الرياض: سماع اصوات تفجيرات البارحة
كنت في امان الله البارحة مع المعزبة (حفظها الله ورعاها)
ولا يوجد معنا الا بشاير بعد ان نام بقية الشعب
وعلى حين غرة مننا سمعنا صوت تفجير قوي
فخافت حفظها الله وقالت : وشو هذا ؟!
قلت : مهو شين
كنت احاول ان الغي جميع مصادر الازعاج واستغل فرصة الهدوء
لكن للاسف زادت اصوات التفجيرات مما زاد خوف صاحبتي
قالت : شف وش السالفة ؟!
قلت (بكل اخلاص كعادتي) : تامرين امر .
واطلع
واتشوف
واشوف العاب نارية حلوة
وارجع واطمن المعزبة وان الموضوع سلامات
اليوم جاء ولدي (صاحب المقولة الشهيرة يبه نبي نشتري روب)
وقال انهم البارح محتفلين بمناسبة مرور 23 سنة على حكم الملك فهد
ماني معلق اكثر
اخاف اقول لو وزعوا فلوس الطرطعان على الضعوف
عشان يدعون للملك وما يزعجوننا ببيوتنا مهو احسن
يجي انيس ويحقق معي
