اقتراح ..... عقد حفل خاص بالمنتدى

[align=center]
آمل أن يتم التنسيق لعقد الحفل في عيد رمضان المبارك (رابع ايام العيد مثلاً) ...
[/align]

يارفحاوي..احصر الاسماء المرشحه للحضور وننتخب اثنين من المتواجدين برفحا ينسقون مكان للاجتماع وكذلك نشوف التكاليف وننسق من اجلها...





ابو رفحا((وش رايك بكلمة ننتخب...هههههههههههههههه وش رايك بالثقه بالنفس اقول ننتخب,,,يعني ضامن الحجز على الدرجه الاولى وانا مشاركاتي ماوصلن النصاب))

:-/

حفله .......!!!!


مدري اقدر احضر ....:d


رفحاوي الله يقويك ....


تحياتي
صمت مغتربه

فكره ممتازه تشكر عليها رفحاوي
حددوا الزمن والمكان وحنا حاضرين
وان بغيتو بنعجه مافي مشكله

فيه مكان للعوايل ؟!^_^ ..ان شاء الله ماتجي الصيفية الجاية إلا ومشاركاتي فوق الألف ..

فكرة حلوه...

اقتباس:

---

المشاركة الأصلية كتبت بواسطة رفحاوي

[align=center]
منذ مدة والفكرة تراودني بين فينة وأخرى ...

أقترح عقد حفل خاص بالمنتدى يحضره المشرفون والأعضاء اصحاب المشاركات فوق (الف) مشاركة ...

ويستثنى من شرط عدد المشاركات الأخوة نفح الطيب وهبوب الريح وبعض الأخوة القدماء جداً ...

ويكون الموعد خلال الإجازة الصيفية ...


ما رأيكم بالإقتراح ؟!!
[/align]

---

انا حاضر حاضر
مشاركاتي لو وحده بس
ابحضر
لزقه صح

اقتباس:

---

المشاركة الأصلية كتبت بواسطة hmoud18

يارفحاوي..احصر الاسماء المرشحه للحضور وننتخب اثنين من المتواجدين برفحا ينسقون مكان للاجتماع وكذلك نشوف التكاليف وننسق من اجلها...





ابو رفحا((وش رايك بكلمة ننتخب...هههههههههههههههه وش رايك بالثقه بالنفس اقول ننتخب,,,يعني ضامن الحجز على الدرجه الاولى وانا مشاركاتي ماوصلن النصاب))

---

ههههههههههههههههههه

يا ولد ما عرفتك وانت تقول ننتخب ...

ما قلت لك يا خالي تحضر لأنك قديم ؟!!

يا ليت لو مشرفنا همّام يقوم بعملية التنسيق والترتيب لعدة اسباب اهمهن انه مشرف ومعروف ومحبوب ...

بالنسبة للتكاليف من رايي لو تكون بسيطة قدر الامكان ...

ماتوقع اللي يبون يجون اكثر من 30 وذبيحتين من وراهم ...

اقتباس:

---

المشاركة الأصلية كتبت بواسطة صمت مغتربه

:-/

حفله .......!!!!


مدري اقدر احضر ....:d


رفحاوي الله يقويك ....


تحياتي
صمت مغتربه

---

الله يسلمك يالمغتربة ...

هو كان حفل وبعدين صار اجتماع واخاف يصير الموضوع كله حفلة (ولا شي) ...

اقتباس:

---

المشاركة الأصلية كتبت بواسطة ذويبان11

فكره ممتازه تشكر عليها رفحاوي
حددوا الزمن والمكان وحنا حاضرين
وان بغيتو بنعجه مافي مشكله

---

الله يسلمك يالذيب الأمعط ...

مشكور على المرور والتعليق والتأييد ...

اقتباس:

---

المشاركة الأصلية كتبت بواسطة أمواج الشرقية

فيه مكان للعوايل ؟!^_^ ..ان شاء الله ماتجي الصيفية الجاية إلا ومشاركاتي فوق الألف ..

فكرة حلوه...

---

لو كان به اجتماع للعوايل كان ما اجتمعنا ...

يروح ليلكن تزين ومشط وصنفرة الخ ...

