واخيرآ تحقق الحلم (دراما حزينه)
واخيرا تحقق الحلم
اخراج وانتاج وسيناريو
ـــــــــ انا ـــــــــ
بطوله
ابو سعود وانا
نتمنى لكم مشاهده ممتعه
الحلقه الاولى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عشرة عمر وسنين انا وددسني الاولو بس مدري وشلون انهبلت وصدقت عبدالعزيز وبعته ومانمت ذيك الليله بس احلم فيها وانزز .
وقــلــت ..
كـيف هـانت يـاملا والله مـدري
عـشرة الي شايـلـتني بالشدايد
يــوم بعت الـغاليه انتك صدري
كـني اهل الامارات بموت زايد
لها صوت الترتره الصبح بدري
وقـطـعت النزين ايضآ له عوايد
الحلقه الثانيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عبدالعزيز حشاشت جوفي عمره اربع سنين عليه مسكات مادري من وين يجيبها هو وخشمه
اشغلني وبدل تستدي وغثني نبي عن نبي عن وكلمة عن تعني سياره الوكاد ان ماله سالفه غير عن لا ومن زين الطبيايع مايبي اي عن يبي ديب يعني جيب عاد رحت للمعرض ادور لي سياره بعد مابعت قرنعي او مدري قرمعبي هي بالميم ولا بالنون ايه ماعلينا عاد لقيت لي ددسن تهبل قلت اكيد ابو سعود يبي يهيص قزاز كهرب ومراتبها ينسدحن بقوله انها ديب (جيب ) ويطير بالعجه لاكن هيهات شفاها وقعد يصيح وع وع نبي ديب. لعنبو بليسك منين اجيب لك جيب وتناقشنا انا وياه بهالموضوع لان معورف اني ديمقراطي واتقبل الراي الاخر وبنهايه النقاش توطيت في بطنه والحمد لله عقل
والنقاش الي دار بينا على النحو التالي
### قلت ان ####
عبدالعزيزابشر شرينا لنا عن
عنن جديده بس ماهي وكاله
نضيفتآ بالحيل والنوع ددسن
وقزازها كهرب ويفتح لحاله
مـوديـلـهـا الـفـين وبعدها ون
ونـوعـها جي ال والخير فاله
@@@قال عبدالعزيز @@@
والــله لــو تشري مليون ددسن
الـجـيـب يـابـيـي مارضى بداله
نـبي الـدبـل بـالـبـر دايـم يلحن
نـقـهـر بـه البران ونقهر رماله
اسـمـه لانـد كـروزوشكله يجنن
والـيا نـويـت البيع يمسك رياله
### وقلت انا ###
يـعـني تـبي اسـرق ولا اتدين
او شـف لـنا حـل ثـاني بداله
مـثـلك انا بالجيب ودي ولاكن
مـن راتـبه مـثـلي صعبآ يناله
اقـنع وانا ابوك اخير واحسن
وتـرا القناعه كنز والكل قاله
@@@ فقال عبدالعزيز @@@
ادري القناعه كنز او يمكن اثمن
لاكـن انـا صبـري فـاق احتماله
ياتشـري الـجـيب ولا انـا اجـن
وشـقـق ثـيـابي وهـذي رسـالـه
كـلن كـشخ بالجيب وحنا بدسن
مـتى على الله بـس نملك بداله
### وقلت له ###
اخس يالعزي صاير ملوسن
وتـهــدد ابـيـك والـله حـاله
اسكت ولا اخلي اذانك ترن
بمخمسن ماكل حيآ طراله
واتودس ابطنك واضنه احسن
والجيب اشريلك حمارآ بداله
الحلقه الثالثه والخيره ؟؟؟؟؟؟؟؟؟؟؟؟؟؟؟؟؟؟
وبعد السالفه الي سمع فيها اخوي قرر يشري لي جيب على شان عيون ابو سعود عاد طرت ابشر العزي ودار بينا هالحوار
قلت انا
عبدالعزيز ابشر جتك البشاره
وبــشــر اخـوانـك وبـشـر امك
جـيـبـن جـديدآ جا ويلمع غباره
والـفـضل لـلمعبود وبعده لعمك
ومافيه غير اسمي بالاستماره
الـحـيـن تـستانس وينزاح همك
وهو قال
يــبه تقول الصدق ولا عياره
ولاتــخـافـف هـالـيـوم دمــك
ان كـان تـلعبي لا واخساره
وان كانه الحق تراني خمك
يــابوي دمعي هل من هالبشاره
اكد لي هالموضوع وقلها بفمك
وقلت انا
انــا اقول الصدق ولاهي عياره
ودـمعـتك شـلـها بـطـراف كمك
وارفـع ايـديـنـك فوق ليل ونهاره
وطلب من المولي يبقي لنا عمك
يــامـا تـعـنـا لــك مـن وسط داره
ويـامــا ويـامـا بـعد دنـق وزمـك
وقال هو وخشمه
مدري انا احلم او بي حراره
اقبصني تكفى حيل ولا يهمك
فرحان انا مره من هالبشاره
ومن فـرحتي ودي انـا اضمك
بــس عـاد لو اسمي بالاستماره
ياليتك بس تحطه وتشيل اسمك
وقلت وانا معصب
اوف يـالـعـزي وش هـالـعباره
وش هـالـكلام الـي اقـبل بفمك
تـبغلن احط اسمك بالاستماره
بـعـدك تـرا والـله يـانونو امك
ومن بشرك غلطان لا وخساره
اهــا لـخـلي الـقـاع تسبح بدمك
حس بالذنب وقال
يــابـيي وش فـيك جتك المراره
قرب احب راسك واحب خشمك
امـزح وخـل اسمك بالاستماره
حـنا وش نسوا من دون اسمك
لاتحرق اعصابك بمزح وعياره
الله لا يــبــارك بــالـي يــغــمــك
ــــــــــــــــــــــــــــــــــــــــــــــــــ
مع تحياتي راعي الجيب
ابو هالدلخ الي فوق
