][قربه مسافه ينثني دونها الساق/ وبعده حسافه تستبيح الوثايق][
[GASIDA="type=2 color=#000033 width="95%" border="none" font="bold x-large Arial" bkimage="""]
فيني خليط اشواق مع لوعة افراق=اعيشها مابين ضايق ورايق
فيها الغلا مع صادق الود ينساق=وفيها الغموض اللي يشب الحرايق
للي غيابه محرقاً قلبي احراق =شحت على وصله جميع الطرايق
قربه مسافه ينثني دونها الساق=وبعده حسافه تستبيح الوثايق
من وين مدري كيف تجميع الاشواق=لا صار في دربي ثمانين عايق
ظلم البشر مغرور والوقت سراق=والصبر للمحتار ماهو بلايق
سواد ليلي مارحم طيف الاشراق=اغتالت الظلما شموع الحدايق
اكتب وجف الحبر في عيون الاوراق=يالله دخيلك من عيون الخلايق
ياعاذل المجنون من خاطراً ضاق=هون ترى المجنون ماهو بفايق
والله تبي تشتاق لو منت مشتاق=لا شفت من بعض الحقايق حقايق
وتصير كلك كومة اشواق وفراق=وتعيش مثلي بين ضايق ورايق[/GASIDA]
رااااااااااااقت لي
