قصة ( تريترا ) بالصوت والصورة . . ( استمتعوا ) . . بالذكريات

http://toot23.jeeran.com/%D8%A8%D8%B...8%B1%D8%A9.gif

{صيفنا بمنتدانا شي}
http://www.kwales.com/smiles/images/42/line_dancing.gif

طلب مني الاخ أشوفك حلم
قصة (( تريترا ))
وكنت حابة أرويها من لسان جدتي لختلاف الروايات بالمذكورة
لكن القسمة . . .
فبحثت عنها حتى وجدت شخص يرويها بأسلوب مضحك وجميل
والاحداث قريبة من القصة المذكورة عندنا

طبعا نسقتها لكم بالصوة والصورة حتى يكون الاستمتاع أكثر فأتركم مع (( الشريرة تريترا ))

طبعا لمن هم خارج أطار التغطية

تريترا هذي من القصص الشعبية عند الشعب السعودي
ومافيه شخص ما يعرفها

أتركم تستمتعون

وكان يامكان يوم الدنيا تحكي . . . . . .http://www14.0zz0.com/2010/07/09/19/766290272.gif

[ALIGN=CENTER][TABLETEXT="width:100%;background-image:url('http://rafha.galaxisweb.net/vb/backgrounds/21.gif');"][CELL="filter:;"][ALIGN=center]آآآآآآآيه ياطويلين العمر<<<<< يتنهد

القصه هذاي راح تذكركم بيومننا صغار..يفضخن قلوبنا هالعجز بسالفه تريترا ((الله العليم تريترا حديهن ))

(((الله يرحم جدتي)))

القصه::

هك السنة العرب مربعين ومعينين خير ومستانسين والحلال يبرك الضحوية من كثر العشب.

[flash=http://dc02.arabsh.com/i/01779/zxh6uaoaq7z7.swf]width=400 height=70[/flash]
ودك انك بس تصنت لأم سالم بهك الريضان.وام البهم ماخلت طبعها ماغير تزورق بينهن والورعان

يطاردونها هذا طبعهم بعد ، وخطات راعى يومى بشوشته لياهلحين يضحك عليه ملهى الرعيان وتضيع

غنمه بسبةطوير.[/ALIGN][/CELL][/TABLETEXT][/ALIGN]http://up.z7mh.com/upfiles/w0K21818.gif
وهك النهار سواريح الغنم مدوا بحلالهم وعزلوها جلد و رغث وعزلوا بهمها وساقوها مغير تسمع أجراس المراييع وعجتها للسما.

واهل البل اللى نياقهم قريبة راحوا يشوفون اباعرهم و يدورن الصبوح .
أما اللى يطردون حرش العراقيب ويعطونهن على هواهن هم اللى عايشين صحيح .

وفيه رجاجيل على شبة الشيخ مجتمعين ولهم لجة وقدامهم شلقة عيال حاطين نيشان ويثورون . مدرى لو اللجة على شانهم.

وحريمهم من حليلهن ماغير تشوف عبيهن تتطارخ من الهوى , هذى مسيرة وهذى موديتن غريفة لجارتها وهذى حطابة وهذى رواية ..
وفيه ثلاث بنيات وحدتن منهن عرجا المسكينة راحن يتسابقن يم الغدير , تراه دفيعة (بعيده).. هناك عن

اهلهن وهن يلعبن ويضحكن ومكيفات باالماء

[ALIGN=CENTER][TABLETEXT="width:100%;background-image:url('http://up.z7mh.com/upfiles/3JD21818.gif');"][CELL="filter:;"][ALIGN=center]
.
الا وتجيهن
[flash=http://dc02.arabsh.com/i/01780/k8v1iw6c3a3s.swf]WIDTH=350 HEIGHT=70[/flash]
ذيك العجوز http://up.z7mh.com/upfiles/Atp20328.gif
وتسلم عليهن وتحبهن وتقوم تلعب

معهن مرة تسوى نفسها فرس لهن ويركبنها وهن لهن ضحك ومرة تسويلهن زغيلبه (تشقلب) ...ومرة تسويلهن نطو الرفلا.

سألتها وحدة من البنات عن أسمها

قالت أسمى تريتره عمتكن تريتره
يوم شافتهن أمنن لها.

