الوايلي .. والشمري .. والظفيري

الوايلي .. والشمري .. والظفيري

--------------------------------------------------------------------------\


قصيدة للشاعر : خـلـف المشعـان العـنــزي

يقول :--


ماظن هالليله تعدي على خـــــير

....................................... أشوف بعيوني .. شرارٍ يطـيري


جت مدلهمه .. ريح .. برق ومعاصيــر

...................................... غطت سمانا .. بالحفر والصفيري


من حدها .. يجنح اليارفرف .. الطــير

..................................... ترعد ، وتبرق ، من نوايا ضميـري


تسقي ( النداوي ) حشمتله وتقديــر ؟

.................................... وترمي بردها فـــــوق راسٍ كــبــيري


ياهيه .. وينك وين عكف المناقــير ؟؟

................................... لاصرت ماتقدر .. تصيد القــــميــري


تبي تصير .. ولاانت داري وش ايصير

.................................. توك على درب المراجل .. صغـيري


أهل الشمال إن جوك .. ماتصبح بخير

................................... من وايلي ، من شمري ، من ظفيري


السالفه ... ماهي بحاجة .. لتبرير !

................................. اذا سكتّ .. يجيك .. مليون غيري ..!


يجيك جيش .. من القوافي طوابيـر

................................. قبل تحك الراس .. راســـك يطيــري


الكلمة اللي قلتها دون تفكـــير !!!

................................. عشان تفهم .. منزلقها خطــيري ..!


ترى النخل .. ماثقلته العصافيــر !

................................. لكن يغث الغصن .. كثر الصفيــري


وضحتلك .. هالحين .. والباقي كثير

................................. ماهو حكي .. لاشك ... فعـل ٍ كثيــري



\

أهل الشمال إن جوك .. ماتصبح بخير

................................... من وايلي ، من شمري ، من ظفيري



صح لسان شاعرنا الكبير خلف المشعان

ويعطيك العافية أخوي كرمال على حسن اختيارك

الظفيري والا الرويلي ؟!!

الظفيري وش جابه لاهل الشمال ؟!!

مشكور كرمال عالقصيدة وودي اتطمن على شبيهك الوايلي ...

صح لسااااااانك ولساااااااااان خلف مشعاااان

صح لسان خلف المبدع شاعر الجيل الثالث

ومشكووووور كرمال سلمت ولاندمت

مشكور كرماااااال

الله يعطيك العافيه

اقتباس:

---

المشاركة الأصلية كتبت بواسطة رفحاوي

الظفيري والا الرويلي ؟!!

الظفيري وش جابه لاهل الشمال ؟!!

مشكور كرمال عالقصيدة وودي اتطمن على شبيهك الوايلي ...

---

صح لسانك كرمال ولسان الشاعر

الظفيري من اهل ينبع !!؟؟
انت تدري وين مناطق الظفير اول والحين واين امضوا حياته تتوقع صيادي سمك او السكان الاصليين لجزر فرسان

شكرا لك اخي كرمال وشكرا للشاعر الخلوق خلف المشعان

المحارب

يمكن انك على التوقيت الجديد ...

حتى المجمعة والقصيم شمال ...

مشكور اخوي كرمال ..... ويعطيك العافيه

صح لسانك ولسان الشاعر / خلف المشعان

[align=center][tabletext="width:100%;background-color:blue;"][cell="filter:;"][align=center]الغالي / كرمال


في ضني وتقديري انها كتبت هكذا ....!!!


دمت بألف عافيه يابعد روحي










ماني معيّن خير !! تصبح علـى خيـر
لـلـنـوم ماخـلـقـت عــيــون الـذيـابــه

أشـــوف بعـيـونـي غـيــوم التعـابـيـر
قامـت تطشـطـش بالمعـانـي سحـابـه

صبّت ، وصبّـت ، ثـم هبّـت أعاصيـر
ريـــح الألـــم هـــز الـقـلـم للـكـتـابـه

شــيٍ يطـيـر ، وشــي مــاوده يـطـيـر
صار الـورق عقـب السكينـه خرابـه

حاولت أرمي هالزعل ، وامتلا البير
وبعـض الزعـل أحيـان مـا ينحكـابـه

حــاولــت أدور للـخـطـايـا مـعــاذيــر
وكل مافتحت الجرح ... يكبر صوابه

لا مانعمـيـت وقلـتـهـا : دون تفـكـيـر
الكلـمـه الـلــي قلـتـهـا .... قلتـهـابـه

شخصٍ بعيني غيـر كـل البشـر غيـر
دون الـصـداقــه كــــان دم وقــرابــه

ماعاد له حشمـه ، وقيمـه ، وتقديـر
مـن يـوم كـثّ بـوسـط عيـنـي تـرابـه

شيصير يعني ؟؟ لو يقولون شيصير
مـاهـمـنـي والله ( نــبــح الـكــلابــه)

هي ثقّلت على النخل وقفـة الطيـر ؟
نفس السؤال الصعـب يمكـن جوابـه

شيبان يومٍ طـش سيفـه علـى الزيـر
بالسيـف نفسـه سـالـم الـزيـر جـابـه

مـاظـن بـاقـي عـقـب هــذي تفاسـيـر
كل جـرح يبـرى غيـر جـرح القرابـه
[/align][/cell][/tabletext][/align]