سعــــــــــــــــــــــــــاد
وصلني عن طريق الايميل هذه الابيات الرائعه ونقلتها لكم ولكن للاسف لم اتمكن من معرفة قائل هذه الابيات .. ارجوكم التمعن وتكرار قراءتها لتعرفوا قصة هذا الشخص الذي يحب محبته و تفارقوا عن بعض لمدة ثمان سنوات وشاء القدر ان يجتمعوا مرة اخرى بعد سنوات الانقطاع في المستشفى الجامعي وقال هذه الابيات ........:-
شفتها ياسعود صدفه بعد ماغابت سنين *** عند قسم المختبر وسط مشفى الجامعه
جيتها ثم قلت ممكن في سؤالي تسمحين*** ناظرت فيني بدهشه نظرة متواضعـــــــه
قالت انته تحسبني من بنات صايعيــــــن *** تحسبني في زماني عن طريقي ضايعه
قلت انا ماراح اطول كلبوها كلمتيـــــن *** وابعدت عني شويه ثم جتني راجعــــــه
قالت اسال واضح انك من رجال طيبين *** بس هرجك يالسنافي كان وشو دافعــه
قلت انا حبيت وحده يوم كنا صغيرين **** ومن ثمان اسنين راحت للمواصل قاطعه
عقبها ماذقت نوم يهتنيه النايميــــن***** ساهر في طول ليلي لين شمسي طالعـه
اذكر انه فيه حبه فوق ثغره من يمين *** واذكر انه لاجرينا كن شعره تابعـــــــــه
واذكر انه عاشق فالورود الياسمين *** صار قلبي بالورود اللي عشقها زارعــه
طابعاً اسمه بقلبي فيه سين وفيه عين ** وفيه الف وفيه دال وسط قلبي طابعــــه
قاطعتني بقولها سبحان رب العالميـــن ** كررتها مره ومرتين ورابعــــــــــــــــه
قلت وشفيك وشبلاك يابنيه ترجفين **** ليش عينك يابنيه من كلامي دامعـــــــه
قالت الموقف وقلبي والمحبه والحنين *** كيف اشوفك بعد ماكنت عنك قانعــــه
قلت انا بسالك انكانك انتي تذكرين **** عن مواثيق ثمنها من حياتي دافعــــــــه
قالت ظروف الزمان ماتطيع العاشقين *** بيعوني غصب حبك لو ماني بايعــه
انا في دنياي حالي كنها حال السجين **** حتى لو فكوا سراحه فيه مانعـــــــه
زوجوني غصب واحد وحرموني حاجتين*** السعاده في زماني والحياة الرائعه
والحين انا ام لثلاثه عندي ريم وياسمين *** والولد اسمه على اسمك والمشاعر جايعه
وسلامتكم وسلامت قائلها ..
اعجبتني هالابيات وقصتها وحبيت انقلها لكم
