مجموعة قصاائد لمتعب التركي

[align=center]روائع الشاعر العذب والمبدع متعب التركى هناااااااااااااااااااا

--------------------------------------------------------------------------------

اليكم ماستطعت ان اجده للشاعر العذب متعب التركى واتمنى ماكون قصرت عليكم بشى
القصيده الاولى هى (( هب الهوى ))




هب الهوى غرب واجتاح الضلوع وشعرت() إن الليالي الجميلة هب iiنسناسها
مدري كبر حلمنا ولابعيني iiكبرت() والاهي اوهام ودي يصدق إحساسها
تنساني أيام وتجيني متى ماذكرت() اليامتى وانت روحي حابس iiانفاسها
كنت أجمل احلام عمري بس ليه iiانكسرت() يازين الاحلام iiلوماينكسرباسها
بيديك مديت لي كاس المحبه iiوصرت() أنا اول اللي يذوق المر من iiكاسها
من يومها وانت قدام عيني iiولوماظهرت() دايم وعيني تشوفك بين جلاسها
قدرت ولا على نفسي معك ماقدرت() لازاد عنها غيابك زاد iiوسواسها
لوشفت حال الورق والشعرعقبك iiعذرت() اللي حرق صفحة الماضي iiوكراسها
ماكنت اصدق يجي يوم ابتسم iiلانظرت() أطلال ركب الليالي مر ii..ماداسها
والاأنت لوقلت لي نادم وجيت iiاعتذرت() كان اجمل ابيات شعري ينحني iiراسها
مافيه داعي توصيني تراي iiاعتبرت() فرقاك ذكرى وشعري علق iiاجراسها
يكفيني البارح إني في عيونك سهرت() وقفت بين العيون السود وانعاسها
إن رحت ماأنت اول اللي راح وان حضرت() قلت الليال الجميله هب iiنسناسها
[/align]

.
.
.
.
اليكم القصيده الثانيه بعنوان ((لا تنشغل فينى ))



لاتنشغل فيني أنابحالي ادرى () قلبٍ تعلّق فيك ينسى مع الوقت
اكثرمن اللي صارلي ويش يجرى ()بين الرجاوالياس فكري تعلّقت
مثلي ولوشفته عن همومه ازرى () ماقال ليتك في جروحه ترافقت
هاك القصايد لاتضايقت واقرى () شف وشكثرفيها لبسماتك اشتقت
أثرالوفا ينباع عندك ويشرى ()ماكنت اصدق فيك واليوم صدّقت
يامشتهي فرقا المواليف حذرى ()تبعد وأنا من سكرة الحب مافقت
لاطافت الفرصه تحريت الاخرى ()وتروح ماكني عليها تشوقت
ساري لو إن الليل مافيه قمرى () اشيل من حمل الهوى فوق ماطقت
لاصارحظ أقشروالايام قشرى ()مافيه احد عاقل يلومك إلياضقت
صحيح بعض الناس فرقاه بشرى()وبعض البشرلاغاب ليله تضايقت
ليتك خذيت بليل الاحباب مسرى ()غربت من كثر الطواري وشرّقت
السيل يبقاله على القاع مجرى ()ويبقالك التذكارلوكنت فارقت
اشوف لك من وين مارحت ذكرى()ولاشفتها صديت عنها ودنقت
ماكل جرحٍ لاخذا أيام يبرى ()بعض الجروح يزيد شره مع الوقت

إليكم القصيده الثالثه بعنوان (((قالوا حبيبك )))




قالوا حبيبك يسمع الشعر قلت إيه () يقراه بعيوني قبل تسمعونه
لولاه حتى طاري الشعر مابيه ()ميراكتبه من شان خاطر عيونه
هو روح شعري وامنياته وماضيه()جذع الشجر وش كان لولا اغصونه
اكتب لغيره والقصايد تجي فيه ()كن القصايد حالفه ماتخونه
هذاك لامنه زعل قمت اهاديه ()حتى وهو مخطي تعذرت دونه
يمكن لوانه يلمس الجرح بيديه ()يستغرب ان اللي لمسها طعونه
ابطى وهو غايب وزلت حراويه ()وأنا من العام اتحرى مزونه
هومادرى اني في غيابه محاتيه ()ليته نشّدعن حالي اللي يجونه
وقلبي اللي توه افلت عراويه ()كيف انسرق وضلوع صدري حصونه
عجزت ارده كن ماني براعيه ()يوم انتثر شوقه وهاضت اشجونه
يبسن عروقه لكن اللي يعزيه ()ان اكثر العالم تردد لحونه
خافوا من الله لاتجيبون طاريه ()لاصرت انا موجود لاتذكرونه
لو كل غالي جابه الله لغاليه ()ماشفت لك مخلوق تبكي عيونه


.

