خذ بدلتي وبريهتي للمناعير . . . سلم عليهم قلهم يفصلووني
راقت لي
:a78k_21:
http://www.youtube.com/watch?v=7YIj0L9kwf8
خذ بدلتي وبريهتي للمناعيـــر
سلم عليهم قلهم يفصلوونــــي
وتبــلغ القايد تـحية وتقديـــــر
وعلى طابور الصبح لايحتروني
ماقصدي اتركهم دشاره وتقصير
لكــن نسيم الليل هيض شجوني
حب القنص والبر وملاعب الطير
وخــــــوة رجال بالوفاء يعرفوني
بأرض خلا قفرن ماجاها مداوير
بكــر سقـاهـا وبل غر المزوني
وخوياك دوم ماتحسب المخاسير
وخــويهم يجلــون عنه الحزونى
لطيب بوجيه النشاما تعابيــــــر
بالطيب انا اذكرهم وهم يذكروني
هذا هواي ورغبيتي يا هل الخير
وعــن شف بالي بس لاتعذلوني
وأن كان مني يا هل العرف تقصير
انـــا ادمـــي يخطي لكن مايخوني
خــذ بدلتـــي وبريهتـــي للمناعيـر
سلــــم عليهــــم قلهم يفصلووني
.
.
بس لحد يسوى سواته
:bb38:
المطيري يرد على الجندي اللي ترك العسكرية من أجل نسيم الليل والصقور..!!؟
الحقيقة كلهم رائعين ..
يقول :ـ
جب بدلتك وبريهتك للمناعير *** ومع السلامه ماتشوف الحزوني .
أباالبس البدله بدالك على خير *** واحمي الوطن واسهّرلعينه عيوني .
والصبح بالميدان قدوة طوابير *** واطبق التدريب باروع افنوني .
واصبر على التدريب مثل المغاوير *** واحفظ دروس مدربن مايهوني .
والبس شعار المملكة لانها غير *** أشرف اشعار تفتخر به متوني .
اشعار عز فيه حشمه وتقدير *** وهيبه لها تركد جميع الجنوني .
وان صاح صياح الخطر والمحاذير *** أقدم على الموت الحمر مانخوني .
تفخر بي البدلة وتفخر بي امطير *** وان مت بشعار الوطن كفنوني .
خلك على عمياك واتلاعب الطير *** وعقب القنص تقول لي سلفوني .
سلم على القايد وكل المشاهير *** برق الوسم لرضاه جر اللحوني .
المعذرة كنت ودي أجيبها مضبوطه .. لكن ماقدرت ..!؟اكتفيت بتوسيط وبس ..