قالت لهن : يابنياتى ليه ماتسيرن على وتدلن بيتى أنا عجوز مسيكينة ولاعندى بنات ويومنى شفتكن حبيتكن عدكن بناتى.
وحدة منهن عيت وقامت تعذر

قالت تريتره: يابنياتى ودى أسويلكن عشا وعندى تميرات شايلتهن للغالين مثلكن وبيتى تراه قريب حيل , شفتن هك الجال .......بيتى وراه.[/ALIGN][/CELL][/TABLETEXT][/ALIGN][ALIGN=CENTER][TABLETEXT="width:100%;background-image:url('http://up.z7mh.com/upfiles/3zw22940.jpg');"][CELL="filter:;"]

وافقن وراحن معها .. يوم تعدن الجال .
قالن : وين بيتك ياتريتره
قالت : ورا هك الجال هذاك
وتعدنه
وقالن : وين بيتك ياتريتره
قالت : ورا الجال هذا
وجال ورا جال
ليما تعبن من المشى وبغن يرجعن
قالت لهن تريتره : يابنياتى مابقى عليكن شى , وصلنا , هذاك بيتى أشوفه ورا هك الجال وان مطلع حتسى صحيح ابد ارجعن وتراكن معذورات

[/ALIGN][/CELL][/TABLETEXT][ALIGN=CENTER][TABLETEXT="width:100%;background-image:url('http://up.z7mh.com/upfiles/vbx22567.gif');"][CELL="filter:;"][ALIGN=center]
.
.
المهم انهن طاعنها ورقن الجال وشافن بيتها وتدحدرن يمه الله يجيركم الشوفة القشرا يوم شافن بيتها

الا رواق البيت مسويته من جلود الاوادم والاطناب مودعتهن من قصبان والاوتاد من عظام الاوادم و البيت من شعر البنات
http://up.z7mh.com/upfiles/Onw26839.gif

التفتت تريتره عليهن وهى تمطق ............ وقالت:
[flash=http://dc06.arabsh.com/i/01780/13nvsylpv9qp.swf]WIDTH=350 HEIGHT=70[/flash]
مسكتكن ياالملعونات بغيتن ماتجن و تحرمنى عشاى أنا ووليدى مير جابكن حظى لى شهر ماذقت لحم الاوادم.
وهى تقلب صورتها سعرة (جنية) http://www.3sl3.com/up/upfiles/aqI69376.gif.... لياجلدها أسود مثل الصاج وعيونها مثل الجمر وشعرها تقل تسدادة
http://up.z7mh.com/upfiles/xto26839.gif
وسنونها حديد ويتطاير منها هوايش شى يزحف وشى يطير شى مثل الدود وشى مثل العقارب وشى مثل الذبان .

صاحت تريتره تصوت لولدها وهو يجى الا شكله أقشرمن شكل أمه
http://t2.gstatic.com/images?q=tbn:A...cts/136420.jpg
لكنه صغير و طوله بطول البنات


قالت تريتره لولدها: أسمع أنا سنونى مصديه مايقطعن من بطا اللحم أباروح أسنهن
[flash=http://dc09.arabsh.com/i/01780/746onc43vey6.swf]WIDTH=250 HEIGHT=70[/flash]
وارجع أنتبه على عشانا لاينحاشن منك عفيه وليدى سعران.

راحت تريتره تسن سنونها وبقن البنيات مع ولدها يحرسهن.
[flash=http://dc10.arabsh.com/i/01779/mid7xxqqsmb6.swf]WIDTH=250 HEIGHT=70[/flash]
المسكينات غدالهن صياح ويبتسن ولهن نحيب

قالت لهن العرجا: ياخوياتى ما ينفع البتسا وش الحيلة وشلون ننحاش ؟

ماردن عليها ولا هن يمها ماغير لهن مشاهق من البتسا ومن الخوف منفضختن قلوبهن .
فكرت العرجا لحالها وقالت مالها الا الذهانة بعدين قربت عند ولد السعرة وقامت تحسي عليه وهو له ضحتس وصوته تقل رغا حاشى .

