيــن
فــــي جــنـــة الــفـــردوس مـــــعْ كـــــل بــايـــد
والــمــوت حـــــق وكـلــنــا فــيـــه مـاضـيـيــن
ولا احـــــــدٍ ســـلــــم مــــنــــه قــــريــــبٍ ونــــايــــد
ويــاعـــيـــن لا تـبـكــيــنــه الــــيــــوم يـــاعـــيـــن
والله مـــاضــــنّــــي الـــبــــكــــا فــــــيــــــه فــــــايــــــد
كــــفّـــــي دمـــــوعـــــك طـــالـــبــــك لاتــهــلـــيّـــن
وادعـــي مــعــي ربٍّ لــــه الـخـلــق عــايــد
الله يـــرحـــم كــــــل مـــــــن مـــــــات ويــعــيـــن
مـــــــن يـشــتــكــي فـــرقــــاه دمـــعــــه مـــدايــــد
هــــذه الـحــيــاه الــنـــاس فـيــهــا مـسـاجـيــن
وكـــــــل مــخــلـــوق(ن) مــصــيـــره لــحــايـــد
هــنــيّ مــــن فـيـهــا ســلـــك ســكـــة الــديـــن
واخلـص لــرب الـكـون صـبـح وهجـايـد
واصبح يصلي الفجرضمن المصلين
وامـســى يـصـلـي الــوتــر بـالـخـيـر زايــــد
واخفض جناح الـذل والعطـف والليـن
لـــلـــوالـــديـــن الــــــلــــــي ربــــــــــــووه ابــــــودايـــــــد
واطـعــم مـــن امــوالــه فــقــارى مـسـاكـيـن
وامــضــى الـحـيــاه (ا)بــدعـــوة الله رايـــــد
واخـتــمــاهــا صـــــــلاة ربــــــــي مـلايـيــيــيــن
عــــلـــــى نــــبـــــيٍّ وحّـــــــــد اهـــــــــل الــعــقـــايد
متعب مبارك القليهي
ياسيدي مكبر علينا وفاتــــــــــــــك
حنا وصافين العروبه والاســــــــلام
تبكيك نجد اللي شذاها حــــــــــياتك
وتبكيك حاجات الارامل والايـــــــتام
ويبكيك من يعرف صخاك وصفاتك
والارض دمعتها تحدر من الـــــشام
ويبكيك طفلٍ ماعرف من ســــماتك
الا ابتسامه واستقى منها الاحــــــــلام
ويبكيك جودك والوفا وحــــــسناتك
وشعبٍ محب مصلي الفرض صــوام
لو كان يقدر يفتديك وغـــــــــــلاتك
هاهم عليك بقوة الصبر عــــــــــــزام
لعل تكتب من جهنم نــــــــــــجاتك
ويعيضك الله بالمعانا والاســـــــــــــقام
وتحجب جبينك عن لهبها صلاتك
ورحمت محب اهل الصخا وهل الاكرام
ويجبر عزانا فيك ياطيب ذاتـــك
لـــــــــعـــــل موعدنا على الحوض قدام
طوبا لعمرك بالحياه ومـــــماتك
وطوبا لمثلك مســــــــــــــــلم عز الاسلام
جائز المليحان
سبتنا عقب المحبه .. صار يرمي بالهموم
..................... سامح الله سبتٍ أعيا بالكوارث له شعب
لملم قلوبٍ ثكالى .. حدّر امزان الغيوم
..................... لـاـ مس الضيقه بقلبٍ من علومه به تعب
طوّق افراح المشاعر .. زوّد خناق الهدوم
...................... طيّر اسراب السكينه أودع البسمه رعب
الله يرحمك الامير القايد الفذ الكتوم
........................ الله يجبر بالمصاب ولو نقول انه صعب
نايفٍ حاف المعالي والمعالي فيه دوم
........................... نوّخ الكايد لدوله ارتقت منه بـ كعب
السعود نعزّيه .. من دون ماننسى العموم
........................ السعود وشعبها ومنهو على ترابه لعب
وسبتنا عقب المحبه .. اجزل بلفح السموم
........................... في رحيل النايب العبرات تكّت بالشعب
عبدالله بن سعود العنزي
اول حزن شفته [ بحجر اليمامه ]
.................. اخذ يحلفني عن [ اخبار سلمان ]
متى يعوّد للوطن بــ/السلامه ؟
............... ملامح [ العارض ] حزينه وزعلان؟
