][ الملحمه الثوّريه لأبن عرويل ][

الشـعـر بـاقـي والمشـاعـر حـيـه
ياقبلتـه فـي الصفـحـة المطـويـة
وان عــودت مـانـي مقـبـل يـمـك
لانـــي مـقـبـل قـبـلـةٍ شـرعـيــة
واللـي يقبـل عكـس مـا شرعـلـه
يقصـر عـن الحسنـه وياخـذ سيـة
يالـلـي تغـطـرس لا تـزيـد بـغـيـكتـ
عـامـل مـــع الـنــاس بالـحـنـيـة
تـرى الليالـي تنقلـب فـي لحضـه
وتضـيـع كــل احـلامــك الـورديــة
ما شفت زين العابدين في تونس
قـامـت علـيـه الـثــوره الشعـبـيـة
والارض ضاقـت والموانـي ضاقـت
وأكــد عـلــى اول رحـلــةٍ جـويــة
ثــم اتـصـل فالـجـو مـــن نـقـالـه
عـلـى مـعـمـر راعـــي القـومـيـة
يامعمر انفض شوشتك والحقنـي
وان مـت عنـدك لا تـسـوق الـديـة
وعـيــا مـعـمـر لا يــزبــن جــــاره
لان الـرعـيـة مـــا تـضــم رعــيــة
طـار لفرنـسـا واعـتـذر سـركـوزي
عــود لأوبـامـا جـــاه عـــذرٍ زيـــة
واعـطـا الاوامــر كبتـنـه واحرفـهـا
قــال الـبـيـارق رفـــت سـعـوديـة
ازبن على اللـي يدخلـون الجانـي
نـطـاحـة الـقـالــة نــهــار الـهـيــة
واجـرى اتصالـه بالمـلـك عـبـدالله
واثـر الملـك فـي رحـلـة علاجـيـة
لاكـن ابـو متعـب وهـو فالمـغـرب
يـقــدر يـديــر الـكــورة الارضــيــة
قـال ابشـر بعـزك وانـا اخـو نــورة
والسيـف تحـمـي ضربـتـه راعـيـة
ازبـن علـى سلطـان وازبـن نايـف
واعـطـى الاوامــر كـلـهـا فـوريــة
وعوض عن غياب المليـك اخوانـه
ثــم اوعــزوا للسـلـطـة المعـنـيـة
وامـسـى بـجـده والهـبـوب تهـبـه
عـلـى الـشـحـم والـدلــة الـبـريـة
وانتقلت العـدوى لحسنـي مبـارك
وقـامـت علـيـه الـثـورة المصـريـة
والنـاس قامـت تزدحـم فالـشـارع
بـمـضـاهـراتٍ كـلــهــا سـلـمـيــة
والشعب كله قال يسقط حسنـي
لـكـن حـسـنـي مسـتـمـر بـغـيـة
نـفـذ سياسـاتـة ودمـــر شـعـبـه
بالبلـطـجـة والـشـرطـة الـسـريـة
ونهايـة الموضـوع طـار الكـرسـي
والشـعـب حـقـق منـيـة الـحـريـة
والـشـي هــذا يـثـر بـمـن حـولـه
لأنـــه يـسـبـب نـقـلــتِ نـوعـيــة
لان الشعـوب ان فـكـرت فالـثـوره
مـاعـاد تـنـفـع مـعـهـم القمـعـيـة
قامـت حكومـات العـروبـه تـرجـف
كـلـن بــدى يهـتـز بـــه كـرسـيـة
وام الـركـب بـانـت فـأبـو تفلـيـقـة
لأن الـجــزايــر دولـــــةٍ ثـــوريـــة
ويمكـن لـيـا ثــارت تطـيّـر راســه
ويـــروح فـــأول طـلـقــتٍ نــاريــة
وراع اليمـن مـا سـرتـه شعـاراتـه
يــوم احـتـزم بالسـيـف والجنبـيـة
الشعـب ضــده والعسـاكـر ضــده
ويــقــول يـاجـنــي ويــــا جـنـيــة
وارسـل سفيـره للـريـاض بحيـنـه
ويـقـول خـطـة دعــم لوجستـيـة
والظـاهـر انــه حـاجـزٍ لــه شـقـه
