عرض للطباعة
أخواني إدارة المنتدى ...
ممكن سؤال ...
اللي يبي يصير مشرف على أحد الأقسام وش المطلوب منه ؟ !!!!
طبعا غير :
1 / ملف علاقي ..
2 / خبرة في الأنترنت لاتقل عن 200 سنة .
ملاحظة :
أنا معي واسطة قوية تهز .. هز
تدرون منهو الواسطة ؟
الدب الداشر ..
ترى إذا ماحطيتوني مشرف أخلي الدب الداشر يحطكم مع القائمة اللي أعلن عنها بتوقيعه ...
دبدبوبي الحبوبي : جب البشت وأكشخ به نبي ننصلق على الإدارة غديهم يوظفوني عندهم ..
عن جد ياحضرات المديرين ...
وش المطلوب من الشخص اللي وده يصير مشرف ؟ !!!
سوعال مهم يا اخ نادر بس دورلك واحد(ن) تفزعبه غير الدب
[align=center]وعند الاخوة المشرفين في الخبر اليقين[/align]
الدب الداشر يا رضي صرت مشرف وانت واقف ...
بس وش تبي بالاشراف ؟!!
خلك حر كل يوم بديرة وتغرد على كيفك (طبعا بحدود) ...
حجي ناااااااادر
أنا مطلوب بالمنتدى أنت إذا أفتكيت مني ترااك بخير صدقني
((وبعدين الإشراف إرتبااط وبلشه بالنسبه لي أبغي مثل ماقاال الحجي رفحاوي أصر حر و "أمقّس" على كيفي لأن خطأ المشرف أكبر من خطأ العضوووو))
وصر كويّس ويقيناً تصير مشرف
يالله ورنا ركضك
أخي أبو مشعل :
الدب هاليومين صاير مثل قوات حفظ السلام ..
يعني مسوي هيصه وليصه على مايقولون ..
بس هقوتي أني أبي ادور واسطة غير دبااااااااان
الأخ الصريح ..
يبدو ان المشرفين ( الإدارة ) مطنشين ..
بس عسى الله يجيب مطر
أشكر لك مرورك
هلا أخي رفحاوي
أقسم بالله العظيم لو يعرضون علي الإشراف ماأوافق ...
لكن انا كتبت الموضوع بشكل عام وتكلمت عن نفسي حتى يردون علي الإدارة لكن للأسف .. إلى الآن مافيه رد منهم ..
أشكرك أخي الكريم
نادر
خلااص جب ملف علااقي وأربع صور 4*6 مكشوف الرأس بعدين نرسلك على الجرواني يسوي لك فحص ((فحص عسكري))
وأبشر بالواسطه اللي تسكر الجوال قبل التقديم بليلة هع هع هع
دبدوبي
إذا على الجرواني من هالحين أنا ناجح ... >> أعرفه زين <<
بعدين لو تقفل الجوال تلقاني مرابط عند باب بيتكم والله ما أخلي كندي وجود وبيت الشاورما وكرمال يجونك ...
تحياتي ياغناتي
ليه كل هذا ايها النادر تبي تذبح دبنا من الجوع
يعني على شأن انك عارف انه مايصبر عن الاكل
تمسكه مع يده اللي توجعه حرام عليك
والله يا نادر ما بها من الطربات شىء طع شور دبدوب وخلك حر طليق امقس على وجهن اصبح
بس الظاهر فئة يحبون السلطه بسكون الام لكن ربك ابخص
توّك صدت الوااسطه
((لاتنسى الفرسان ترى عندهم برستد يجنن))
أخي أجا وسلمى .. وش أسوي ياخوي ؟ دبدوب ماينفع به الا كذا ..
مشكور يالغالي على مرورك
أخي العزيز : المحارب
والله أدري أن مابها من الطربات شيء ..
أقرأ الرد التالي :
اقتباس:
المشاركة الأصلية كتبت بواسطة نادر
مشكور يالغالي .. ومثل ماقلت .. مافيه أحلى من الحرية
دبدوب :
أبشر والله بسعدك ..
بس ياليت تعطي المطلوبين مهلة شهر يمكن أحد منهم يسلم نفسه ..
عزالله انك تمون يالناادر
الله يعطيك العافية دبدوبي
بس ترى أنا ( نادر ) وليس ( النادر ) لأن ( النادر ) شخص آخر عزيز على الجميع
يالله دبدوبي .. حدد بداية المهلة للمطلوبين ..