ماهمها طيرة شلوى وقامت تسولف عليه وتعطيه من التسذب الا ان سكت وقام يراددها بالحتسى .
وقامت تبرق بكلامه وتروز عقله عرفت ان ماش ما بالحمض أحد وانه دبشه .

قالت له : سعران ما اشوف فى بيتكم حطب و شلون تطبخون بليا حطب .

ياويلك يا سعران ان جت امك وشافتك منت حاطب .
قالها : صحيح بس وشلون أروح وأخليكن أخاف تنحاشن

قالت وين نولى وأهلنا بعيد ولاحولنا ولى وناشبته الا ان صدقها و أقنعته انها تحرس البنات بداله وأخذ فاسه وراح يحطب

يوم شافنه ابعد كل وحدة عضت شليلها وانحاشن



.[/ALIGN][/CELL][/TABLETEXT][/ALIGN]

[TABLETEXT="width:100%;background-image:url('http://up.z7mh.com/upfiles/gaL22940.jpg');"][CELL="filter:;"][ALIGN=center]
وهن لهن ركض وركض وركض والعريجا وراهن ماتقدر تلحقهن ..تصيح وتنخاهن ولها صياح :
ياخيااااااتى أتننى يا خيااااااتى لاتخلنى اتنني
.
.
.
.

وهن ماهمهن سبقنها وخلنها وراهن .

جت تريتره ودرت انهن انحاشن وهى تطلبهن لها جمح. ما تسمع الا وحيفها ليا مرت بجنب شجرة او قشعة
[flash=http://dc10.arabsh.com/i/01779/vrz0kkvv65r9.swf]WIDTH=250 HEIGHT=70[/flash]

يوم قربت عند العرجا التفتت العرجا الا وتشوفها وراها. درت المسيكينه ان السعرة تبى تلحقها وتطرحها .

الا ويجيب الله ذاك الجحر بطريقها كنه مراغة ضبع وهى تجحر به .
[/ALIGN][/CELL][/TABLETEXT][ALIGN=CENTER][TABLETEXT="width:100%;background-image:url('http://up.z7mh.com/upfiles/vbx22567.gif');"][CELL="filter:;"][ALIGN=center]

وتقوم تريتره تحفر الجحر .
http://up.z7mh.com/upfiles/xto26839.gif
[flash=http://dc02.arabsh.com/i/01780/mdn479zunrcx.swf]WIDTH=250 HEIGHT=70[/flash]
مروا بها ناس واجد وهى تحفر وكل يسالها

ياتريتره وش تحفرين

تقول : أحفر ضب ماله رب ولاله عكرة تقضب

مروا بها أهل المجاهيم . ياتريتره وش تحفرين
أحفر ضب ماله رب ولاله عكرة تقضب

مروا بها اهل المظاهير .ياتريتره وش تحفرين
احفر ضب ماله رب ولاله عكرة تقضب

مروا بها أهل المغاتير . ياتريتره وش تحفرين
أحفر ضب ماله رب ولاله عكرة تقضب

مروا اهل الشياه . ياتريتره وش تحفرين
أحفر ضب ماله رب ولاله عكرة تقضب

مروا بها اهل العقيلات. ياتريتره وش تحفرين
أحفر ضب ماله رب ولاله عكرة تقضب

مروا بها اهل الخلا . ياتريتره وش تحفرين
أحفر ضب ماله رب ولاله عكرة تقضب[/ALIGN][/CELL][/TABLETEXT][/ALIGN][ALIGN=CENTER][TABLETEXT="width:100%;background-image:url('http://up.z7mh.com/upfiles/vbx22567.gif');"][CELL="filter:;"][ALIGN=center]ماطولها عليكم مروا بها أهل الوضح والشقح والحمر والصفر وألوان البل كلها وردها واحد

وهناك

مروا بها أهل الخيل . ياتريتره وش تحفرين

قالت:احفر ضب ماله رب ولاله عكرة تقضب

سمعت العرجا الصوت وعرفته هذا صوت اخوها تخبره غزاى من حروة شهر .
و صاحت بطول صوتها

لاوالله ياخييى تحفرنى .. نخيتك لابتسيتك ياخييييى فكنى

انتخى وانثنى عند اخته شوق المخبيات بنات الشيوخ
http://up.z7mh.com/upfiles/WCS32576.gif
[flash=http://dc10.arabsh.com/i/01779/d6tq625d2i9i.swf]WIDTH=250 HEIGHT=70[/flash]
سحب سيفه وضرب تريتره لهو مطير راسها

حضن خيته و حت التراب عن قصتها وحبها على راسها وارد فها على الفرس.

