المطيري ..... اقدر منتدى ربعي واحشم جملة العقال
[poem=font="MS Dialog,6,black,normal,normal" bkcolor="orange" bkimage="" border="solid,6,black" type=0 line=0 align=center use=ex num="0,black"]
اقدر منتدى ربعـي واحشـم جملـة العقـال=واقدر هرجةالعاقـل اليامـن جـات مليانـه
واقدر كل رجـالٍٍ يحشـم الكيـف والفنجـال=واقدر حشمة الطيـب شـراذم نـاس تعبانـه
وابدمح غلطة الجاهل الياجتني مـن الجهـال=ولالي في علـوم المهزلـه مطلـب ولاخانـه
اعرف ان التشدق والملا(سن)مهنـة الـدلال=واعرف اللي على هرج القفى مايمرح السانه
واعرف اللي تسلل سله الطاعـون والسـلال=على الغرْه مع الغفله يغيـر لبيـت جيرانـه
وانا لولا الحيا والله واقدر من وفـاي ارجـال=قدحت النار من زندي علىاللي شب نيرانـه
وافصل فوقـه المعنى على قـد الولـد تفصـال=واسمرْ بالحديد الصلـب حنجرتـه ولحيانـه
اليامني حكمت القول احرك بالبشـر زلـزال=واجي وادي ملوك الجن اصامخ كل زيرانـه
واخليها تجاريني علـى المسحـوب والمـوال=يالين مـدرب الفرقـه يكسـر كـل طيرانـه
حبيبي قصر علومك وقفل موجـة الارسـال=ترى راع المثل قاله لسان ابـن ادم حصانـه
تطولها تقصرها ترى مانـي قصيـر حبـال=واذا ميت زعل قلنـا عساهـا موتـة ديانـه
اعرفك ما أنت شيخ ولاعقيد ولا ولـد خيـال=ولعل الله يعيق اللي سواتـك عـاق شيبانـه
انا انذرتك ربيع اول وحذرتك شهـر شـوال=لكن روحك لها عامين يابن الناس مرضانـه
انـا مانـي ردي عـزوم ياماكـر ويادجـال=وضماير بعض خلق الله لها كم عام خربانـه
مدام انك جمل تهدر ترانـي للجمـل جمـال=وترى الجاري ولد جاري يعيش بحكم عمانـه
انا ماني لعرض الناس وهروج القفـى ختـال=انا يا فلان لي ذمه واخـاف الـرب سبحانـه
تبي بكره نهار العرض الأكبر تعرض الاعمال=وكـلٍ ياجـد اعمالـه ويلقـى وجـه ديانـه
مابي شوفك ولا قربك ولاابغا لك رقم جـوال=ابيعك واشتري رجل ٍٍ وفي والصدق عنوانـه
عطيناك النصيحه والكلام الزين راس المـال=واذا تبغى الردى كلٍٍ رقص للشـر شيطانـه
يقولون العقل نعمه ولالك في قصـار طـوال=وكلٍٍ يـازن الدعـوى علـى كيفـه بميزانـه [/poem]
الشاعر / فـــلاح المطــيـري
--------------------------------------------------------------------------------
