يكفي غيابك من الا يام سارقني
[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
يا سيد الجرح علمني وش الطاري =خليتني للسنين الجرد تطرقني
مابين كف الضياع وخطوة الساري =ولعة راس الفتيل وقام يحرقني
يكفيك ليل الغرام وقلبي الشاري = ويكفي غيابك من الا يام سارقني
ما عاد يمدي صباح الخير يااشعاري= الموج عالي واخاف اليم يغر قني
يا اول مسا فات عمري واخر اقداري= على رصيف انتظارك لا تعلقني
مااطيق بعدك ولا ني للجفا ضاري=خذني معك روح غربني وشرقني
حلمٍ يجي بالمنام ويفضح اسراري= ما كنه الا نذير الموت خانقني
حتى لو الطيف يسالني عن اخباري= لا مد حبل الوصال ولا هو اطلقني
حطمت فيني طموح الوقت واصراري =سبقت الا وهام والا وهام تسبقني
حاولت اساير نزيف الجرح واداري =حسبي على الجرح نطقته ونطقني
مليت اصبر سكوتي واسال اعذاري =واقول باكر رماد الجرح يعتقني
عزفت لحن الحزن كله على اوتاري= والمشكله لا نسيتك جيت تلحقني
الله وكيلك تعبت وتاه مشواري= ياترحم الحال والا انك تفارقني[/poem]
الا هداء للجميع وصراحه رد الاخ بديع ماخلا مجال للتردد
