النقد المباح في طابور الصباح
تحيه طيبه يالمجنووون قد تكون توجهاتك الفكرية هي المشكلة
والثانوية خالية من القومية كما نعتها أنت ..... وعلى فكره
الواسطة المقيتة أصبحت في هذا الزمن شفاعة مستحبه
وذكرك لأمور معقدة جداً كفصل الهاتف !!! قد لا تكون
أنت المقصود !! حتى إذا أتصل أحد يطر يتصل على الجوال
ويسمع الهواء عند الرجال !!
ومتابعة الأسهم !!! وسير المعلمين بالهروات بالممرات !!
والتعامل بالمنتدى بكلام طيب وبالمدرسة عكسه !!
وقولك أنا لا أبحث عن حل بل كتبت من القهر!!
وقولك بأنك أخطأت بالكتابة وغيرك أخطأ بالقيادة!!
قد يكون مبالغ فيه بصراحة أنا شاك فيك أنك عميل أجنبي!!
يعني تؤيد دخول المحتل لإعطاء المزيد من الحريات
وتحريك عجلات الإصلاح في شتى وجميع القطاعات
طيب دور لك مدرسه بنظام المسيار !! أحسن وراحت بال !!
لأني أخاف بكره تربط بين المؤشر وانعكاسه على المعلمين !!
لأنك عميل أجنبي !! وأخاف بعد تزودها حبتين وتتطاول على
سياسة التعليم ورجاله ما يكفي شلنا العقال تجي بكره وتقول لبسوه عقال
لأنك عميل أجنبي !! وأخاف تمتنع عن الحضور وتشترط مثل مدارس
الوزارة بالخارج !! وأخاف تعترض على مسمى الوزارة تربية وتعليم
تقوول وين مناهج التربية المستمدة من عقيدتنا لأنك عميل أجنبي !!
وأخاف بكرة تقول مدخلات التعليم لا تتفق مع مخرجاته !!
وأخاف تقول الكليات تخرج أنصاف متعلمين وأن أغلب الموجودين مرغمين
على دخول قطاع التعليم ...... وأخاف بعد تقول مهنته التعليم مهنة من لا مهنة له
لأنك عميل أجنبي !!! تسعى لخراب المجتمع !!
وأخاف بكره تنادي بإتباع نظام الحوافز والمكافأة للمعلمين المتميزين
وحجم العلاوة السنوية يعتمد على إنتاجية المعلم لأنك عميل أجنبي!!
وإلغاء نظام التعاقد وإعطاء المعلم بدل منطقة نائية
وتطالب بأن يكون مدراء المدارس من خريجي الإدارة
وليس تربويين وإعطاء المعلم المزيد من الصلاحيات !!
لأنك عميل أجنبي !!
على أيامنا يالمجنوون يعني كذا قبل غزوة منهاتن ..
كانت التوجهات معقدة جداً فالمدير توجهه أسلامي!!
فيبتسم ويحترم من يحمل ذاك التوجه وبصراحة
رغب الكثير فأطالوا وقصروا وتخرجوا وتخلو!!
وهناك أخر رياضي فكل الاحترام للجناح الأيسر
وكل التقدير لقلب الدفاع وكل الحب للمهاجم !!
وهناك نوع ما أقدر .... أتطرق له ... لردائة أيدلوجيته
أخاف أن أتهم بالفجور والعلمانية والتقدمية..
والاشتراكية ... وأخاف يقولون أنت مثل ذاك
تتبع المسلك الوهابي ....!!
لكن فيه واحد من المدراء زمان أوي بصراحة
هذا يحتاج منتدى لحاله كان يجي للمدرسة هانق أوفر
وعلماني لا لا اشتراكي لا لا قومي لا لا تصدق
ماله مذهب لكن يجي الساعة ثمان ويطلع ثمان إلا خمس
اعتقد كان فيه وسواس قهري نابع من ألتماس بعض فيوزاته !!
ومن المنكرين للحضارة الإسلامية تصدق يالمجنون !!
يالمجنوون .... ترى اللي يكذب يدخل النار !
ولا تظلم العباد سيحاسبك رب العباد !
بصراحة الله يكون بعون المعلمين والله يوفقهم !! آمين !!
لا تفهمون غلط فالطرح عام لا اقصد فيه احد !! والله من وراء القصد.. أسمحلي عزيزي القارئ ان أقبل جبينك إذا أنا جانبت الصواب او وقعت في المحذور فأنا بطبعي ظلمواً جهولا،،،،
ربي اغفر لي إني كنت من الظالمين وعلى الخير نلتقي ... قولف استريم