هالاجتماع خاص بالرجال ، اثقل ما على الواحد شماغه وعقاله يلبسهن بثلاث ثواني وجزء من الثانية ...

اقتباس:

---

المشاركة الأصلية كتبت بواسطة حبوب

انا حاضر حاضر
مشاركاتي لو وحده بس
ابحضر
لزقه صح

---

كملت خمس سنين ومشاركاتك 50 بس ؟!!

وين الغيبات ؟!!

الزق بحمود وادخل معه ...

اقتباس:

---

المشاركة الأصلية كتبت بواسطة بنت الخليج

إنشالله يكون هدف إجتماعكم تطوير المنتدى

رفحاوي ما يناسبك تكتب بالبنفسجي

---

ان شاء الله ...

حبيت اونس نفسي باللون البنفسجي بس ماعرفت انه ما يناسبن ...

كنت مسوي تنسيق وناسخه بس انمسح لأني نقلت موضوع وسويت تنسيق جديد وما انتبهت للون ...

الحمد لله على سلامتك ومبروك عليك الشهر الفضيل ...

رفحاوي
شكرا لك على الفكره الرائعه
بانتظار تحديد المكان والزمان ان امكن ذلك
وعلى دروب الخير نلتقي
وفق الله الجميع

اقتباس:

---

المشاركة الأصلية كتبت بواسطة المديرالسعودي

رفحاوي
شكرا لك على الفكره الرائعه
بانتظار تحديد المكان والزمان ان امكن ذلك
وعلى دروب الخير نلتقي
وفق الله الجميع

---

[align=center]
اللهم امين ...

العفو يالسعودي ...


[/align]

اذا بيحضر ابو فيصل رامبو

تراي ما ني حاضر

لا تقول ما علمتكم

اقتباس:

---

المشاركة الأصلية كتبت بواسطة نبض الحقيقه

اذا بيحضر ابو فيصل رامبو

تراي ما ني حاضر

لا تقول ما علمتكم

---

[align=center]
ههههههههههههههههه

منهو ابو فيصل رامبو ؟!!
[/align]

اقتباس:

---

المشاركة الأصلية كتبت بواسطة رفحاوي

[align=center]
ههههههههههههههههه

منهو ابو فيصل رامبو ؟!!
[/align]

---

هذا اللي حاط دوبه من دوب الهيئة


وهات يا حش فيهم:note:

اقتباس:

---

المشاركة الأصلية كتبت بواسطة نبض الحقيقه

هذا اللي حاط دوبه من دوب الهيئة


وهات يا حش فيهم:note:

---

[align=center]
الله يهديه ...

ان شاء الله الاجتماع يكون احسن مما نتصور ...
[/align]

انا بنتظار الاجتماع واستراحة الوالد جاهزه

رفحاوي
شكرا لك على الفكره الرائعه
بانتظار تحديد المكان والزمان ان امكن ذلك
وعلى دروب الخير نلتقي
وفق الله الجميع

اقتباس:

---

المشاركة الأصلية كتبت بواسطة ابوحلا

انا بنتظار الاجتماع واستراحة الوالد جاهزه

---

[align=center]
الله يسلمك ويجزاك خير انت والوالد ...
[/align]

اقتباس:

---

المشاركة الأصلية كتبت بواسطة ابن روما المدلل

رفحاوي
شكرا لك على الفكره الرائعه
بانتظار تحديد المكان والزمان ان امكن ذلك
وعلى دروب الخير نلتقي
وفق الله الجميع

---

[align=center]
اللهم امين ...

العفو ...

[/align]

[align=center]
5 شهور ما كانت كافية لعقد اجتماع !!

عجبي ...
[/align]

ما كانت الهقوه بك كذا يا رفحاوي صرفتنى على قولتهم اول مخرج
اول ما قريت الموضوع قلت الله يعين على الف كيلو ويستاهلون ويبشرون بالي اقدر عليه ونشوف رفحاء

طبعا انا معزوم عندكم

بس الله يخليك يارفحاوي لا طولون بالعشاء ترى عندي شغل

فكره ممتازه



وفق الله الجميع لما يحب ويرضا


بس اشوفهاااااا طولت