-
شمااغ وعبايه
هذه القصيده لصاحبها الي ما أعرف مين هو والي يعرفه يزودني بالعلم الله يعطيكم العافيه
عهدي بها قدّام تلبس عبايه
.........................وأنا بعد قبل البس شماغ وعقال
طفلين نتهجّى حروف البدايه
........................الله ياماأجمل سواليف الاطفال
كانت لنا في كل شارع حكايه
......................وكنّا نقول علوم ماهيب تنقال!
وكنت اتقاسم مامعاها معايه
........................من(عسكريم) التوت,للعلك ابوريال
وكانت بعكسي شاطره في القرايه
........................,تقرأ جزء عمّ وطه والانفال
وأنا لك الله من مواري غبايه
.......................مدري ابو نقطه هو الذال او دال
وكانت لابويه تشتكي من شقايه
.......................وتعلّمه كيف اربط الباب بحبال
ياما على ظهري كسر من عصايه
......................يقول لي:خلّك وأنا ابوك رجّال
وامي تقول:ادع لولدك الهدايه
.......................خوفي تصيبه كثرة الضرب بهبال
لاشفتها مع اول الدرب جايه
.......................مدري أنا اللي ملت ولاّ الوطا مال!
احسّ قلبي يرتجف في حشايه
.......................ماكنّه الاّ الضيف لاهزّ فنجال
ياما عن"السّعلي" تخبّت ورايه
......................لاخوفوها فيه ثم شافت ظلال
تقول:خلّك يامحمد معايه
........................واسّتأنس العب عندها دور الابطال
وآغار حتّى من عيون اصدقايه
........................لاطالعوها قلت:تكفون ياعيال!
ويعطيكم العافيه
-
يعطيك العافيه اخوي الدب..
بالنسبه للشاعر .. ترى ما اعرفه...:rolleyes:
-
السلام
يعطيك العافيه أخوي الدب الداشر :) :)
-
أهلييييييييين مرجوجه يعطيكي العافيه ومو مهم الشاااعر :)
حيااكي الله أم قصه والله يعافيكي
-
تسلم أخوي الدب وصراحه من أفضل القصائد
الي أعجبني ويعطيك العافيه
-
مبدع في الختيار
بصراحه ابدعت في الختيار وهذي القصيده قريتها في مجلة فواصل او قطوف بس من الشاعر بالضبط والله ما اذكر بس على كل حال يعطيك العافيه غلى هذي المشاركه الجميله .
اخوك السيف يقولك انت رررررهيب وبقوه باااااااااي؟؟؟
-
هلا قعقااع حيااك واشكر لك مرورك
هلا سيف صراحه ذي شهاده اعتز فيهاا
http://kaznova.com/imge/chaticon/7.gif أول مره واحد يمدحني
أشكركم على المرور
-
-
-
يعطيك العافيه يا الدب
وما ودي اقول داشر لانك سنع منت بداشر
-
حجي عزام ؟؟
ذكر الله زين
بس مدري ليش تقول لي ماشاااء الله
لأني ما استاهل ؟
:
.
-
الله يعافيك حجي خليجي
وان شااء الله اني اكوون دب سنع
أشكر لك تواضعك ومرورك ..
:
.
-
انت دائماً تنقّب عن عيون البتر.... آسف الشعر
هي قصيده حلوه جداّ تحكي واقعاً ملموساً في فترة متقدمة من العمر
لابد لكثير من الناس ان لم يكن عايشها بنفسه سيكون رآها بعينه أو سمع عنها
فعلاً قصة عمر
سلمت مبدعاً وناقلاً اميناً .
-
أهلاً وسهلاً شايبناا
آسف إذا هيضت شجوونك حجي قروووي ;;)
العذر والسموحه ما كان قصدي
-
يعطيك العافيه اخوي الدب..
بس فيه بعض الردود لناس مادري وينهم مشاركتهم بالالاف وهالحين ما لهم عينة
