هو ليه صار الوصْل يابنْت تِذْكار؟
ضاع الوُجود وقُمْت أدوّرْ عليها
لُوحه نبي منْها ولوْ رُبْع مِسْيار
نبي الحروف اللي تدوّنْ يِدِيها
عرض للطباعة
هو ليه صار الوصْل يابنْت تِذْكار؟
ضاع الوُجود وقُمْت أدوّرْ عليها
لُوحه نبي منْها ولوْ رُبْع مِسْيار
نبي الحروف اللي تدوّنْ يِدِيها
يا مرحبا حيـيت يا واف الاشبار
..... / منك القصيد وجاتك الليّ تبيها
ياما قطفنا من جميلات الازهار
..... / واليوم ما عادت يديني تجيها
مال الوُرُود ومالها شبّة النار
ماتتْ واشوفه ضاعتْ بمشترِيها؟
إلا الوُجود أرْجوك لايهْجر الدّار
وانْ كان بهْ رجْوى فانا بارْتِجِيها
تجري الرياح وضيقت صدر بحار
...... / ولا عادت الدفه يبي يحتويها
حتى الرجا ماله مع الريح مسفار
......./ واللي رجى فيني و ربي سفيها
البقا
هاك
منْ حرّك امواجٍ تعدّت لمعيار؟
حتى طفحْ كيل ٍ وتمتم وِجِيها
متى على الله جارنا يِسْعِدْ الجار
والشّاذليّه ترْوي لشاربيها
متابع بدون صوت
البحر هادي وانت يالشاعر البار
..... / خضته تبي امواجها تعـتلـيها
ما تدري ان البحر لا ثار غدار
...... / كم من ديار ٍ طمّها لو يجيها.!
الله يقويكم ..
متاااابع ..
عقارب الحارس الذكي
هلا بكم ملايين
ترْي الحياة اليوم يابنت مشوار
مصير مالفرقا تجي محتريها
نبي ندون بالصحايف لما صار
والروح ملزوم الجموع تعويها
رائعين
ونحن لكم متابعين
<< وده يقول شعر وما يعرف
متابع
يعطيكم العافية
الأخ البرق
الأخت شماليه
سعدنا بمتابعتكم
صحت السنتكم وابدانكم
طب وتنقى من جزيلات واختار
...... / بديارنا شعّـار منها وفيهـا
تروي شفوف ٍ بالتماثيل له ثار
...... / همس القوافي كلنا نهتويها
ريانه / عقارب / الحارس / الاوكس / ابو محمد / همام
حياكم وبياكم منورين :)
صحت السنتكم
كلنا معكم متابعين
ماهمّني غير المنوّفْ بالاذْكار
اللي بساسه دكّ باشا وبِيها
اللي ليامنّ السّما عمّه اِغْبار
قنّدْ لِما يِتْعِبْ خسيس وكِرِيها
شاعر وشعرك له حشيمه ومقدار
...... / وشعّـار رفحاء دونها تحتميها
شمّر ووايل دونهم سيف بتار
...... / وانا هبوبي "سم" كانك تبيهااا
الأواكس
الزوبعي
همام
فزاع
مروركم مثل الوسم يابعد حيي
الشماليه
هاك
زين الشمال اِلْيا طناواشْعل النار
ولا يفْهم الاوضاع غير النّبيها
عنّاز مع شمّر على الدرب سِيّار
وخليك من لِعْبه وراها مِتِيهاٍ
النار ثارت والشعر صابه اعصار
......./ يا ويل حالك يا طناك اقـتنـيها
" زنقا و زنقا ثم دار ٍ ورى دار "
....... / يا برق ردد جملة ً تهتويها
حياك وبياك فزاع
البقا وهاك يالشماليه
زانت مضاريبك ودار الطنا دار
دام السهر بالعين قلت احتويها
سلام ياجوٍ لك القلب مختار
والله يالولا ذاك لالْعنْ أبيها
طارت ولا يمديك لو كنت صقار
........../ فرصه وراحت وانت لا تحتريها
شابت ذوايبها وذاعت بالاخبار
........../ انك على هجرانها تـنـتـخيها
صح لسانك برق ويعطيك العافيه كان القسم بحاجه للمحاورات
وانا استمتعت بالمحاوره معك
وشكرا لجميع المتابعين لاهنتم
حقا ياشاعرتنا عشت اروع اوقات التساجل
حفظك الباري وان شاء الله لنا لقاء
بيض الله وجهك يالشيخه
صح لسانك شمالية ..
صح لسانك برق ..
صح السنكم
وعلا شانكم
وزنقه ورى زنقه
ودار(ن )ورى دار
صح السنتكم ..
محاوره جداً رائعه ..
استمتعنا كثيراً ..
الله يعطيكم العافيه ..
شكرا لأخي برق الذي بدأ المحاورة واعاد شماليه للميدان
والشكر موصول للأخت شمالية
استمتعنا بمتابعتكم
يعطيكم العافيه كليكم بشعار ونستونا بشعركم
يا سلام عليكم
رائعون رائعون
الحارس / همام / ابو بادي / الاواكس
حياكم وبياكم مروركم زاد المتصفح جزاله .. لاهنتم
متابعة وتصفيق حار من اعلى المدرجات :a78k_36:
الف شكر لا يوفيكم حقكم
الله يونسكم بالعافية
صح لسانكم جميع
محاوره طيبه لآآهنتم
وأتمنى أني أجري محاوره لعلي أستفيد لكي أصقل الموهبه ولعلها بدآية خير
وأتمنى المحاوره تكون مباشره
ومنكم نستفيد
لآآآهنتم
هنا نثرت الحروف البيضاء والورود الحمرا للمبدعين ( برق _ شماليه ) = أمتاع
يعطيكم العافيه شعراء منتدانا الكرام ...