احم.. بعض أمثال المراجيج

السلالالالالالالالالام..


هذي أمثال المراجيج اللي مثلي دااااااايم يستخدمونها
.. أغلبها مصري وفيها خرابيط..




احم.. الله يعينكم..



1
علم في المتبلم يصبح ناسي

((هذا ينقال اذا كان عندك واحد غبي ومهما فهمت فيه وعلمته وشرحت له .. لا حياة لمن تنادي.. (( اوه طلع مثل ثاني .. عموما.. لا حياة لمن تنادي يعني مافي أمل أن أحد يرد عليك والا يعبرك والا يفهمك.. يعني انسى:rolleyes: )) نرجع لمثلنا.. مهما شرحت له ماراح يفهم .. ولا يستوعب.. ))
(( احم.. كأني أعرف .. أحد ينطبق عليه المثل هذا..؟؟ .. عشره غيري ))


ماعلينا....


2
جيب السبع ما يخلاش

(( هذا المثل أحبه كثيرررررر.. يذكرني بموقف حلو ..
مره قلته لصديقه لي.. سمعته جيب السبع يا خلاش.. يعني هات السبع يا خلاش - واحد اسمه خلاش - .. كان يوم رهيييييييبhttp://imbiss-coding.de/smiliez.de/s...schchtrn_6.gifالمهم... خلينا من القصه.. خلينا بالمثل..
يعني مثلا لما اخوك يجي يقول لك عندك فلوس؟؟
تقول له جيب السبع ما يخلاش.. -- الزبده يعني اكيد عندي-- بس النذاله عاد لو ما عطاه....))


3
مرد الاقرع لبياع الطواقي

(( يعني مثلا انت بالسياره مع اختك .. شافت لك موقف تقول لك اوقف فيه
تتفلسف وتقول لا بلاقي أحلى منه !! لبس هو؟؟ والله بس شغلة عناد.. المهم .. خلينا بالمثل حقنا..
يقوم يا حلو تدور وماتلاقي غير اللي قالته لك اختك.. فتقول لك مرد الاقرع اللي هو انت لبياع الطواقي اللي هو الموقف..
ياناااااااااااااااس أفسر بقصص مالها سنع..
بس هنا في حكمه... سمعوا كلام خواتكم.. حتى لو كانوا مراجيج..http://www.mykit.net/smilies/mhihi.gif
))


4
زوجتها عشان تتآخر.. راحت وجابت لي آخر

((هههههههههه... هذا مثل خطيررررررررر..
يوم سمعته انا صرقعت من الضحك.. http://imbiss-coding.de/smiliez.de/smz/crz/crz_10.gif
يعني مثلا لما وحده تزوج بنتها عشان خلاص بترتاح منها ومن همها.. (( اي هم؟؟ احنا مساكين .. شايلين عمنا بعمرنا.. ما نزعج أحد.. بس يالله.. الله لنا )) الزبده.. تقوم البنت تستدلخ .. وترجع (( مااقصد تترك زوجها لأ تجيبه وتقعد فيه عندهم )) لأهلها بهمها وهم زوجها.. والا عيالها..
))


5
انا بتكلم وكأني جايه من القمر..

(( احم.. هذا مو مثل.. هذا دكتوره عندنا بالجامعه.. كانت تقوله لنا لأن احنا متنحين معاها.. وماندري ايش الطبخه.. تقوم تقول لنا .. انا بتكلم وكأني جايه من القمر.. -- مصريه الدكتوره -- ))
((ماعلينا هذا ما له علاقه بالامثال بس تذكرتها وهي تقوله .. ))


6
بو طبيع ما يجوز عن طبعه

(( احم.. يعني اللي فيه طبع ما يغيره ولا يبطله..
هذا ولد عم المثل اللي يقول ذيل الكلب عمره ما يتعدل.. ولهم ولد خال.. بعد هو.. يموت الزمار وصوابعه بتلعب.. ))


7
رحت وقلت عِدّو لي

(( يعني عطاهم ركبه.. http://www.mykit.net/smilies/mhihi.gif ))


8
كل عين وقدامها صباع

((احم.. هنا الورطه .. بصراحه يعني .. انا المثل هذا .. سمعته بمسلسل .. ومن يومها أدور له تفسير.. والا فايده والا شي أعرف منه ايش السالفه.. ما فهمت.. ))


9
يا صابت يا ثنين عور

(( هذا ينقال اذا واحد يعني جا بيسوي شي.. وينقال لك مستبيع.. زي ما تقول يا تصيب يا تخيب.. يعني بيسوي اللي يبيه ويا ضبطت يا ما ضبطت.. فهمتوا..؟؟؟http://imbiss-coding.de/smiliez.de/smz/crz/crz_62.gif ))


