ولدي نايف يبي يشري كامري

كنت في امان الله مع اخي ومعنا ولدي نايف (عمره 5 سنين الله يصلحه هو وابوه)...

وما علينا من الناس وما على الناس منا ...

قال ولدي نايف : هذي كامري (كانت لومينا)

قلت: ما شاء الله وش دراك انه كامري ؟!!

قال: اعرف ...

قلت بنفسي فرصة اعرف وش وراه لا يكون يتعاطف مع الافكار المسمومة ...

قلت: وش ودك تشتري ؟ (طبعا النقاش وهو بحضني)

قال: كامري ...

قلت: يا حظك ...

قال: وابي اشتري همر (طلع الولد مثقف ويعرف همر ؟!! حسبي الله على الدشوش ... قصدي مدارس الفلس ... اكيد جايبة من اخوانه اللي سامعين خوياهم)

قلت (متتريقا وكاتم ضحكة مدوية): يا ولدي يقطعن ظهرك الاقصاد ... يروح راتبك تسديد ...

اخوي كان يتسمع وضحك ضحكة انهت الحوار الابوي فاتبعته بضحكات ابوية جعلت الابن في دهشة واستغراب ...

[align=center][align=center]الله يصلح الولد ويخليه لك يارفحاوي ويتربى بكنفك انشاء الله
الله يعينك على الأقساط اذا الولد من أولها كذا ههههههههههههه
مشاء الله عليه الولد يعرف للسيارات
انا انقهر اذا سولفوا عندي بالسيارات ما أعرف شيء (الأخ دلخه )
يعطيك العافيه[/align][/align]

الله يخليه لك

ومالومك لو تحذره من هالحين عن الاقساط؟؟؟؟؟

[align=center]
الله يصلحه ويخليكم لبعضكم
كسرت خاطر الطفل لاحساسه بأنه هو من سيشتريها وأقساط بعد

[/align]

ابشر بالكفيـــــــــــل رفحاوي.........

رفحاوي ماشا الله ذكي مثل ابوه الله يحفظه لا تحطم مواهبه ههههههههه اشترله سياره !!!!!!!!!!!!!!!!!!!!!!!!!!!!!!!!!!!لكن بعد الثانوية ان شا الله.
اخي انا عند ولدين الله يحفظهم واخوانهم ما اشتريت لأي منهم سياره اوعلمتهم السواقه حتى اصبحوا فى سنه ثانية جامعه بعد ما سددت الاولى شريت للثاني ..... في رفحاء فقط المدارس االثانويه (اذا لم أبالغ) سيارات الطلاب تسد الشارع ومالك ممر ..
في جامعه غير سعوديه عدد السيارات الواقفه ماتجي ربع سيارات المدرسه الثانويه برفحاء...... كلها ( سياكل)
الحمد لله على النعمه
اخي العزيز طالب ثانوي عنده سياره كامري 2005 تقسيط من راتب اخته مايملك قيمه البنزين وش يسوي؟؟ ( الموضوع متروك للمناقشه)
تحياتي للجميع

الله يخلي نايف وابو نايف لم نايف ويطول اعماركم على طاعته اللهم امين ...

ماشااء الله تحفه نايف مثل الوالد .. يناظر للمينا ويقول أبي كامري بابا ..


ننتظره من العشرة .. الأوائل على مقيااس الذكااء بالعالم .. بأحد الإتجاهين .. هع هع هع

( أشتر للولد سياره .. ماهو أنتم متعودين على الأقساط .. يقولون يارفحاوي _ وانا ماادري _ يقولون إذا ما عليك اقساط ماتستانس )





الله يصلحهم و يوفقهم ويستر عليك وعليهم

جرواني

الله يسلمك ويعافيك ...

تعديل بسيط:

انت مانت دلخه

انت

انت



انت دلخ ههههههههه (امزح لا تزعل يا بعدي)


مخلص

الله يسلمك ويعافيك ويكفيك شر الاقساط ...


همام

هو ما درى عن الاقصاد ولا انكسر خاطره ... هو مستغرب ليه نضحك ...

ولدي واعرفه عشرة عمر ...

الله يسلمك ويعافيك ويخلي لك عيالك ...


ليث

فرصة تدخل السجن وتطلع عفو برمضان ...


عمدتنا الغالي

صراحة تعلم قيادة السيارة ضرورية للولد وفرصة يتعلم برفحاء ... لانه اذا راح للجامعة صعب يتعلم ويكون بوضع محرج قدام خوياه ... ما يمنع اخلي ولدي يسوق سيارتي وارسله واتابعه بدون ما يحس (اشيك على عداد الكيلو مثلا) ... اهم شي اعطيه الثقة واحسسه انه رجال

يوم كنت ببريطانيا (الله يعزك انت ومن يسمع) قليل جدا من الطلاب معهم سيارات والمواقف للسعوديين والدكاترة وبعض الموظفين ... لكن عندنا غير الله يعز الحكومة ويديم النعمة والامن والامان ...

تشعب الموضوع عمدتنا ...


الزعيم

عسى الله يخلي (ابو رفحاوي) ما خلانن اعرف الاقصاد ... حتى سيارتي اللي معي هو اللي شراه الله يحفظه ...

يوم كبرت ماشوف للسيارة الجديدة داعي ...



مشكورين عالمرور والتعليق ...

ما شاء الله والله يخليه لك


قول امــــــــــــــــــين

وكانك ماتبي تاخذ سياره توسط لي ليث خله يكفلن

العزام

امين ...

الله يسلمك ويخلي لك عيالك وامهم واذا عزابي يجيب لك بنت الحلال اللي تسعده وتسعدك وتعيشون بسبات ... الخ

.

البارح جالس اتابع الاخبار ومبسوط وانا اشوف البناخي يتابع مشروعات التوسعة ...

المهم جايبين صورته وهو بالسيارة (بنز) قال ولدي نايف: هذي كامري ...

قلت : صاز وبس تر حدك لهنا العمر مهو بعزقة مثل ما يقول ليث ...

يارجال اشتر لــه همر وش انت خسرااان .. كلها 350 ألــف فقط لاغير ..

(( لا والله إلا رحت غلطه يارفحاوي ))

[align=center]
سلمت يداك رفحاوي
مثل ما ابوك اشترى لك اشتر لولدك
لا تخلي الناس يقولون ما طلع زي ابوه
لكن اذا دييييييين لالالا مافيه داعي
خل الدين للاخضر


[/align]