المشاركة الأصلية كتبت بواسطة أمواج الشرقية
موضوع حلو ومهم ..
على قول سعد علوش ، كل يوم أقول في نفسي هذا آخر يوم لي في المنتدى .. وأكتشف اني كل مره أرجع له من جديد ..
أنا أستغرب فيه أعضاء يسجلون ولا يكتبون مع انه منتدى رفحا مو مثل باقي المنتديات اللي لازم تسجل عشان تقرأ المواضيع .. طيب ما تبي تكتب لا تسجل الله لايهينك .. و وقتكم اللي سمح لكم تسجلون ما أظن أطول من كلمتين شكر تكتبونهم ..
الشي الثاني .. القبليات هنا جابت لي االصمرقع .. ما أقول إلا يارب يا رب يارب يجي يوم ينزلون قرار حذف اسم القبيله من الأخير .. عشان نرتاح ونفتك من الواسطات و الإنحياز و القرف و التخلف هذا كله ..
و ملاحظة أنا ان الإختلاف بين الأعضاء صاير لذات الشخص مو لفكرته أو موضوعه اللي طرحه .. يعني أكرهه هو مو أكره فكرته ..طيب ليش ؟! .. والله لو انه ماكل حلال ابوك .. هو عبر عن شيء في راسه مثل ما ان عبرت .. ما عجبتك السالفه لا تكلف على عمرك ولا ترهق أعصابك وتشد .. من الأخير .. قل خيرا أو أصمت .. ترا اللي يعصب واجد يشيب بسرعه ..
الإهمال بعد .. يعني تلاقي مواضيع مكرره بينها يومين و ثلاثه .. ان دل على شيء فإنه يدل على اننا ما نقرأ .. نسخ ولصق ولا نشوف أحد حاطه قبلنا .. ما نتكلف حتى نضيف رأينا للموضوع أو تعليق شخصي من عندنا .. ترا رأيك حتى لو في موضوع ناسخه يضيف شيء من الخصوصيه ..
أقسام المنتدى معممه على الآخر .. يعني مواضيع إسلامية و نقاشات و أخبار منوعه كلهاااا في العام .. وهذا ما يعطي كل موضوع حقه .. لأن الموضوع بيصير ينزل بسرعه للصفحة الثانية بدون يمكن ما أحد يشوفه ..
والأهم من هذا وذااااك .. اسلوبنا .. يجيك الواحد يقولك خلك صريح و عبر بشفافيه و تلقاه اللهم لك الحمد فاهمها على انه سب و شتم .. نردد عبارات مثالية بس ماندري شلون نطبقها ..
لما نقول عبر عن رأيك .. فيه اسلوب - أنا شخصيا أتبعه - .. ابدأ ردك بشكر صاحب الموضوع بعدين اكتب نقدك بشكل واضح ووين اختلفت معاه و ليش و بعدين اختم بشكر ثاني و سم كاتب الموضوع بأحب الأسماء إليه .. وانتهينا .. صعبة هذي ؟!
ترا كونك تحط رد يستخف بالموضوع وكاتبه مو دليل على ثقافة واسعة ولا دليل على أخلاق راقية و لا يعبر عن سعة أفقك .. بالعكس يطلعك - اسمح لي - همجي و دفش و متخلف .. وماصدق كتبت في النت فلتت على طول .. يعني عنز بدو وقعت بعصيده .. وأنا أجزم ان فيه منكم من يكتب ردود مااصله و دفشه ما يتجرأ يقولها لو كان جالس مع كاتب الموضوع في مجلس وحد ..يعني مستانس ان عنده اسم مستعار .. على باله محد درا عنه ..
ما أقول إلا إني أرى رؤوسا قد أينعت .. والله يبلغني في قطفها ..
ماااا عليه كثرت كلاااام بس جااايه متحمسه ماشيه 280 .. ^_^.. باقي كثيييير بس بروح أشوف باب الحارة ..
