خدمة مميزه من الشركة السعودية للكهرباء

رسائل الجوال من شركة الكهرباء

لاستقبال مبالغ فواتير الكهرباء عن طريق رسائل الجوال القصيرة

إرسال رسالة على الرقم 0502820000

يسجل فيها رقم المشترك الموجود بفاتورة الكهرباء

وسوف تصلك رسالة في نهاية كل شهر بالاتي :

رسالة بالشكر على التسجيل في الخدمة مره واحده فقط في البداية
رسالة بصدور فاتورة الكهرباء
رسالة بالشكر على السداد
رسالة بقرب موعد فصل التيار
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ

هذه خدمة رائعة يجب الإشتراك بها خاصة موظفي القطاع الخاص و موظفي الدولة ورجال الأعمال
وكل من هو مشغول جدا وكثير سفريات

اي والله يا ليت .... ترا ملينا من شركة الكهرباء ... تاخذ فلوسنا وما تقدم لنا خدمات ...

الله يبشرك بالخير ... بشترك فيها الآن ..

شركة الكهرباء هي الوحيدة اللي تقدم خدمات باسعار زهيدة ...

خدمة جديدة ومميزة تشكر عليها الشركة ...

مشكور الافندي مشكوووور

اسعار زهيده ؟؟ يمكن اخوي رفحاوي انت من الناس اللي ضارب معهم الحظ والعداد ما يحسب واجد ... والله مع اني ادفع للأتصالات اضعاف اللي ادفعة للكهرباء الا اني ماني حاقد عليهم كثر الكهرباء ... اطفي اللمبات ... احاول اقتصد اطفي المكيفات ... مافيه فايدة الفاتوه هي الفاتوره ... مبالغ خيالية واذا جيتهم وقلت لهم العداد خربان قالوا ادفع قيمة واحد جديد !!! ياخي ماهو ذنبي كون العداد خربان ... عجايب والله ... ولو جيت تعمر ودخلت في مشكله تركيب عداد او عدادين ... متاهات معهم ... وشوي ويقولون انت وجيرانك نحطكم بعداد واحد علشان يكسبون الشرائح ... <<== حاقد بقوة ههههههه يالله ما ابي اخرب موضوعكم افرحوا بالخدمة الجديده ههههه

هلا اخوي / احمد ...

لو طلعت لاوروبا (وانت بكرامة) وجلست تدفع على لمبتين وصخان اكثر من 500 ريال شهري ... بكل تاكيد تحب ايدك قفى وظهر على فاتورة 3 مكيفات ولمبات وغسالة وتلفزيون ... الخ بقيمة اقل من 100 ريال ...

شفت الفرق ؟!!

بالنسبة لي مبسوط ...

اضف الى ذلك ان تكلفة الكيلو واط بالساعة يكلف شركة كهرباء رفحاء ما لا يقل عن 20 هللة بينما حضرتك تدفع 5 هللات بس قصدي فقط ...

هم شفت الفرق ؟!

100 ريال كهرباء ... 625 ريال تأمين على الرخصه ... 600 ريال اقامه الشغاله ... 750 ريال استمارة السياره ... حليب النيدوا في ظرف سنتين ارتفع من 42 الى 50 ريال علشان تطلع برا المملكه لازم دفتر تربتك 550 ريال ... ويا كثر البيوت اللي واقفة على عداد كهرباء لأنه سعره عشرين الف ريال ( 300 امبير ) واغلب الفلل يحسبون لها ( 300 امبير ) ... ليه عشرين الف ؟؟؟ انا عدوا لهم والا مواطن بنقالي !!

الكهرباء ماهي رخيصه وانا ادفع على شقة صغيرة مكونه من غرفتين ومقلط ومجلس رجال وصاله .. ادفع 300 ريال شهر ... بتقول ماهو معقول اقولك هذا هو الحاصل ورحت للشركة عدة مرات ... مافيه فايده يقولون ادفع قيمة عداد جديد ... اكتشف انه ماهو بس انا كل العالم نفس الطريقة والعداد النوعية الجديده تحسب اكثر من الأولات .. ... اجل لو عمرت بيت وفكرت اركب لمبات على الحوش كم بدفع ؟؟؟ عشرف الاف ريال في الشهر ؟؟ والا احسن اركب فوانيس كاز .... لا والله يابعدي الكهرب ماهي رخيصه والمية والميتين ما شفناها من سنين ... اجل شلون لو ما عندنا بترول ؟؟؟ اذا الموطن الأروبي يدفع على لمبتين 500 ريال وقتها حنا بندفع على لمبه وحده 1000 ريال ... الله يديم البترول .... ويديم لنا الضمائر الحية .

الا شركة الكهرباء تكفون لحد يدافع عنها ترا اللي يدافع عنها اكرهه ههههههه

[align=right]سلمت يداك الافندي

احمد انت معصب زياده لكن لو عرفت السبب بطل العجب
وانت بعد تكره الي يدافع عنها امممممممممممممممممممممممممم
اكيد شافطك الكهرب وانت صغير لووووووووووووووووووول
[/align]

تم طرح هذا الموضوع لتعم الفائده الجميع .. لب الموضوع انها خدمه تضمن استمرارية الكهرباء
اخي احمد نتمنى جميعا ان تكون الكهرباء والماء مجانا والغاء الضرائب بانواعها ولكن ماكل ما يتمنى.....الخ
( رفحاوي / احمد / سهرانه )
شكرى وتقديري لشخصكم الكريم ومداخلاتكم القيمه

[align=center]

يعطيك الف عافيه على الخبر

أنشاءالله يكون صحيح وسريع التنفيذ

عشان الكل يستفيد من الخدمات[/align]

اقتباس:

---

المشاركة الأصلية كتبت بواسطة الشيهانه

[align=center]

