مالقاها غير منهو عسكري @#@ بالزياده والعلاوه وراتبين

استراحتنا مكونه من غرفه ومطبخ وحوش كبير
اعضائها ثلاث مدرسين وخمس عسكريين وانا كاتب ورسمي ولله الحمد ومعنا واحد موضف على البند
احداث القصه
كل يوم يجون هالمدرسين الثلاثه ويتشكون من شغلهم ويقولون تعبنا ملينا ذبحونا هالبزران بالمدرسه وعلى هالمسحوب دايم حنه وشكاوي الي يسمعهم يقول ذولا مساكين مايدري انهم نوم وفلاح ويربون اجيال امحق اجيال .
واذا كلصنا من هالمدرسين جوك العسكر مالهم الا سالفه جتكم الزياده وكم علاوتكم ومتى تجينا المكرمه حقت الراتبين .
وانا مسالم وساكت ولا اقول شي
وخوينا الي على البند قاعد يتسمع وياكل باضافره ويتحسر ويقول بينه وبين نفسه اللحين ذولا رواتبهن من الاربعه وطالع ومهو عاجبهم اجل انا وش اقول وراتبي ماوصل الفين .
وعاد كسر خاطري راعي البند وكتبتله هالقصيده والي اتمنى انها تنال ولو القليل من استحسانكم .



مـالـقـاهـا غـير مـنـهـو عسكري
بــالــزيـاده والعـلاوه وراتـــبـيـن

لــيـتـنـي جـنـدي مـنـتـف مـهتري
اســتـلـم راتــب ويـدبـل نـوبـتـيـن

والــمـدرس بـعـد مـاهو مقصري
راتـبـــه صـفـقـه وعطلاتـه سنين

بـالـفـصـل جـالـس ودايم يشخري
والـفطور اشكال سواه الصايمين

والـي غـيـره بـالـوضـايف مادري
لازيـــــاده ولابــــدل اللــــه يـعـين

راتــبــه يـــانـــاس راتـب بنشري
على الـبـنــد وكــل يــوم مهــددين

يــنـتـضـر دايــم وقـاعــد يــحـتري
حــض مــتـردي ولايـمـكــن يـزين

لـــه مـديــرآ بـكـل وقـت مـكشري
لـــو تــأخر حـط محضر بشاهدين

مــن دوامـه جــاه ضـغط وسكري
وصـار يـنـقـل في جـيوبه اسبرين

وصــار بــالاقـســاط دايـم يشتري
انـقـضى حاله على اسلافـآ وديـن

يشرب المر الي طعـمـه كـالـشري
والــي غــيـره بـالـعـسل مـتـنعمين

ذي قـصـيـده جـبـتـهـا مـن دفـتـري
للــــمـنــتـــدى الي على قلبي ثمين

مـــنــتـدى دايــــم عـلـيـنا مـنـوري
بـكـل اعـضـائـه وكــل الـمـشـرفين


:::::: وســــلامـــــتــــــكـــــــم :::::

انتضرو قصتي مع الاسهم مع القصيده 8o
كورن

احلم الله يهديك وشبك شان حمله

على المدرسين وين التقدير

ياخي الله يسامحك من الساعة

سبع الى الساعة وحده وحنا

واقفين على قدم وساق ولنا لعلعه ولجه

حنا ياطويل العمر ست ساعات يوميا

ست ساعات فعليه فعليه ماهو دق حنك

بالمكاتب وماينزل على خشمكم الذباب

تقول تشحذه الجنه ربك ابخص ,

والله تعب عليكم الدوام الساعه الثامنه

وفوقه بعد ولا يروق الاخ إلا الساعه التاسعه

يخلص معامله ويروح يدق فيها فطور الى الساعه

العاشره والنصف ويجيك يمسح بطنه واذا اذن الظهر

طلع ولا يجي الا الساعه الواحده وتلقاه جالس عند دفتر

التوقيع ويطالع الساعه ذبحتونا ياتعال بعد الظهر

يابكره ويوم تحسب ساعات عمله الفعليه تلقاها ثلاث ساعات

وعلى هالموال واللي مايخلص اليوم يخلص بكره ( وهز ياوز )

الكلام هذا لبعض الموظفين الحكوميين هداهم الله

راجع كلامك ياعزيزي ولا تصير عجل واحمد ربك

صح لسانك اخوي كورن فلكس
لاكن ترانا تعبنا حتى حصلنا االراتبين

الغالي فهد محمد
اولآ المنتدى نور بقدومك ويشرفنا انضمامك

ثانيآ على هونك ترا الدعوى مزوح بس حبيت ابين معاناة موضفين بند الاجور والساعات
تدري عاد انتم اكثر من يتعب ولا تفطرون اشكال وانواع ولا عندكم عطلات
انشالله تكون رضيت علينا

لك تحياتي

ياهلا وغلا بهرطمان

شرفتنا بحضورك

وصح لسانك يالغالي

وبخصوص الراتبين تصرفونهن بالعافيه على مقاضي رمضان

لك تحياتي

يستاهلون العسكر..

حماة الوطن والله يجيب الزياده

لجميع اخوانا الموظفين

اولهم المدرسين يالله استانس المختلف!!

كنت ناوي اكتب تعليق طويل على الموضوع
لكن بسبب انشغالي ومسؤولياتي الجمة ما قدرت
صراحة خلص الاشتراك

المهم يا اخوان يكون عندنا رضى باللي كتبه الله سبحانه وتعالى لنا
وان نقنع بما حصلنا عليه وان نعرف عدم رضانا يغضب الله علينا

من حصل راتبين
من حصل ترقية
من كسب بتجارته
من رزق بمولود

ندعو الله لهم ان يبارك لهم بما اعطاهم وان يرزقنا واياهم.

مشكور ابو فليكس.

اخوي الغالي / هرطمان

لا تنسى تسدد الفليسات اللي عليك.

>>>>>>>>>>>ابوووووووك يا القصيــد.......لا لا تنفع نسوي لك امسيه شعريه

كورن فلكس مشكور على مجهودك الواضح با الموضوع
والله يجيب الزياده

لجميع اخوانا الموظفين

اولهم المدرسين يالله استانس المختلف انبسط بعد انت يا الوميض لوووووول

اخوي الوميض
حضورك اسعدني
لك تحياتي

هلا بالغالي رفحاوي
شرفتنا بالحضور

ومنا الى هرطمان بخصوص الفليسات

تقبل ارق التحايا

الغاليه شوووووووووووووق

الله يجبر بخاطرك مثل ماجبرتي بخاطر قصيدي المكسر

خلاص انا موافق على الامسيه

وريعها يعود لاخوانا رفحاوي عشان يجيب اشتراك


لكي كل التقدير