تعرفون ام مشعل ؟!!

.

يقولون ان به طقاقة اسمه ام مشعل تاخذ حدود 8 الاف ريال ...

صز والا اشاعة ؟!

لا يارفحاوي .. الموضوع صز ونص ..

لا .. .. وأزيدك من الشعر بيت من ثلاث أدوار :

يقولون أنه أثناء الرقص تأتي بعض النساء إلى الطقاقة وتقول أبيك تغنين بـ(الفلان ) ولك 200 ريال .. وتأتي الأخرى ثم الأخرى وهكذا ..


نسأل الله العفو والعافية

مابلاكم الحريم

بلاكم والله حنا اللي سلمنا أمورنا الحريم

ليش أجل أعطى الله الرجل القوامة ؟!!!

[[align=center]size=6]رفحاوي 0000000000000 ليش مستغرب
ام مشعل في عصر الاحتراف وهي نار على علم برفحاء
8000 غير الفروقات وهي
لكل رقصة خاصة اي تطلب البنت ان مايرقص معها احد مقابل ( 100) ريال
ناهيك عن الاكراميات حسب الخبال من اهل العرس
معها الفرقة 6 حنكيات وعليها مصروفات علما انها تسكن في شقق العبدالله ويقولون انها من 8 سنوات احسبها رفحاوي [/size][/align]

المفروض المهر 35 الف فقط بلاطقاقات والاخرابيط فاضيه حتي الواحد يستانس مايفكر بالدين هالحين المسكين طقاقات

وقصر افراح وووووو كله بدون فايده تلقاء بعض الاخوان ياخذ سيارات ومن البنك والا مايلحق



وجهة نظر فقط وشكر للجميع وبالتوفيق

انتم تتكلمون عن حفلات زواج برفحاااء ولا عن كبريه ....؟


الله المستعااان الله يدفع ما كان أعظم ....

وفيه ام فيصل وام فلان وعلان......

بالنسبه لي ادفع 8000 على طقاقه شغلها جائز

ولا يشغلن خالد عبدالرحمن وشلته

الشباب مالقى وظيفة بـ 2000 ريال بالشهر

وهالطقاقة ثمانية الاّف بالليلة ,,,,,والله حاله

من ناحيتي ماعمري حضرت عرس نسائي ..

والله اني استغرب من بعض اسئلتكم يعني ما تعرفون ان هالشي حاصل من سنوات عدة ، وبالنسبة للأسعار والله ان هناك بعض العوائل احضروا طقاقات بمبالغ تجاوزة الــ14000ريال هذا غير التنقيط وسخف المعجبات بها فكم من جوال سطت عليه الطقاقة وكم من زرقاء عليه سورة الملك عبد العزيز لهفتها بسبب كلمت انا معجبة ، والله ياأخوان تأتينا بعض الحكايات عن هذه الفئة لا يصدق بها عاقل .
شكرا اخي رفحاوي على هذا الموضوع
وعلى فكرة لا يفرح بها الدب ترى تشابه بالاسماء مالي علااااااااااااقة بالفنانة المبجلة ام مشعل مع انها مغرية شوي ، يعني بحسبة بسيطة عشر ليالي بـــ80الف ريال و30ليلة بــ240الف ريال يعني بكل بساطة الي تطلعة ام مشعل بشهر راتب كم سنة لـ...........بال.....

كح كح

حجي فرحااوي


لا تعليق ... أو بالأفضل ما ندري وش نكتب وش نترك

اقتباس:

---

المشاركة الأصلية كتبت بواسطة صلفيق بن الصمة

مابلاكم الحريم

بلاكم والله حنا اللي سلمنا أمورنا الحريم

ليش أجل أعطى الله الرجل القوامة ؟!!!

---

والله كل شي يالغالي حتى المهر يتصرفن فيه
ويتشرطن بعد
واذا جاء الخاطب وتمت الموافقه
قال الرجال ( صاحب القوامه ) انا ماابي شى بس ترضون الحريم يكفي

مسكين ياللي يلاحقونه شريطية المعارض

اقتباس:

---

من ناحيتي ماعمري حضرت عرس نسائي ..

---

وش دخل السالفة

و بعدين تذكر يمكن و انت صغير



على كل اخوي رفحاوي
شكرا على الموضوع

وانا ألاحظ فيك حاجة
انك الى الان محتفظ بالأصول
مع انك رحت لبريطانا و جلست فيها كم سنة

و هذا شئ يفخر به

.

مشكورين يا جماعة الربع على التفاعل الطيب فيما يخص صاحبة الفخامة (ام مشعل) حفظها الله ورعاها ...

يا اخوان حنا الرجال المسؤولين عن هالتفاهات والانحرافات ...

طقاقة ادفع له 8000 ريال عشان تطق كم ساعة ؟!

لو تجي هالطقاقة بعرسي وببلاش ما وافقت ... لاني اكرم نفسي واهلي ومن يحضر العرس عن هالاشكال ...

بعض الرجال يبي لهم كوي لعل وعسى يتذكرون انهم بيوم من الايام كانوا رجال ...

مدفع حلوة البدلية (( بريطانا ))