وقام يهيجن وهى ترد عليه:

أشرب الما وكن يرده عود ......... وأتقلب وكنى على ملة
عريجا ما يقربتس كود مقرود .............. أدفعه للموت يزتله[/ALIGN][/CELL][/TABLETEXT][/ALIGN]

وسلامةٍ تسلمكم
وهذي قصة
أتريترا

وقد تكون بروايات أخرى
ولكن هذا اللى أعرفه

ودمتم على خير

هههههههههه
الله يعطيك العافية أختي عروووبة
قصة ممتعة وتنسيق رائع

الله لايجزاء عدوتس خير عندي لي مطيورتن يوم شغلت الصوت وهي تقمز وراي
< ميته ضحك :p
اييييييييه قصتن جميلتن يا حبيّبتي بس لاتعودين تحطين اصوات تخرع :-$
بنطيتس العافيه

الله يرحم خالي .... كنا نجتمع عنده بعد المغرب . ويسولف علينا تريترااااااااا وغيرهااااا

وتحصل بعضنا نيم على رجل الثاني

المشكلة الوقت قبل صلاة العشاء وحنا نايمين . ماهو الوقت الي الى صلاة الفجر
يعطيك العافية

وش اقول بس ؟!

جزاك الله خير اختي عروبة

>>> للحين يمعك عويناته تو صاحي من غفوة

بالمفضلة ولي عودة

بس التنسيق خطير (:

كل الشكر لك

قصة تريترا حكاية ومثل .
حكاية وقصة للصغار يتمتعوا ويناموا على سردها ومثل للكبار عندما لا يعجبهم المتحدث أو الحديث فيقال مثل سوالف تريترا .
ذكرتينا بحياة البادية البسيطة وعوائلهم وبيت الشعر صورة رائعة .
دمتي بحفظه .

يقال أن تريترا .... في الاصل أنها مستشرقة تدعى (تريرا ) بشعة الخلقة .... لذا أورد البدو قصصهم عليها ..
والاصح أنها أسطورة ... والادهى من هذا كله أنها لا تهدف إلى شئ أبدا وليست ذات مغزى بين .... ( الله يرحم ايام أول ) لما أنام بجنب أبوي ما كانت تشد انتباهي قصة تريترا مثل ما تشدن سالفة الباحصين والذيب ...

وبما أنك لبيتي طلب أخينا أشوفك حلم ..... أطلب منك ( سالفة الباحصين والذيب ) هههههههه


ثم إنه لشكرا وااااجد

عروبة

اقتباس:

---

المشاركة الأصلية كتبت بواسطة ابومحمدالزوبعي

هههههههههه
الله يعطيك العافية أختي عروووبة
قصة ممتعة وتنسيق رائع

---

تضحك بالجنة يابو محمد
والعفو
بركة اللى جازتلك

حيــــــــــــآك

http://backgnd.jeeran.com/broad14.gif

اقتباس:

---

المشاركة الأصلية كتبت بواسطة شمـــاليه

الله لايجزاء عدوتس خير عندي لي مطيورتن يوم شغلت الصوت وهي تقمز وراي
< ميته ضحك :p
اييييييييه قصتن جميلتن يا حبيّبتي بس لاتعودين تحطين اصوات تخرع :-$
بنطيتس العافيه

---

أضحك الله سنك
تصدقين انى اتسمع لها وأنا منخرعة


حيــــــــــــــــــــآك
شوشو

http://backgnd.jeeran.com/broad14.gif

سجلت دخولي فقط لكي ارد على هذا الموضوع الرائع والممتاز جداً

الف شكر لك ياعروبة على الموضوع الرائع جداً

تم الحفظ بالمفضلة

هههه ،، عز الله ضحكت الياما قلت بس ــ قصه رائعه تستحق الشكر 000

منهي المذكورة بالنص "ام سالم"

اقتباس:

---

المشاركة الأصلية كتبت بواسطة السلهومي

الله يرحم خالي .... كنا نجتمع عنده بعد المغرب . ويسولف علينا تريترااااااااا وغيرهااااا

وتحصل بعضنا نيم على رجل الثاني

المشكلة الوقت قبل صلاة العشاء وحنا نايمين . ماهو الوقت الي الى صلاة الفجر
يعطيك العافية

---

الله يرحمه ويجعل قبرة روضه من رياض الجنة

يعافيك ربي

حيـــــــــــــآك
السلهومي

http://backgnd.jeeran.com/broad14.gif

اقتباس:

---

المشاركة الأصلية كتبت بواسطة أشـــوفك حلـــم

وش اقول بس ؟!

جزاك الله خير اختي عروبة

>>> للحين يمعك عويناته تو صاحي من غفوة

بالمفضلة ولي عودة

بس التنسيق خطير (:

كل الشكر لك

---

العفو اخي اشوفك
أتمنى تكون جازتلك

حيـــــآك

http://backgnd.jeeran.com/broad14.gif

اقتباس:

---

المشاركة الأصلية كتبت بواسطة الكاشف

قصة تريترا حكاية ومثل .
حكاية وقصة للصغار يتمتعوا ويناموا على سردها ومثل للكبار عندما لا يعجبهم المتحدث أو الحديث فيقال مثل سوالف تريترا .
ذكرتينا بحياة البادية البسيطة وعوائلهم وبيت الشعر صورة رائعة .
دمتي بحفظه .

---

وكذالك عندما يماطل احد
يقال مثل حزيمات تريترا . .

شرفني مرورك الكريم
العفو
حيـــــآك

http://backgnd.jeeran.com/broad14.gif

اقتباس:

---

المشاركة الأصلية كتبت بواسطة المداد

يقال أن تريترا .... في الاصل أنها مستشرقة تدعى (تريرا ) بشعة الخلقة .... لذا أورد البدو قصصهم عليها ..
والاصح أنها أسطورة ... والادهى من هذا كله أنها لا تهدف إلى شئ أبدا وليست ذات مغزى بين .... ( الله يرحم ايام أول ) لما أنام بجنب أبوي ما كانت تشد انتباهي قصة تريترا مثل ما تشدن سالفة الباحصين والذيب ...

وبما أنك لبيتي طلب أخينا أشوفك حلم ..... أطلب منك ( سالفة الباحصين والذيب ) هههههههه


ثم إنه لشكرا وااااجد

عروبة

---

لها فائدة وحدة
تهجيدنا عشان ننام

وأنا ماكنت تشدني تريترا بقدر ماتشدني (( خشيبون ))
وهذي ياطويلين العمر والسلامة

بنت مزيووونة
تركتها مرت ابوها بالمراح
وهي تروح يم واحد نجار وكان معها خاتم<<< علاء الدين مو بدو
وعطته الخاتم بس يسويلها هيكل (( كلب )) كرمكم الله
وتروح البنت وتصير داخل الهيكل
وتمشي باعربان
وفيه مرة لقت عرب وقامت ترعى عندهم مع غنمهم
وسموها ((خشيبون )). . وهي سالفة العرب راح خشيبون جاء خشيبون
المهم
وفي يوم من الايام راحت للغدير تبي تغتسل
ولما ماشافت احد حول الغدير
شالت الهيكل وقعدت تغسل
إلا من هو اللى شافها

دارادااااااااااارادا <<<< مؤثرات خلفيةhttp://rafha.galaxisweb.net/vb/images/smilies/04.gif
ولد الشيخ

مشت الأيام
وفي يوم قال الشيخ لولده ابى ازوجك
قال طيب لكن انا ماتزوج الا خشيبون
قال ابوه مالقتيت الا خشيبون الخبل<<< أشهد ابوه دلخ . . ولده يتزوج خشبه
قال :حتمي ولزمي ماخذ الا هي<<< خلااااص طلق الرجال

وصارت سالفة العربان
ولد الشيخ يبي يتزوج (( خشيبون ))<<< قبيلة رايحه فيها

وهو يجي يوم الزفاف
ويتجمعون العرب
وهن يجن الحريم معهن خشيبون .
وهو يجي ولد الشيخ معه فاس<<< متولم ثكلته أمه
وهو يتجمع العرب كلها
شيبانها وحريمها ووغدانها