أبي أعرف حاجة وحدة بس !!!!
ليش الإدارة ماردوا علينا ؟ !!!!
السبب أحد ثلاثة احتمالات :
1 / الموضوع تافه ولايستحق أن يردوا عليه ..
2/ غير متواجدين في المنتدى لأسباب مختلفة ( سفر ــ مشاغل
3 / كاتب الموضوع مامعه واسطه ..
صراحة بدأت أفقد الرغبة في كتابة مواضيع هنا ...
للمرة الأخيرة .. أتمنى أن أجد ردا شافيا من الإدارة ..
ياناس أنا قلت لكم مابي أصير مشرف ...
بس الموضوع كتبته بشكل عام لكل واحد لديه رغبة بالإشراف ...
هع هع هع
حجي ناادر ما تبي له مطوّع هالساالفه صر كويّس وعضو فعّال وتصير مشرف
<<=== مسوي حاله من الإدااااره الدب
يادبدوبي ياحبوبي
ياخي قلت لكم ما أبي أصير مشرف عووووووووووووووووع
بس هالحين أبي أعرف ليش الإدارة ماهم معبريني ؟ !!!!
إلى الآن أنا ماسك أعصابي وماودي أغلط على أحد .. بس ليش هم شاطفين ؟
هع هع هع
والله انهم أشنااب هع هع هع
(((وجهة نظر)))
سيااسة طنش تعش تنتعش
دبدوب ..
الظاهر الإدارة نايمين في العسل ..
بعذرهم .. الحر هاليومين يخلي الواحد مايقدر يوطوط ..
دبدوب .. إذا ماردوا حطهم بالقائمة .. ترى مالي الا الله ثم أنت يالواسطة
هع هع هع
أبشر والله
أفااا تطلبن ولا اطيعك
يا حيفك والله
الا بحطهم لعيونك وبحط المحافظ معهم
تحيااتي
الاخ العزيز / نادراقتباس:
المشاركة الأصلية كتبت بواسطة نادر
لااعلم ماذا تريد تحديدا والحاحك هو ما جعلني ارد انت لاترغب بالاشراف وكذلك انا وكثير من الاعضاء وبدون ان تحلف
اتحدث معك عن نفسي سوف امارس عملي بالمنتدى كعضو ولااكترث للالقاب .
(( الحل سهل جدا ارسل طلب للمشرف العام .. فهو صاحب الصلاحيه ))
اخي نادر لولا انك اقسمت لعرضت عليك معرفي وتكون اسديت لي خدمة العمر .
اقتباس:
المشاركة الأصلية كتبت بواسطة الافندى
ياهلا وغلا مشرفنا العزيز ..
أخيرا واحد من المشرفين عبّرنا وعطانا وجه .. >>> دبدوبي الحبوبي الأفندي استبعده من قائمة المهددين <<<
أخي الأفندي :
أنا أعرف عدد كبير من الأعضاء هنا ( أعرف أسمائهم الحقيقية ) وبعضهم سأل عن موضوع الإشراف وكيف يمكن للشخص أن يكون مشرفا ولكنهم لايرغبون في كتابة ذلك ( لأسباب خاصة بهم ) وحبيت أني أكتب الموضوع لعلي أجد أنا وهم جوابا من الإدارة .. ولكن للأسف لم يأتينا رد .. وكل يوم يسألوني ليه الإدارة شاطفين موضوعك ؟ وما أقدر أرد عليهم ..
ولكن أنا عرفت لماذا الأعضاء الذين أعرفهم لم يكتبوا هذا الموضوع ..
تدري ليش .. لأنهم قديمين في المنتدى ويكتبون من زمان ولذلك ( هم يبخضون الإدارة زين ) وربما كانوا يعرفون أن الإدارة لن ترد على هذا الموضوع ، ولذلك أرادوا أن أكون أنا في الواجهة لأنني عضو ( ماكملت شهرين هنا ) وحتى لايفقدون مكانتهم أمام بقية الأعضاء ..
عموما أخي الأفندي .. صدقني أنا أعزك معزة خاصة ( ولعلمك أني أعرفك معرفة شخصية ) وأشكرك على تجاوبك مع الموضوع ..
أما الإدارة فـــ !!!!!!!!!!!!