أرجو أن تحوز على رضاكم وكل عام والجميع بخير :
انصتي لي واسمعيني للأخير = فز قلبي من سمعتك ثم طار
من سمعتك أشهد اني بالف خير = افزعي لي من يمين ومن يسار
بك نعومه ماتشابه للحرير = وبك ربيع ٍ مكتسي عشب وخضار
كيف أنا باوصفك يالبدر المنير = كيف أوصف شمس في عز النهار
من عرفتك كني بمنصب وزير = ولو تركتك ولع الخفاق نار
نار تلعب ياحبيبي بالضمير = من سناها شاهدوها قندهار
يابو رمش ٍ كنه السيف الشطير = يذبح الرجال أبو قدر ووقار
ياأميره ارحمي حال الأمير = هو وقع بالحب واللي صار صار
في حياتك صرت أنا مثل الأسير = الأسير اللي رفض فك الحصار
هو يصير ألقاك والا مايصير = لا تعذبني بطول الانتظار