وهو يجي الفارس المغوار معه الفاس
ويرفعه فوق
وطراااااااااااااااااااااااااخ
إلا خشيبون نصين
وفجأة
وهي تطلع هاكالبنت
اللى مثل القمر
ماجابن الولادات مثلها
(( تفضخ القلب )) . .http://dc11.arabsh.com/i/01720/gs0p5c1pvlxv.gif

ويتهولن الناس
وهي تعلمهم بقصة مرة أبوه

وتوته توته خلصت الحتوته
>>>
أن شاء الله تغنى خشيبون عن الحصنى والذيب
لأني ماعرفها
ويمكن لها اسماء غير
حيــــــــــــــــــــــآك

http://backgnd.jeeran.com/broad14.gif

خوووش خشيبون الله يرزق رفحاوي خشيبونن آخر ههه

اقتباس:

---

المشاركة الأصلية كتبت بواسطة ابو متعب

خوووش خشيبون الله يرزق رفحاوي خشيبونن آخر ههه

---

ههههههههههههههههههههههههههههههههههه
:d:d:d:d:d:d:d:d:d:d:d:d:d:d
يعني بدل أم 18 الي رفحاوي كان يقول لنا عنه صارت خشيبوووون

اقتباس:

---

المشاركة الأصلية كتبت بواسطة ابومحمدالزوبعي

ههههههههههههههههههههههههههههههههههه
:d:d:d:d:d:d:d:d:d:d:d:d:d:d
يعني بدل أم 18 الي رفحاوي كان يقول لنا عنه صارت خشيبوووون

---

اعتذر من الاعضاء ولي عوده للردود
لكن صراحه
صراحه
http://dc11.arabsh.com/i/01720/gs0p5c1pvlxv.gifhttp://dc11.arabsh.com/i/01720/gs0p5c1pvlxv.gifhttp://dc11.arabsh.com/i/01720/gs0p5c1pvlxv.gifhttp://dc11.arabsh.com/i/01720/gs0p5c1pvlxv.gif

شفتوا شلون

اقتباس:

---

المشاركة الأصلية كتبت بواسطة ابومحمدالزوبعي

ههههههههههههههههههههههههههههههههههه
:d:d:d:d:d:d:d:d:d:d:d:d:d:d
يعني بدل أم 18 الي رفحاوي كان يقول لنا عنه صارت خشيبوووون

---

هلا بالغالي والوافي تضحك بالجنة يارب

من يتهيا له خشيبون ويرفض ما اتوقع ان رفحاوي يعيي؟

حتى انت يا ابو محمد ان شاء يرزقك بخشيبون كخشيبون رفحاوي

طبعاً على سنة الله ورسوله هاا وش قلت ؟

وش تشور علي يابومتعب ؟
<< يعني ماهو رأيك ؟

تم تهكير الموضوع هههه

رأيي انك تعقلها وتتوكل وتبحث عن أقرب خشيبون ههه

والله يولد تراني ذال ويقولون الجدران له أذان
خاف أفلس من أم العيال ويخرب بيتي خخخخ ولا أحصل خشيبون ههههههههه

أصمل يا ملا الغنيمة ومن سأل ما تاهـ

شف ابو نايف صمّل وعرسه بثالث عيد

مهو بأحسن منّا تلاحق عمرك تر بك كبر ههه

والله مادري يابومتعب أبي أفكر

:-/
:-/
:-/



:-/
:-/
:-/
:-/
:-/
:-/
:-/
:-/

:-/


:-/

:-/
:-/
:-/
:-/
:-/
:-/
:-/

فكرت وقررت لا لخشيبوووووووووووووون [-(

أهاا
ابو نايف أعرس
وأقول راعي محطة المعيزيلة يقول
بابا هذا فيه واحد نفر يجي يقول (( مافي يمر هنا خشيبون ))
فاهم السالفة غلط الله يصلحه

ابو نايف ترى خشيبون
خرافة خرافة

لاتصير زي اخوياك اللى فوق طاروا بالعجة ؟ .؟

أبو متعب
المرة الجايه
أبى اقص عليك البنت اللى أمه حمامة
بس ماتصلح فيها اختلاطhttp://rafha.galaxisweb.net/vb/images/smilies/04.gif

