صحيح أني ولد طايش وكل ما أسمعه فيني....
الام كلمه تلامس قلوبنا بل وتسكن فيها
دون أن تغادر تسكن أعيننا بذكر فضائلها علينا
تتجمع الدموع في أعييننا
وعندما لا تستطيع أن تجمعها
تقع هذه الدموع بغزارة وترسم
احبك أمي
هذه قصيده كاتبها شخص حصل له حادث و كانت معه أمه في السيارة و توفيت الام من سبب الحادث والولد ما صار فيه شي إلا بعض الجروح وقال لمن يواسيه:
يواسيني وأنا الميت وحالي يجبر الدمعات
.................تسيل من الذي فيني ويبكي وهو يواسيني
وأنا ابكي وأتنهد وارسم بالحزن لوحات
..................يجبروني عشان امشي ورجلي ما تمشيني
قتلت رعايتي بيدي قتلت الحب والرحمات
................حرمت النفس من حقها وأنا ابكيها وتبكيني
وكنه حلم قدامي يقيدني من الصرخات
.................أبي اصحى ولكني عجزت ألقى ال يصحيني
فداك القلب يايمه ومهما قلت من كلمات
....................صغيره في كبر حقك بس أتمنى تعذريني
نهبت الفرح من بيتي صحيح أني خسيس الذات
..................صحيح أني ولد طايش وكل ما أسمعه فيني
تجول عيونهم فيني تفصل مني قياسات
......................وتشيح وجوههم عني وكني غيرت ديني
يظنوا حزنهم اكبر وهم أصحاب هالمأساة
....................وأنا أتحدى إذا فيهم ربع ما يحترق فيني
نقص قدري بعد موتك وغابت نشوة اللذات
.........................وصار الهم عكازي اباكيه ويباكيني
عطيتيني بدون حساب ولا سمعتك تقولي هات
...................وأنا اشرب حيل من دمك ودمك ما يكفيني
يايمه ارجعي كافي ابجلس معك لو لحظات
...................واقبل ايدك ورجلك وافرش لك رمش عيني
يايمه ما تحملهم يقولوا فات ما قد مات
...................تعالي غيري هالقول واطيعك باقي سنيني
واترك عادة التدخين وانفذ ما تبي بسكات
...............واصلي الفجر في المسجد قبل منتي تصحيني
يايمه ارجعي تكفين وطفي شمعة الآهات
.......................ابيك انتي ولا غيرك على موتك تعزيني
وضميني وداويني مثل ما كانت الهقوات
...................ما أبى احدن يواسيني أبيك أنتي تواسيني
دخيلك بس لا تبكي إذا شفتي بي الدمعات
............................أنا مقوى أبكيك إذا أنتي تبكيني
