عرض للطباعة
هلا وغلا باحلي ناس بحلي منتدي بحلي مدينه عندي فكره حليله ودي تحركون الذاكره شوي وخاصه اخونا الكبير بديع الزمان والا خ احمد ودي اعرف مواقع الادارة الحكوميه برفحاء قديما مثلا اول اما ره وين مكانه ومنو المدير لاداره ودتاسست عام كام وبعض الموضفين منهم مثلا مبني الاماره وين مكانه منو اول رئيس عام كم الموظفين المحكمه الشرطه المرور البلديه الهاتف البريد المندوبيه الحرس الوطني حرس الحدود الزراعه المدارس المطار شركة الكهرب المستشفي حكومي غير التبلاين هية الا مر بالمعروف الدفاع المدني السجون نادي التضامن
انا صاافط على جنب اتفرج............
الله يعطيــــــــك العافيه التابلين
حجي التابلاين والله خوش موضووووووع بس يبغى له جهد ,,,
شف شيبانا عسااهم على القوه إن شااء الله يجيبونهاا
أما حنا ياجيل النيدووو أسئلونا عن آخر إصدار للماسنجر نعلمكم وآخر فيديو كليب
غيرها ماعندنا شي ,,
يالله يا صحاب الذاكره القويه شغلوو المخ
[align=center]
سلمت يداك التابيلين فكره حلووووه
اكيد بيجوك الشباب بالعلم الاكيد
أنا باسبقهم على مكان مستشفى التابيلين لايزال في مكانه اتمنى ادخله ودي اشوفه
يذكرني بافلام قناة 2
[/align]
افاااااا شباب الي هذي الدرجه ضعيفه الذاكره سهرانه اللي تذكر مستشفي التابلاين تذكر اكثر الدوائر الحكوميه
صحيييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييييييييييييييييييييييح خيي .
المرور كان في سوق الحريم القديم - الدفاع المدني كان في بداية الشارع العام مكان استديوا الفرسان الحين - الهلال الاحمر كان في حارة العنوز عند زاوية مدرسة المثنى بن حارثه الابتدائيه من الزواويه الغربيه الشماليه - سوق الغنم كان محل سوبرماركت الشعله بجنب سوق العراقيين - السجن كان بجنب بيت ابن عبيدان اللي بجنب فندق ومطعم علي بابا - الشرطه في مكانها القديم في الثكنه حاليا ً - مدرسة هارون كانت في مكان الجوازات القديم خلف فندق الصحراء- الزراعه كانت مقابل مسجد الشيخ فضل الباكستاني ومقابل بيت العويشز الحين - البلديه كانت مقابل التبلاين - الهاتف كان بجنب محلات مقبل السندي الحين . وان تذكرت شي برجع لكم
مع اني ماني كبير بالعمر .. بس اتذكر مكان المحكمه قديماً .. في حي الفيصليه ( بيت احمد جابر العرادي ) حالياً واذكر كأن فيها نافوره في النص .. مدري هي نافوره والا شيء ثاني تخبرون يختلط علي يمكن شايف النافوره بالرسوم المتحركه وجت هذي على هذي ههههه
اتذكر البلديه مقابل مسجد الشيخ فضل .. بعدين صار المبنى للزراعه ..
المدرسة الأبتدائية الثانيه للبنات كانت مقابل ( سوبر ماركت العلاوي ) قريب من الجامع الكبير
الأبتدائية الثالثة للبنات مقابل المعهد العلمي .. بشارع القرو ( والله مدري المعهد العلمي بمكانه والا نقلوا )
كان البرق والبريد في مبنى ( ضابط خفر ) حالياً مقابل اللاين
كانت مدرسة عمر بن العاص افتتحت عام 1403 تقريباً وكان مبناها مستأجر بالقرب من نادي التضامن مقابل المسجد الموجود شمال غرب عن الملعب .. على نفس شارع القرو
كانت شركة الكهرباء بموقع شقق المطلق المفروشه بجانب مدرسة البراء بن عازب ( هذي ما لحقت عليها ) بس عرفت من اللي اكبر مني ..
كانت مندوبيه تعليم البنات مقابل ثانويه رفحاء !! يؤؤ نسيت هذي جديده هههههه ... والله مدري المندوبيه اظنها كانت بموقع الأبتدائية الثانيه مقابل سوبرماركت العلاوي ..
الهاتف كان في نهاية شارع الملك عبدالعزيز من الشرق ... من الغرب طبعاً مستشفى التابلاين .. مدري اذا كان اسم الشارع صحيح ..
يكفي كذا بديت الخبط الدنيا .. البركه بالباقين يتذكرون
ابي انوركم شوي
كان سوق الغنم مقابل قصرالشيخ مطني وبعدها صار صفاه للغنم
وكانت ثانويه ومتوسطه رفحا بجنب البرج (واتوقع انه فيه كتاب بالمنتدى كانو يدرسون فيها)
وكانت الهيئه بجنب مدرسه البراء بن عازب وبعدين انتقلت
والوحده الصحيه كانت مقابل مدرسه البراء والحين بالمحمديه
كان سوق الغنم وبعدين مصلى للعيداقتباس:
كان سوق الغنم مقابل قصرالشيخ مطني وبعدها صار صفاه للغنم
المحكمه كانت مبنى مستأجر مقابل بيت عراك الشريم من الجهه الغربيه
واظن ان المحكمه قبل سنوات كانت مقابل مستشفى رفحاء اللي افتتحوه السنه هذه
ماشاء الله المحكمه دارت على رفحاء كلها
الموضوع طار للصفحه الثالثه
يالله يالربع شغلو ا الذاكره
يفيدنا في هذا الموضوع الاخوة بديع الزمان وصابر ومحمد النامي