قالــــــــــــــها نـــــــــــــــــايف ــــ عباس بن نواف الربع
بسم الله الرحمن الرحيم
( قالها نايــــف )
يا وطنا الموت دونك نشتريه = نرخص الأرواح دونك ما نهاب
نقاتل اللي ما يبينا ولا نبيــــه = فوق راسه نرمي بسوط العذاب
من عبث بأمن الوطن نقطع يديه = ولا حسبنا له مع العالم حساب
قالها نايف نبي نقضي عليه = ما نساوم بالوطن اهل الخراب
نضرب الفاسق بطيشه ما نتيه = وندمغ الهامات وتحب الكعاب
وينحني لسيوفنا غصب عليه = مادرى عند الوطن قطع الرقاب
لو نبح بانجلترا كلب سفيه = قافلتنا ماشيه مابه رعاب
يحلم المسكين هو ومساعديه = ينعقون بصوتهم نعق الغراب
ما علينا يحكي اللي هو يبيه = والله أنه مثل طراد السراب
ضاع فكره لا حشا ما هو فقيه = خان دينه والوطن حلو الشراب
ما نطاوع بالوطن حكي البذيه = ولا نصدق وشيقولون الذناب
قالها نايف نبي نقضي عليه = دام عزه سيدي شفنا الجواب
(( عباس بن نواف الربع ))
حرس الحدود بمحافظة رفحاء
