محاوره بيني وبين جني

حلمت خير اللهم اجعله خير البي رفرف زي الطير اني تحت طلحه بشعيب المناشبي وطلع علي جني وقعد يسلوف معي ولاحضت انه حزين قلت وشبك عسا ماشر يوم تنهت من اعماق قلبه وقال ااااااااااااااااااااااااااااه قلتله افا وشبك قال قصتي قصه واحوالي عجب قلت له فض فض لي قال ماشفت مسلسل كناريا وشركاه قلت الا قال شفت سيد الاوصي قلت ايه قال شفت زوجته وش سوت فيه قلت ايه قال قصه هالمسلسل ماخوذه مني قلت عاد بلا صورايخ يوم طلع بطاقته الا ومكتوب فيها سيد الاوصي وكان الميلاد طنطا قلت الله يكون بعونك . وبعدا انشد هذه الابيات ..

ذي نصيحه والنصايح تشترا
قــلتـهـا ببلاش مابيله عوض

لاتــأمــن لـلـمـره ممهما جرا
مـابها الا هم ودموع ومرض

لــو لـقـت غـيـرك تنسفك ورا
مـنها حالك وغضمك ينقرض

جنس ناعم هي والغدر خشرا
لــو تـعـيـنـه لاتـامـنـهـا تعض

::::::::::::::::::::::::::::::::
عاد دبت بي الحميه للحريم ورديت عليه بهالابيات ..


انـــت يـالجني علامك وش جرا
بـكـل مـاقــلـتـه تـراني معترض

الـمـره نــص هـالـعــالـــم تـــرا
نـعـامـلـه بـالطيب خالقنا فرض

هـي ام وهي زوجـه وهــي ذرا
وهي سند لو صاب واحدنا مرض

::::::::::::::::::::::::::::::::::
ثم اخذ الجني يعيط ويقول الستات كولهم زي بعض وذهب من حيث اتى .

::::::::::::::::::::::::::::::: تمت

هههههههههههه

هي منقولة والا من بنات افكارك؟

ما دام يقولك يا رفحاوي بشعيب المناشبي ( فتأكد إنها من بنات أفكار الشاعر

مشكور يا كورن فلكس

هلا بالغالي رفحاوي
يازين ضحكتك ويابيض سنونك
شرفني مرورك
ايه من بنات بنات بنات افكاري يعني انا جدهن
وللمعلوميه جميع مااكتبه من قصائد هي لي الله لايضرن الفرزدق على غفله

لك تحياتي

ياربي عليك ياانيس وش هالفطنه ايه علمه
ترا رفحاوي يخور بعض النوبات
اجل فيه مناشبي غير مناشبينا

العفو يالغالي شرفني مسيارك

تقبل تحياتي