ابو محمد...بكيفك ان سافطن لك وربيع النفس خشيبونها

عروووبهـ.... ان غداً لناظره قريب ننتظر بكرى ان شاء الله

أجل انت الي ضيع أبونايف
لا لخشيبوووووون

<< عنده ناس هههههههه

جاك الحبرتي يرتي وش تعشيه؟

احد يعرفها؟ (:

اقتباس:

---

المشاركة الأصلية كتبت بواسطة قنـاص رفحاء

سجلت دخولي فقط لكي ارد على هذا الموضوع الرائع والممتاز جداً

الف شكر لك ياعروبة على الموضوع الرائع جداً

تم الحفظ بالمفضلة

---

يسعدنى أخي
وجزاك الله خير على كلامك الطيب
وحيـــــــــــآك

http://backgnd.jeeran.com/broad14.gif

اقتباس:

---

المشاركة الأصلية كتبت بواسطة عبدالله المروب

هههه ،، عز الله ضحكت الياما قلت بس ــ قصه رائعه تستحق الشكر 000

---

تضحك بالجنة
والعفو
حيــــآك

http://backgnd.jeeran.com/broad14.gif

اقتباس:

---

المشاركة الأصلية كتبت بواسطة ابو متعب

منهي المذكورة بالنص "ام سالم"

---

هذي على حسب علمي
عصيفير طوير صغير
صوته جميل

ويقال له ملهي الرعيان

ماتسمع بالمثل القائل (( فلان ملهي الرعيان ))

حيـــــــــــآك

http://backgnd.jeeran.com/broad14.gif

اقتباس:

---

المشاركة الأصلية كتبت بواسطة ابومحمدالزوبعي

أجل انت الي ضيع أبونايف
لا لخشيبوووووون

<< عنده ناس هههههههه

---

وشكله مايجي العيد
الا الاعضاء كلهم
على اربع وعلى ثلاث:d
انت ماشفت موضوعه اللى منزله:i

اقتباس:

---

المشاركة الأصلية كتبت بواسطة أشـــوفك حلـــم

جاك الحبرتي يرتي وش تعشيه؟

احد يعرفها؟ (:

---

اسمعبها ولا عرفها
لكن نلعب
أعشيه رز

.

قصة اليوم

يقولون ياطويلين العمر والسلامة
يوم الدنيا تحكي <<< أبى افهم متى الدنيا حكةhttp://rafha.galaxisweb.net/vb/image...ies/crz_30.gif

كان فيه عرب وكان فيه بيت شعر تعيش فيه مرة وبناتها وبنت زوجها
المهم كالعادة مرة الأب الشريرة
كانت تلبس بنت رجلها خيشه والبنت كانت دايم تصبغ وجهها بفحم وشعرها منكوش
وشكلها يجيب الهم
وتسوي نفسها (( خبله ))

أيه <<< عاد هنا يتنهدون ويحك أذنه وأنت فاتح فمك تبي القصةhttp://rafha.galaxisweb.net/vb/images/smilies/28.gif

وأما بنتها فكانت دايم تزينه وتلبسها وتحاول تخليها شين ماصار
مير زي ما يقولون ( الزين زين ولو قعد من النوم والشين شين ولو تغسل بفيري << فيري لزوم التطورhttp://dc11.arabsh.com/i/01720/gs0p5c1pvlxv.gif

وفيه يوم من الايام
جتهن دعوة من الشيخ
مسوي عزيمة لأن وده ولده يشوف بنات القبيلة حتى يختار زوجه

وقامت زوجت الأب تزين بنته وتزكرشها
جتها بنت رجله وقالت: ياخالتي طلبتك أبى أروح معكن للعزيمة
قالت: له له وأنتي وش تبين بالعزايم يالخبلة
مابقى إلا هي http://www.pic.7bebtte.com/data/thum...th_2mo5pow.gif
أنثبرى بالبيت وأنا وأختك نبي نروح للعزيمة يمكن يشوفها ولد الشيخ ويتزوجها
قالت : والله ياخالتى بس اقعد بعيد أبى تفرج
قالت أسمعي الحين نبي نروح أنا وبنتي : وأنتي ألقطي الرز ويا ويلك أجي وانتى ماجمعتيه
وهي تأخذ حفنة رز وترشه بالقاع . .
وهن يروحن للعزيمة وتقعد هي تلقط بالرز