10
يامن شرى له من حلاله عله

(( ايه .. هذا عاد اذا مثلا شريت كمبيوتر.. احم.. وكل شوي.. خرب.. والا صار فيه شي والا انفجر وابتلش فيه.. فيقول عاد يامن شرى له من حلاله عله
يعني بفلوسه وحلاله جاب له شي يعل قلبه.. ))


11
خذني جيتك

(( هذا اذا انت ما تصدق احد يقول لك مثلا انت معزوم عندي على العشا.. على طووووووول تقوم تروح كأنه تنتظره يقول تعال.. ))


12
ما أردى من المربوط الا المفتلت

(( هاه.. يعني .. ايه .. مثلا محل جديد فتح .. زين.. بعد فتره بسيطه .. شيل وجا غيره مكانه .. وشيل بعدها بفتره بسيطه وجا غيره طيب.. تقوم الوالده الله يسلمها تقول.. كل شوي محل وكلهم مالهم سنع... وبعدين تقط المثل هذا وتقول..
اييييييييييييييييه... ما أردى من المربوط الا المفتلت... ))
(( يعني هذا أسوأ من هذاhttp://imbiss-coding.de/smiliez.de/smz/crz/crz_1.gif .. ))


13
اما كلّه والا خلّه

(( يعني مثلا تقول لواحد .. اشرب عصير مفيد.. -- مااحب اشرب عصير الا ناااادر -- ماعلينا .. المهم .. تقول له مفيد اشربه زين.. والأخ ما كان يشربه أبدا.. قام على طول 24 ساعه يشرب عصير.. http://imbiss-coding.de/smiliez.de/smz/crz/crz_23.gif لين ما صار خزان عصير.. تقوم تقول له اما كله والا خله..
يعني يا اما انك ما تشربه أبد .. والا انك كل شوي شارب وما انت تاركه.. ))


14
على طريقك شيل لك خشبه

(( اوكي هذا حلو.. يعني مثلا.. وانت رايح بقاله .. بتجيب مصاصه مثلا.. المهم..
تقوم تلاقي بلونات..!!؟ -- ايش أبي انا..؟؟ ايش دخل البلونات؟؟ لا تشرهون علي.. -- ماعلينا.. يقوم تقول يالله مره وحده آخذ بلونه !!؟ -- يمكن حق "عَـلْـيا" بنت اخوي -- فهنا تقول يالله على طريقك شيل لك خشبه .. والخشبه يا حلوين في قصتنا هذي هي البلونه .. ))


15
الفاضي يعمل قاضي

(( ايه هذا ينطبق علي الحين.. http://imbiss-coding.de/smiliez.de/s...chchtrn_24.gif من زود الفضاوه اللي انا فيها .. قاعده أرج أهلكم بالامثله حقتي..
يعني الواحد اللي ماله لا شغله ولا مشغله .. يقعد يطلع عيون غيره .. عاد هي بأوامر .. هي بشي يغثه فيه .. والا أي شي ثاني المهم انه فاضي وعامل قاضي!!! ))


16
جا يكحلها عماها

(( يعني لو واحد سوى مصيبه .. وجا بيرقعها .. والا يصلح اللي سواه.. يقوم يعدم الطبخه.. يعني يخربها ويقعد على تلها.. احم.. هذا مثل ثاني.. (( خربتها وقعدت على تلها.. )) (( شوي وأشرحه لكم.. )) .. ))


17
خربتها وقعدت على تلها

(( يعني تجي بشرك وتقول لواحد فلان يقول عليك كذه وكذه.. يقوم اللي قلت له يروح لفلان .. وتقوم بينهم خناقه طويله عريضه.. تجي اختك الحلوه الاموره المرجوجه.. وتقول لك.. خربتها وقعدت على تلها يا حظي؟؟؟؟؟؟؟http://imbiss-coding.de/smiliez.de/smz/wtnd/wtnd_9.gif ))


18
جبتك يا عبد المعين تعين لقيتك يا عبد المعين تنعان

(( والله هذا ينطبق علي .. مثلا .. أمي قاعده تبي تكتب كلمتين على هديه بنت اخوي.. وتسألني ايش تكتب عليها..
لقتني يا حظي .. أسألها انا ايش أكتب على هديتي لها.. -- وحده تبي تقول لكم انها جايبه هديه لبنت اخوها -- فهنا ينطبق علي بالحاله هذي جبتك يا عبد المعين تعين لقيتك يا عبد المعين تنعان
يعني جابتني أساعدها.. لقتني ابي من يساعدني.. ))