وقفت لحظه ضاعت الابتسامه
.................... رد السوال وقال ماعندك لسان ؟
قلت البقى فيكم بقلبي شهامه
............... ماودي انقلّك [ خبر موت سلطان ]
وهلت مدامع ماعليها ملامه
................... دمعه لـ/غالي دارها كل وجدان
اسمع حنينه يعتزي كل قامه
.................... ثم اعتزى [ يانجد ] فارقت خلان
[ ياطويق ] والله راح عالي مقامه
...................... واحزان قلبي قطعت كل شريان
[ حصن الرياض ] ورافع ٍكل هامه
........................... اللي بنى للمجد والعز بنيان
مشيت من عنده برمز وعلامه
.................. ماكنه الا [ انسان يبكي له انسان ]
وصاني انقل بــ/التعازي كلامه
................... [ امانته سلم على راس سلمان]
فيصل بن زبن
الله من يوم سبت ٍ جاب ضيقاتي
قامت تزايد عليه كيف اناحيها
من يوم قالوا ولي العهد قد ماتي
سلطان زيزوم قومة ومتعليها
ركن ٍ من أركان عز الدار بذاتي
والله فقيدة علينا يوم نوحيها
اللي تكفل بها كل المهماتي
أيتام والا الأرامل كان يكسيها
عساه في جنت ٍ للخلد ومناتي
يرحمه رب الخلايق يوم يحصيها
يالله يالله ياللي تحيي الأمواتي
تغفر خطاياه وبرحمتك تمحيها
احمد سحيمان الصخري
دمـع الغــلا ينــزف علــى فــراق سلطـــان
...... نهـــر ٍ يسيــل من الوفــــاء والمحــبـــه
تكــــــدر الخـاطـــر وغـطـتـــــه الاحـــــزان
...... وهبــت عليــه العـاصفـــــه من مهبـــــه
غــم وتعــب وارهــاق نفســـي وحــــرمـــان
....... مــن شــوفــة اللــي كــــل ابـونــا نحبـــه
الشــعـــر يبكـــي والقـوافـــــــي والالحـــــان
....... تنعــاك ياجبــر المصــــايـــب وطبـــــــــه
نعـــــــزي انفسنــــا بغيبـــــــة كحـــيـــــــــلان
...... كــف النــدى مالـــه شبيــه ٍ يشبـــــــــــه
بالعـطــــف والرقــــه وحلمــــه والاحســــان
....... مــن منبعــــه شـــلال حتــــى مصبـــــــــه
يـــاخــادم البيـتيــن يـانـــــــــور الاوطـــــــان
....... بعــد الله انــت النـــا الــدليـــل المنـبـــــــه
ويبقــى العــوض بــوجـــود نــايـف وسلـمــان
...... مــاكـــر حــرار وكــل عـالــي تـذبــــــــــه
مــن قـلـب مــؤمـــــن بالقـــدر سـر واعـــلان
....... مـااغــواه طــاغــوت الـزمــان ولعبــــــه
نطـلب لــه الـرحمــــــــــه وتـثبـيــــت الايمـــــان
....... فـــي منــــزل الابــــرار بـ/جــــــوار ربــــــــه
بنت الكحيلا
ادمــى القـلـوب وهـزهـا يـــوم فـرقــاه
حـتـى طـيـور الـجـو لـجـلـه حـزيـنـه
وذاك اليتـيـم الـلـي يلـمـه الـيـا جــاه
يبـكـي ويمـسـح دمـعـتـه فـــي يـديـنـه
والدمـع مـن زود القـهـر تسبـقـه آه
ويـــــلاه يـــــا الـــلـــي كــلــنــا فـاقـديــنــه
لـو ينفـدي (سلطـان) لا مـا فقدنـاه
الـعــمــر لـجــلــه كـلــنــا مـرخـصـيـنـه
بقلوبنا من صادق احسـاس ننعـاه
وعـم الحـزن كــل الـقـرى والمديـنـه
وحتى ولو جسمه رحل ما نسيناه
وشـلـون ننـسـى مــن سقـانـا حنـيـنـه
مـواقــفــه طــيــبــه وبــســمــة شــفــايــاه
تبقـى صــور فــي ذاكــرة عاشقيـنـه
يا قبـر مـا وصيـك بـا اللـي بكينـاه
ضـمـه برحـمـه مـثـل ضـمـة يميـنـه
ويـاربـي اجـعـل جـنـة الخـلـد مـثـواه
ونـزل علـى روحــه امــان وسكيـنـه
منصور النفيعي
صِباح السبت يا شينك !!