شقه علـى الهافمـون بالشرقيـة
ومعمـر الليبـي علـى بـن غــازي
مـــا ســرتــة قــواتــه الـحـربـيـة
جـاهـم معـمـر بـــس راح مـدمــر
يسحب جيـوش الـذل روحـة جيـة
صـج العـرب بالصـوت زنقـه زنـقـه
والـــى الأمــــام وثــــورةٍ لـيـبـيـة
ونـهـايـتـه فالمـشـنـقـة بـيـعـلـق
ولا يــمــوت بـسـكـتــتٍ قـلـبـيــة
لأن الرصـاصـة فـيــه نستكـثـرهـا
وأغلـى منـه فالقيـمـة السوقـيـة
باخـذ شـوي وبرجـع لموضـوعـي
بـعـد مــا عــد الـنـشـرة الـجـويـة
النـاس ماتـت بالغـرق فــي جــده
والسـبـه مـــن البـنـيـة التحـتـيـة
واميـن جـده قـال مـالـي دعــوى
والمشكـلـة مــن هيـئـة المالـيـة
ياراعـي المعنـى مادامـك شـاعـر
نـبـيـك تـكـتـب فـالـعـرب مـرثـيـة
ومادمت رسام ومسكـت الريشـة
نـبـيـك تــرســم لــوحــتٍ فـنـيــة
فيـهـا تجـسـد واقــع الـلـي مـاتـوو
جثثهم فــي الأرصـفـه مرمـيـة
ثــم حطـهـا فالمـعـرض وبـروزهـا
واوعـــدك تـاخــذ جـايــزة دولـيــة
جتـك المعانـي واضحـه واعذرنـي
لأنــي اعـانـي مشكـلـة نفسـيـة
مشكلتـي انـي منصـدم فالواقـع
واجهل فـروق الشعـب والشعبيـة
ومشكلتي اني ما عرفـت اجامـل
وتظـهـر عـلـي الـنـزعـة الديـنـيـة
اكتب قصيـدة فـي الغـزل والقاهـا
عقب انتهي منهـا جـت سياسيـة
وان كـان تبغالـك مثـال اسمعـنـي
غـنـيــت فالـمـزيـونـه الـحــوريــة
يـا ام العيـون الناعـسـه روفي بـي
لا تبـلـجـيـن الــنـــور فالـعـتـمـيـة
كشحة جبينك مثل كشحة ساهر
اللـي خـذالـي صــورةٍ شخصـيـة
وانا بوسط خريص وسـط الزحمـه
وامشي مية والناس تمشي مية
واللـي يـزيـد بـرقـم يـاخـذ صــورة
ويـراجــع اقـــرب دايـــرة بـنـكـيـة
وامـــا يـصـيـر مـسـالـمٍ ويـســدد
ولا يــســدد غــصــب بالـجـبـريـة
صـارت جبايـة مـال عينـي عيـنـك
مـافـيــه لا رحــمــه ولا مــاويـــة
يامفـتـي الـدولـة نـبـيـك بـفـتـوى
اصـدع بقـول الحـق وانشـر ضـيّـة
مــن يـاكـلـون امـوالـنـا بالـبـاطـل
وش حكمهـم فالنضـرة الشرعيـة
هـــذي مطـالـبـنـا وهــــذا حــنــا
نـصـدح بـهـا فالصـبـح والظـهـريـة
تـاصــل ملـكـنـا كـــل ماقـلـنـاهـا
لا مـظـاهــرات ولا ذي ولا ذيـــــة
ودام الملـك للشعـب فـاتـح بـابـه
وشهـولـه الفتـنـه ياشـيـن النـيـة
ثــورة حنـيـن الـثـورة المـدعـومـه
بـمـخـابــرات الـــــذل الإيـرانــيــة
مـحـدٍ تبعـهـا الا عـمـيـل وخـايــن
وضعيـف نفـس ومستهـان وعـيـة
لاكـــن قــــل لإيــــران ياتـابـعـهـا
انّا عـلــى الـعــدوان نـــارٍ حـيــة
وان الـسـعـوديـة ابــيـــه حـــــره
ورجـالــهــا لـحــدودهــا ثـــوريـــة
وجيش السعوديـة ليامـن جحفـل
