المشاركة الأصلية كتبت بواسطة ريانه
ياحبيبتي ..يالغالية .. عالم الرياضه شرق وانا غرب
ماعرف زنجا ورنجا
اللي اعرفه ان هناك عقود وشروط جزائيه
مالها علاقه بابن بلد وا لاابن الشيطان ..
وانا تكلمت عن وضع معيض .. ليس هناك حرمان له وضعه طبيعي واحسن من الالف غيره
يعني بدون شهاده او صنعه وش تتوقعين يكون ..اخرتها مراسل والا قهوجي والا خوي عند امير !!
والخوي بعد عنده صنعه ويعرف يحسبها صح ..
لو نتكلم عن العدل .. يوم الاربعاء حضرت زواج احياه مطرب اعتقد انه يمني الجنسيه سعودي المنشأ ..
استلم 25 الف في ليله وحده
يعني موضف بسيط يكرف شهور واخينا في الله ياخذها في ساعات
هي ارزاق وعقول وكل شخص راضي بعقله ولم يرضى برزقه
الا انا ياعروبه ماحبيت عقلي وعجزت اغيره :(
وهو نفس حكاية المدرب زنجا .. الموضوع عرض وطلب
والله اني لما اشوف برنامج رياضي وصيحه ولجه وهواش على مواضيع سقيمه
اقول .. يارب لك الحمد .. كيف وضع عيالهم وزوجاتهم !! يفتخرون بهم والا ايش ؟
اللي اكبر همه صياح ولجه على شيء نكره !! كورة قدم
اعتقد اني شطحت شوي غرب وشوي شرق
على العموم لايلزن ان يكون هناك مخطئ ومصيب
فلامر يحتمل إصابة كلانا او خطأنا معاً .. هو مجرد اختلاف في طريقة الرؤية
شكرا ً ياعسوله :)