غدرت ابْشعبنا كلّه !
وِحِنّا نْيام في غفله .. بِرمح [ الموت مِستَنّه ] !
نِصِيت الخير بوخالد
يـَ جِعْل ايْديك / منشلّه !!
قَبِل لاتاخِذِه فجأه وِتترك ناس [ منجنه ] !
على فقد الأمير اللي :
وهب قلبه لنا / حِلّه* !
وِمِا عمره لِيَا أعطى يِـِلَحّق بالعطا منّه !
أبو الأيتام ذاك اللي :
شِفاته [ تبري العله ] !
رحيم القلب لا والله [ من الرحمه خِلِق كانّه ] !؟
خبر موته كسر فينا [ شموخٍ ]
صعْب يوصَلّه
وِصِرنا انْصبر انفسنا [ بأن الموت ذا سنّه ]
إلى فردوس ربّ الكون
ياسلطانِ [ إن شالله ]
مع الأبرار والأخيار دون احساب / فالجنه
ويـَ يوم السبت وش باقي :
أخذت ابخيرنا كله !؟
وتركت الشعب يتأوّه علَى انْغام الألم / ونّه !
مشاركه / جراح الليالي
عيوني صباح السبت يبكون سلطااان
ودموع عيني طووول الايام تبكيك
لك سيرة ٍ نفخر بها عبر الأزمان
واسمك يعطر عبر الأزمان طاااريك
نعزي جميع الشعب بالقلب نيرااان
في جنة الفردوس ربي يجااازيك
سعيد القير
تمكـنـت الاشـجـان مـــن روس الاقـــلام
لـــيـــن اســتــفـــزت هــاجــســـي لـلــنــوايــب
مـهـمـا تـغـيـب الـشـمــس وتــمــر الايــــام
يبقـى صـدى سلطـان والصـوت غايـب
مهما الدهر يخفي عن الناس ظرغام
يطـغـى شــذى طيـبـه عـلـى كـــل طـايــب
جـلــســت اقــلـــب دفــتـــر الــمــجــد قــــــدام
شمعـة وفـا... بعـيـون و ادراك شـايـب
لقـيـت لــه صفـحـة فـخـر بـيــن الاعـــوام
وقـمــت آتـهـكــم مــــن زمــــان الـعـجـايـب
سالت دموعي واحدرت صوب الاقدام
مــــــن دبـــــــرة الله والـــبــــلا والـمــصــايــب
عـــــــون الــفـــقـــارا والارامــــــــل والايــــتــــام
جــــــــارن قـــصـــيـــره مــــاتـــــولاه خــــايـــــب
صرح الطموح اللي على بيـد الاحـلام
يِـنْـقَــضْ جَــــدْره مــــن هــبــوب الـظـرايــب
والـلـي درا وش فـــي كـوالـيـس الافـــلام
يــرتــاح لـــــو غــابـــت عـلــيــه الـحـبـايــب
مـانـيـب اصـدرهــا مــــن الــراهــي احــيــام
ولابــكــت عـيـنــي مــــن الــنــاس عــايــب
مـاهـيـب لـحـيـة عـقّــد احـبــال و اسـيــام
والطرس عكـس.. وحبـر الاقـلام رايـب
لا والله الاّ طــاحــت اصـــــروح واخــيـــام
ورمــــــوز مـــجــــدٍ نـاطــحــيــن الـهــبــايــب