يـاطـا برجـلـه فــوق راس الحـيـة
قــل للخميـنـي ثـورتـك صـّدرهــا
عـلـى ديـــار الـجـهـل الأفريـقـيـة
ولا الـسـعـوديـة تـعـجــز يـديـنــك
مـنــت بـكـفـو يـالـنــذل لـلـنـديـة
جربـتـنـا بـجـنـود بـــدر الـحـوثــي
وسلحتـهـم بأسلحـتـك المخفـيـة
وجوهـم صقـور الجـو غـاره غــاره
وجوهـم جنـود الجيـش والبحـريـة
وراحــــوا طــقــق يالله لا تـبـلانــا
رح عــــاد دور خــمّــة الـحـوثـيــة
وجربتـنـا فــي الـؤلــؤه يالـخـايـن
قـصـدك تـسـبـب فـتـنـةٍ أهـلـيـة
وشعـب الخليـج الحـر مـا يتـفـرق
واكـبــر دلـيــل وغـايــة الـمـاريــة
درع الجـزيـرة جــاك صــفٍ واحــد
صـارت جـيـوش الـسـت بحرينـيـة
ثم داس خشمك فالثرى بأقدامـه
وشـلـون ذقــت التـربـة الرمـلـيـة
هــذي نهـايـة كــل مـــن عـادانــا
نـتـيـجـةٍ مـحـسـومــةٍ حـتـمـيــة
واحسب حسابك ياحسن نصر الله
لا تجمـع الشيعـة عـلـى السنـيـة
تـرى القيامـة قايمـه فــي درعــا
وبشـار مـا يقـدر عـلـى الشامـيـة
بـكــره بيـفـتـح بـابـاهــا بـالـقــوه
وتـبـا تطـيـح اســوارك الوهـمـيـة
وباب الشرف ماهـوب بـاب الحـارة
ابينـفـتـح فـــي ثــــورتٍ فـعـلـيـة
وبيـزحـفـون بجيـشـهـم لــديــارك
وارض الـجـنـوب تـعــود لبـنـانـيـة
ياحــادي الـثــورات غـــن بـثــورة
ثــورة عــرب ماهـيـب صهيـونـيـة
ياشعـب تونـس يامصـر يالمـغـرب
يـالـيـبـيــا لــبــنــان يــاســوريـــة
يامقـسـم الـســودان ياجيـبـوتـي
يـا اهـل اليـمـن فديـارنـا الأصلـيـة
يـا أهـل الجزايـر يالعـراق البـاقـي
ياموريتـانـيـا يـالـشـعـوب الـحـيــة
يادولـة الصومـال يــا اهــل الاردن
جـزر القـمـر يالشمـعـة المطفـيـة
يا اهل الخليج بدون ذكـر اسامـي
ياشـعـوبـنـا يـالـعــزه المـنـسـيـة
متى يكـون الشعـب شعـب واحـد
ومـتــى تـقــوم الـثــورة الـكـلـيـة
ونـردد اسرائيـل تسـقـط تسـقـط
تسـقـط حــدود الـدولـة العـبـريـة
وندخـل حـدود الـقـدس ونحـررهـا
وكـــذا تــتــم الـسـنــة الـكـونـيـة

http://www.youtube.com/watch?v=oy8tT...eature=related


صح لسانه صراحه شاعر بطللللللللللللللللللل :ebt2029:

قصيدة مجسدة للواقع وموافقة لامانينا ...
صح لسانك يابن عرويل... أبيات جزله

شكرا شمالية على النقل...

صح بدنك ولاهنت على مرورك

صح لسان الشاعر والناقل ...

جرى الاستماع ...

جتني قبل فتره على الايميل


صح لسان ابن عرووويل (( الصارم ))



ولاهنتي على النقل يا شماليه

صح بدنك ابو نايف حياك وبياك

صح بدنك ياعقارب اشكرك على مرورك لاهنت

صح لسانك شماليه لاعدمناك

وكل عام وانتي بخير

صح بدنك وانت بخير وسلامه
لاهنت