يعطيك الف عافيه على الخبر

أنشاءالله يكون صحيح وسريع التنفيذ

عشان الكل يستفيد من الخدمات[/align]

---

مشرفنا الافندي مشكووووووووووووور

سهرانه .. اي والله معصب زياده .. وانا حقدت عليهم من يوم اني صغير كنت واقف عند عمود كهرباء وكهربني هههههههه

من جد ... شركة الكهرباء ما يحس بأزمتهم الا اللي عنده مشكله معاهم ... الواسطات عندهم بالهبل ... وما عندهم تفاهم ... دائماً في نظرهم المواطن متلاعب ويعاملون الشخص بالنية (( انت شكلك تتلاعب )) ما عليكم من شكلي ... عليكم من الأوراق الرسمية بعد حيي .. هههههه ... مشكور الأفندي مره ثانية ومعليش قلبنا الموضوع نقاش اتمنى ما يزعجك ..

موضوووووووووع مفيد


ومناااااقشاات جميييله

هلا اخوي / احمد (المشفوط) ...

موضوعنا عن سعر فاتورة الكهرباء ولا تدخل قواطي النيدو وكراتين الدجاج بالماضوع ...

نسيت اقول ان الحكومة هي اللي تدفع لشركة الكهرباء فرق السعر بين سعر التكلفة والسعر المقدم للمواطن ...

الله يعزك يا حكومة الخير الله يعزك ولا يحرمنا منك ...

حمادة لو طلعت برى تحب تراب السعودية ...

لا تحاولون ... الفواتير غاليه .. اذا كان موظفيها هم يقولون وينقدون على قوانين الشركة ...

اعطيكم مثال / مره رحت لشركة الكهرباء ابي عداد مؤقت لمدة شهرين او ثلاث تقريبا عندي عماره ... يسمونه ( عداد رش ) ما ابي اطلب من الناس يوصلون لي سلك .. ابي اعز نفسي ههههههههههه المهم طلع قيمة العداد تقريباً ( 3000 ريال ) قلت مو مشكله واذا رجعته تردون لي فلوسي ؟؟ قالوا لا خلاص تروح عليك ... طيب يا ناس انا بدفع فواتير والعداد مؤقت ... مالكم بالطويله قال لي المسؤل في شركة الكهرباء احسن لك اشتر لك مولد كهرباء بألف او الفين ... وهذا اللي حصل اشتريت مولد بـ 2000 ريال وفي النهاية ملكي ماحد له عندي شيء ..

شركة الكهرباء مو بس تاخذ 200 و 300 ريال قيمة الفواتير ... قيمة العداد الخيالية تعتبر تكاليف على المواطن ...


مكيف فريون قدرته = 3500 وات في الساعه
لو افترضنا انه يعمل من في فترة النهار فقط .. اي من الساعة 8 صباحاً والى الساعة 7 المغرب
معناته3500 في 11 ساعة = 38500 وات / يوم = 38.5 كيلو وات / اليوم

معناته في الشهر 1155 كيلووات
وانت عارفين انه اقل بيت بيشغل ثلاث او اربع مكيفات مع هالحر

خلونا نفرض ان الشخص اقتصد وجمع عياله والشغاله في غرفتين وترك باقي البيت فاضي في النهار .. وفي الليل طلع هو وعياله للسطح يوفرون كهرباء هههههه مع انكم عارفين اننا في وضع مضطرين نشغل المكيف حتى في الليل .. 24 ساعه لأن عندنا الجو ما شالله حار جداً

طيب مكيفين 1155+1155 =2310 ههههههههههههه عدينا الشريحة الأولى خشينا على شريحة 8 هللات

عندنا ثلاجة وفريزر ... تلفزيون ... بلايستشن للأطفال ... اضاءه ... استشوار ... مكوي ... غساله ... كمبيوتر ...

خلونا نقول كل هالأجهزة عن مكيف واحد

1155+2310 = 3465 كيلوات في الشهر ..

تطلع الفاتوره .05 في 2000 كيلو يطلع 100 ريال للشريحة الأولى + .08 في 1465 كيلو يطلع 117.2 للشريحة الثانيه

المجموع = 217.2 ريال في الشهر ... هذا وانت تنام في السطح ومن المغرب مطفي جميع المكيفات وتقتصد في باقي الأجهزه بأعتبار اننا حسبنا كل اجهزة البيت عن مكيف واحد ...

وين تقول رخيص ... يعني لو شغلت مكيف ثالث في البيت خشيت على الشريحة الثالثة ... اللي يتقصف راتبك قصف .. لا والله الكهرب ماهي رخيصه واول ما تخش على الشريحة الثالثة بيكون الحساب مضاعف وكل كيلو عن كيلوين وقبل شوي حسبنا ان الرجل المقتصد جداً وصل حوالي 4000 الاف كيلو في الشهر ... اجل لو واحد يبي يحط كشافات في الحوش لمدة كم ساعة في الليل ... يبي يشغل مكيف الصاله وغرفة النوم ومجلس الرجال وغرفة الأطفال ...اربع مكيفات في الفيلا .. ويبي يدلع حاله شوي ويشغلهم في النهار والليل هههههههه حلوة يدلع حاله هذي ههههه ... بكذا يكون خش على 7000 كيلو او اكثر ...

اختاروا بيني وبين شركة الكهرباء ... اللي يحبني لازم يكرههم واللي يحبهم معناته يكرهني خخخخخخخ <<== متعقد بالمره

هههههههههههههههههههههه

هذا صرت بوش مو احمد !!!

ارجع واقول كان الكلام عن فاتورة الكهرب فقط لا غير ...

بالمناسبة فاتورتي الخيرة كانت اقل من 50 ريال ...