19
صفوا صفين قالوا احنا اثنين

(( يعني مثلا في طابور الصباح حق المدرسه.. في واحد من الفصول في بنتين بس.. (( يا سلام على المثال.. أي طابور هذا اللي ما فيه الا بنتين؟؟!!؟؟ )) ماعلينا.. جاو البنتين ووقفوا ورا بعض
لأنهم ثنين مو مستاهله السالفه يوقفون ثنين جنب بعض وهم أصلا ثنين.. بس .. احم... ما وصل المعنى؟؟؟.. مومشكلتي.. مالقيت له شرح ثاني... ))


20
متى انبنى القصر قال أمس العصر

(( يعني مثلا... ( انتبهوا للتفسير الجاي ).. احم.. مثلا لين جات لأخوك بنت.. (( مثلي )) تجي ثاني يوم من ولادتها تقول هاه .. متى بتروح المدرسه؟؟؟ (( معليه ماادري ايش أبي انا من التفسير هذا .. تحملوني .. أنا عمه )) المهم.. في الحاله هذي يجي اخوي ويقول متى جات البنت عشان تروح المدرسه؟؟ صحيح متى انبنى القصر قال أمس العصر.. ))







احم... خلاص.. هذا كل الامثله اللي تذكرتها لكم..
أكيد هنا تقولون الحمد لله ما بغت تخلص الامثال المرجوجيه هاه؟؟؟

لا وابشركم لين تذكرت زياده عليهم... حطيتها لكم بموضوع.. ابشروووووووووووااااااااااااااا......



يعطيكم العافيه ...

الله يعطيك العافيه على باقة الامثله الجميلة

وجيب المرجوجه مايخلاش او جيب المرجوجه ياخلاش

يعطيك العافيه ياعمة عليا

وننتظر الدفعة الثانية من الأمثلة

يعطيك العافيه اختي المرجوجة
امثله ولا اروع .
بس ممكن اوضح المثل ( كل عين وقدامها اصبع )
يعني مثل المثل الي يقول كل ضرس وله قلاع (ما ادري كذا حطيته )
العين مهما كانت قويه لا تستطيع مضاربة الاصبع .
يعني واحد يكتب مقال هرطماني مرستك يجيك واحد( لامع العير ولا مع النفير ) . ويتفلسف وانت تكون قادر على رد كل اباطيله واسكاته
هنا نقول كل عين وقدامها اصبع يعني يفضخها .يعميها . ينهيها
يعنيI- I- I- I- I-

مع تحيات مركز الدراسات والتحريات الهرطمانيه:\ :\

اخوي حمووودي.. هلا فيك..
.. وسلم لي على خلاش:^ ..
يعطيك العاااااااااااااااااااافيه... سلام.. :ng

اختي دمعه...
وحشتني عليا.. :( ..
يعطيك العافيه .. وان شاء الله كل ما أتذكر شي أجمعه لين أكمل لكم مجموعه ظريفه .. وارجكم فيها ..:rolleyes:

اخوي هرطمان...
أوجه سلالالالالالالالالامي لمركز الدراسات والتحريات الهرطمانيه
وأشكر لهم تحريهم وشرح المثال اللي ما استرعبته..
بس الحين الحمدلله.. في أمل اني أفهم.. :)
أقصد فهمت:rolleyes: ..
يعطيك العافيه واشكر لك مرورك...:ng

الله يسلمك المرجوجه امثله جميله والتفسيرات اجمل واحسن

بالذات مرد الاقرع لبياع الطواقي ياليت يفهمون الامثله ويطيعون:p

هههههه..
يعطيك العافيه المزيونه .. :D
وصدقتي والله ليييييييييييييييييييتهم يفهمووووووونه:mad: ..
يعطيك العافيه واشكر لك مرورك...:)

يعطيك العافيه مرجوجة

حلوه الامثله وبانتظار المجموعه القادمه

الله يعطيج العافيه اختي المرجوحه علي ها النشاط الملحوظ في المنتدي ومشكوره علي هاي الامثال ... ولا ننحرم منج ......((شكـــــــــــــــرا))






عاشقة الليل

هلا اختي الاصيله .. يعطيك العافيه ..:)

هلا والله عاشقة الليل..

الحمد لله على السلامه.. :)
طولتي الغيبه علينا.. :)
حياااااااااك..
يعطيك العافيه ...:):):)