طرائف وغرائب من انتخابات رفحاء -ادخل واضحك -

يالله صباح خير!
طلعت ابشغل السياره لقيت تحت المساحه صورة مرشح!
فتحت باب السياره جلست لقيت مرشح ثاني تحتي!!
رجعت ابي افطر لقيت ستكر حسبته مخالفة بلدية طلع مرشح ثالث!
يالله صباح خير!
رحت للعمل اعطاني زميلي سوالف مرشح .آسف برنامج انتخابي لمرشح
الاخ يقول منع الواسطة من البلدية! مالقلت لكم سوالف!
رميت البرنامج في .........فلم أهنأ اذ دخل علي زميل اخر ببرنامج اخر
يالله صباح خير!!
طلعت من المدرسة قلت اببرد على قلبي شريت 2كون زون لقيت داخل الكيس صورة مرشح
هذا في نفر كويس يقول الهندي!
وقفت عند البقاله 2عصير لو سمحت بدون مرشحين !!
يالله صباح خير !
رحت للبيت قابلني اخوي الكبير على الباب يقول وينك هالحين المرشح الفلاني قام من عندي (وش اسوي اقطع نفسي)
ماكدت ادخل الا ومرشح اخر يوقف سيارته (والله يافلان انك قاطع!!هههههههه ليش ماتمر ياخوي -ليش هو عمره فتح بيته قبل الانتخابات -
ضحكه وابشر الصوت لك (مايدري اني اصلاً ماسجلت صوتي )
يالله صباح خير

الظاهر والله أعلم أن توزيع الصور والبروشورات في الاماكن العامة تعتبر مخالفة لقوانيين الانتخابات البلدية , كما قيل أن بعض مرشحي مدينة الرياض تم استبعادهم من الترشيح النهائي بسبب توزيع بعضهم صورهم وبرامجهم في بعض مواقف السيارات في المستشفيات الحكومية والدوائر الرسمية .

بس عندي لك حل أنشالله ما تلقى ولا صورة من اليوم ورايح أكتب في ورقة أن توزيع الصور في الاماكن العامة تعتبر مخالفة للانتخابات وسوف يتم شطب جميع من يخالف هذه التعليمات وأنشرها وابد ماتشوف صور بعد ذاك اليوم

هههههههههههه

ابداع ابو قدر وكثر لنا من هالسوالف ..

مشكور

هلا اخواني الكرام
فتى بوسطن
فتى رفحاء (والله الفرق )
بس مانتم ملاحظين ان الموضوع كان موقف من قبل المشرف العام (وش اللي رجعه اكيد واسطه )
عموماً ابي اضيف لكم طرفة اليوم
احد الاخوان المرشحين عزم اهل رفحاء القدامى !!!وترك جماعته (يعني يحب التخصص )
والنتيجة زعلوا جماعته !!

لووووووووووووووووووووول
سلمت يداك

ههههههههههههههههههههههههههههه


وين بيتك ابي ادخلهن من تحت الباب

سهرانه
نورتي
ليث
تشكرات اللي فيني كافيني

اليوم سويت جوله على الاخوة المرشحين فوجدت ان اثنين منهم اكلو الجو !!
وبعضهم ماعنده احد

[ff0033

اقتباس:

---

المشاركة الأصلية كتبت بواسطة فياض قدر

سهرانه
نورتي
ليث
تشكرات اللي فيني كافيني

اليوم سويت جوله على الاخوة المرشحين فوجدت ان اثنين منهم اكلو الجو !!
وبعضهم ماعنده احد

[ff0033

---

بعضهم بل :
الجميــــــــع
مخيماتهم خاوية على عروشها.
ياخساره هذه المخاسير اللي مالها الف داعي
لو يتبرعون بها للخيريه احسن لهم
مو بس كذا!!!
المشكله كل مرشح نصف جماعته بالخيريه
انا لله وانا اليه راجعون.

طيب المرشحين هدفهم خدمة المواطن وتحمل المسئولية ... والمساكين يبون يطالبون بحقوق المواطن ... يعني مالهم اي اهداف ثانيه ...

اول مره اشوف واحد يبي يخدمك ويلحق وراك بمنشورات وملصقات الله يخليهم لنا يضحون من اجلنا .. وبعد اليوم جتني رسالة جوال وش دراهم عن رقمي !! مدري ؟

بصراحة اليوم شفت منظر لمرشح ما اعرفه ...شفت ورقة مطبوعة بألوان وورق فاخر وتصميم جميل ... شفتها على مدخل محل طايحة في الأرض والناس تدعس على خشة المرشح ... من جد منظر مأساوي هههههههههههه

[align=center]
يارجــال عــســاك ســالــم

اللي صار معك صار معي بس بإختلاف بسييط ..

انا يوم ركبت السياره وانا طالع للدوام .. كل مااقـف عند اشاره اشوف صورة مرشح كااشر على هالصبح (( يالله صبااح خير )) ... من له خلق يضحك على هالصبح ...

المهم ابتسم له (( مجامله بــس )) والتفت قدام انتظر الاشاره تفتح ..!! :)


ويوم وصــلــت الجامعه وإلا الصور اللي عد واغلط (( انواع واشكال ))

وبعد ما دخلت القاعه وجلست انتظر الدكتور .. الا ذاك الإعلان طايح لأحد المرشحين طايح بالارض والمرشح ويضحك ,,,,, :-/

انا شايل هم المحاضره والدكتور وهو جالس يطالع لي ويضحك ...,,,,,,,

طبعا هالمره ماعطيته وجــه .. صديت عنه وانتظرت الدكتور لما جاء


المهم انتهت المحاضره ركبت السياره والا فيه مرشح متعلق بمساحات السياره ..؟؟

وانزل عليه واحذفه من مساحات السياره ..




بس ماأقــول إلا الله يعين .... [/align]

لا اخوي فياض قدر وانت الصادق
بعض المقرات الانتخابية يكونون جالسين ثلاثه يدورون رابع يكملهم بلوت

خخخخخخخخخخخخخخخخخخخخخخخخخ

( المهم انتهت المحاضره ركبت السياره والا فيه مرشح متعلق بمساحات السياره ..؟؟

وانزل عليه واحذفه من مساحات السياره ..)

ههههههههههههههههه

بالمدن ينسى موضوع الصور اللي على الارض ... لكن برفحاء ما ينسونه الا عقب سنين ...

ياسرمــــــــــــــــــــــــــــــــد الله يرحم والديك اين الجامعه ؟
والا انت بالاردن ؟

والا حلم ؟
خلي الخطاطين يعينون خير من وراء هالمرشحين !
لاتقطع الارزاق ياســــــــــــــــــــــــــــرمــــــــد !

مع تحياتي

[align=center]
الـقــروي الجـامــعــه بــتــيــمور الــشرقــيه ..!!!!!!!!!!!!!!!


ياخي وش رايك ... اكيد الجامعه بالديره اللي انا ادرس به ...

هههههههههههههههههههههههههههههههههههههههههههههه

بعدي مالنا ومال قطع الارزااق ياحااج قروي ..

الله يرزق الجميع[/align]

[align=center]اخليك تكمل حلمك .... [/align]