أستعدوا ليوم السبت الموافق 10/4/1425هـ للأهمية
بسم الله الرحمن الرحيم
السلام عليكم ورحمة الله وبركاته :
أخواني أهدي لكم هذا الموضوع وهو بالأصل منقول :- للفائدة .
استعدوا ليوم السبت 10/4/1425هـ
وخلوه يوم بؤس لشركة الاتصالات احتجاجا على إضافة الصفر وبسبب الفواتير اللي كسرت ظهورنا وبالذات الانترنت ....
انشروا الموضوع بين الناس صغير وكبير
وياليت تكون مقاطعة لجميع خدمات الاتصالات بما فيها الإنترنت
يضحكون على الشعب ....
تبي رقم 5 ادفع 25 ريال .. حسبي الله عليكم
.
يا هلا بالمقاطعة يوم السبت
.
قصيدة من موضوع ستورم :
غربلكم الله كل شي نهبتوه *** مال الأوادم في الضحى تسرقونه
خافوا كريم العرش يا ناس خافوه*** لا تسرقون اللي بحاجة معونة.
مديركم يا شركة ( المص ) معتوه *** محتاج فيفادول حق السخونة.
وان كان عيا لا يفيده فشدوه*** شدوا وثاقه لين تطلع جفونه.
شوفوا مداوي يا جماعة وداووه*** خلوه يصحى بعدها من جنونه.
سووا تعاملكم مع الناس سووه*** من شان باكر مثلنا تكسبونه.
واللي يبيع الناس بالبخس بيعوه *** الشاطر اللي ما يبهذل زبونه.
يا شركة المنشار جَيبي نشرتوه*** منشاركم حاجة غريبة سنونه.
جَيبي وجيب الناس مثلي لهفتوه*** واللي معه قرنين طاحت قرونه.
تفريغ جيبي فن مُتقَن درستوه*** من عهد ابن كيال مُتقَن فنونه.
يا شركة المص اخفضي ما رفعتوه*** مجالكم يحتاج كل المرونة.
رسم الشهر وش حدكم ما خفضتوه*** والانتر اللي سعرها ترفعونه.
غربلكم الله والصفر ليش جبتوه*** جبتوه غصباً والعرب ما يبونه.
لمصلحتكم وحدها قد وضعتوه*** وعقبها بفلوسنا تسحبونه.
مائة ريال الحد الادنى اقترحتوه*** والاقتراح اصلا مجرد رعونة.
يا مرحبا بالصفر بالرقم قلتوه*** وعلى الجرايد بالثمن تنشرونه.
لا مرحبا بالصفر واللي شنقتوه *** بداخله ما بادي الا عيونه.
مهبول متبرقع بصورة رقعتوه*** بامحق دعاية بايخة تفضحونه.
جوالي اللي قبل مدة فصلتوه *** وانا مسدد قبل ما تصدرونه.
خطأ موظفكم علينا حسبتوه*** وزبونكم لو ما غلط تحبسونه.
زبونكم بالرخص والدون بعتوه*** وش لون باكر بالغلا تشترونه.
هذي عمايلكم وذا ما زرعتوه*** باكر بمنجلكم تبا تحصدونه.
وثوبكم ذاك الذي قد لبستوه*** باكر بحر الشمس ما تلبسونه.
متى يجينا غيركم بس هاتوه *** الكل يبغونه ولو ما تبونه
------------------------------
منقول
أخوكم / الطيــــــــــــــــــــــــــــــــــــــــــــــ ـار .