شوي إلا صوت حمامه
التفتت البنية وقالت هلا هلا بأمي
طبعا الحمامة هي اللي ربت البنية <<< والله من الصواريخhttp://rafha.galaxisweb.net/vb/images/smilies/04.gif
ولا تجي إلا لما الشريرة وبنتها مايكونن بالبيت
قالت وين خالتك الشريرة
قالت راحن لعزيمة الشيخ
قالت وانتي ليه مارحتي
قالت عيت مرة ابوى وبعدين شكلي يخرع
قالت أمها الحمامة ولا يهمك
وهي تروح : تحممها وتمشط شعرها وتجيبلها ثوب يهبل هبلان
يوم سبحان من صورها
وهي تطلع هالكالبنت اللي ماصارت
قالت أمها أسمعي أذا خلصتي من الرقص هذي حفنة ( فلفل وحبحر )
رشيه على المعازيم واهربي . .

راحت وحضرت الحفلة
وهي تطب بالملعب
الله يجيركم
وتقوم تلعب بالشعر كنه الشلال
وهي تفضخ قلوبهم منين طلعت عليهم هالقمرhttp://up.z7mh.com/upfiles/fqS99290.gif
يوم خلصت رقص
وهي ترش الفلفل والحبحر
ويقومون الناس صياح مايشوفون ويعاطسون
وهي تهرب
ولكن وهي تركض طاحت نعلتها<<<< تررارا مؤثرات صوتيه له له طلعت سندرلا http://dc11.arabsh.com/i/01720/gs0p5c1pvlxv.gif

ورجعت للبيت وتلبس خيشتها وتصبغ وجهها بالفحم
يوم أرجعت مرة أبوها وأختها
سألتهن عن العرس
وهن يسولف لها عن البنت المزيونة وياصفن زينها

الحرس لقوا النعلة وأعلن ولد الشيخ البنت إلى تقدها النعلة ستكون زوجته

ومن بكرى داروا على كل القبيلة
لين وصلوا بيت الشريرة
تحاول بنتها الخبلة تدخل رجلها يمين يسار ولا قدرة<<< تبطين أن الله رادhttp://rafha.galaxisweb.net/vb/images/smilies/04.gif
قالوا به احد غيركن
قالت مآبه إلا فلانة الخبلة
قالوا خليها تجي
قالت خبله
قالوا الأمير قال الكل
وهي تجي
ومن حطت رجلها يوم طابقت النعله
وهى تصيح مرة أبوها
وهم ياخذونها الحرس

وزينوها ولبسوها
وهي تطلع أحلى من يوم الحفلة

وزفوها على ولد الشيخ
وجتها بأحد الأيام مرة أبوها
وقالت يافلانة انتى وش اللي زينك
قالت اللي زينن عصيدتك الى تعصدينها لي
وحطي فيها بصل وثوم <<< أبوك يالخلطه لاوالله الا راحت فيهاhttp://rafha.galaxisweb.net/vb/images/smilies/04.gif

يوم سمع اخو الشيخ بجمال مرة أخوه
قال أبيكم تخطبون لي أختها

قالوا خبله وما تنفع قال عاد مآبي إلا هي
وهم يخطبونها ويحددون موعد الزواج

والشريرة كل يوم تعصد عصيدة وتجحر بحلق بنتها الخبلة
كل يوم على الحال لين جاء موعد العرس

وهي تزين بنتها
ويوم جاء العريس وزفوه
وهي تصك راسه ريحة الثوم والبصلhttp://up.z7mh.com/upfiles/sLr99290.gif

فطيس مو عروس
قال اسمعي الله لايبارك فيك
خوذي خيشة الذهب وطسي لأمك
لابارك الله فيك وفأمك

وهي تروح الخبلة وخيشتها فوق راسها تجر أذيال الخيبةhttp://up.z7mh.com/upfiles/WpO99290.gif

وتوته توته خلصت الحتوته