.
اليكم القصسده الرابعه ((( توديع الاحباب)))




توديع الاحباب مثل الموت له سكره ()ادمي جروحي وشق الصدر منيّا
والقلب طيرن ضلوع الادمي وكره ()لاشاقه الطلع لاسلم ولا حيّا
مصير الاحزان تنساني تفتكره ()ماكل الايام بيض وسمحت محيّا
قل غيرها منت لامجبر ولا مكره ()لاصار ماهو غلا مابيلك احميّا
لوفي يدي شي ماقلت الوعد بكره ()حزمت حدب الضلوع وقلتلك هيّا
لوكل غالي تجي دايم علي ذكره () ماصرت اشوفك هناك وحبك هنيّا
ياليتني لابغيت اكره قدرت اكره () ماكان قلبي اللياجيت اكرهك عيّا
مادامك معيف رح لكن علي فكره () ماقلتلى ليه دمعك سال منيّا

.
عنوانها (( دليل المحبه ))




دليل المحبه شوف عيني عليك تغار () ولاودي الحاسد عيونك يطالعها
مع إنك رحلت بعيدلكن بقى التذكار () لياشافته عيني تسابق مدامعها
دفنت الغرام بخافقي والقلوب أسرار () مشاعرهقيت إن الليالي تضيعها
فرحت برجوعك ماطلبت لخطاك اعذار () ونفسي نست ماجرى من تواضعها
تهادت مشاعرخاطري لك بلا معيار () تجاهلتها لوكنت خابر دوافعها
يقولون جنّب درب مالك معه معبار () يلومون نفسٍ بعدالاحباب موجعها
يقولونها قبلي يخون البحربحّار() والآمواج لاهاجت خذت ماتبي معها
تكاثرت منك الصد وأثرالعلوم كبار () لقيتك على نفسي تقلّب مواجعها
اقوله وأنا اللي شفت ذاك الغلا ينهار () يشوف الندم رجّال نفسه يطاوعها
مثل ماضرب جّوٍ خلاغادي محتار () يدّوج ورجله مادرى وين موقعها
تعرض سموم القيض والدارمامن دار () هليك وشعربالموت روحه ينازعها
جحدت الغلا لين امتلا بالخفوق وثار () قصايد عساها اليوم تطرق مسامعها
غرامك مثل نارٍ حطبها الغلا النار () تموت وغلاك اللي بقلبي يولعها
غلاك بضميري واضحٍ ماعليه غبار () تشيل الغلا نفسي وأنا عاجز امنعها
يقولون ماودعّك : قلت الفراق وصار () والإنسان روحه تنسلب مايودعها !
هذيك الليالي وين أثرالزمن دوار() خذاها ولاظني زماني يرجّعها
طوتها السنين ولابقالي سوى التذكار () لياشافته عيني تسابق مدامعها

.

(( أبسط أحلامى ))




ماقلت لي شي وش خليت ماقلته (
)اسكت وخل الكلام لجرحي الدامى
لوغيرك اللي يسولف ماتحمّلته (
) لكن على شان عينك هانت ألامى
للحب مفهوم عمرك ماتخيلته (
)ماأظن يستوعبه تفكيرك السامى
هذا الفراق الطويل وهذي أسئلته (
) هذا حصاد السنين وهذي أيامى
ياما وياما عليك البال طولته (
) والعمرعدى وأنا عايش على أوهامي
حتى طريق الفراق اللي تساهلته (
) لقيته أصعب على نفسي من أقدامى
اصبرلي شوي لودمي تثاقلته (
) بحاول أستوعب اللي صار قدامي
الحب ضحكة بعينك بس ماطلته (
) عمرك بهالكون شفت أبسط من احلامي!
القلب لوماخفق لك كان ماشلته (
) ولوماأنت ملهم قصيدي جفت أقلامي
هذا قصيدي بعينك لو تجاهلته (
) ينزف على شأن يروي قلبك الضامى
العام طاري غيابك ماتقبلته (
)واليوم حرماني أصبح مصدر إلهامى
لاتعتذرلي وابنسى كل ماقلته (
)وش ينفع العذر لامن ضاعت أيامى ؟


.
.
.
.
(( وللقصيده بقيه تمعّنوا بها طويلا ربما لن تفيقوا من سكرت الشعر بعد الأن ))

لى


.



.


لكم

.
.




لها

.



.


لنا جميعا متعب التركى

سوف اعود لكم عندما استفيق من سكرت الشعر

نعود مع المبدع متعب التركى و (( خيل القصيد ))

--------------------------------------------------------------------------------



ليه وطيت عن خيل القصيد السروج ()ليه مديت لي عقب القراح الهماج
لاتكملي الغلطات والعوج عود () يضحك حجاج ولاينعقد لي حجاج
إصبرشوي وشعلمك تهوج وتموج () ميت القلب مثلك مايعرف الهياج
ماتعودت اجامل معتلين البروج ()الزم العلم قبل يصير هرجك سماج
المشاعر تجي مثل المعاصيرهوج () وانت مالك على هوج الرياح احتجاج
جيت وقلوب حسادي تهيج وتروج () لاصفا جوهم ساعه قفاه العجاج
ابتسملك وهمي فوج يقفاه فوج () من يحبك لزوم يصير مثلك هجاج
بس قلي وانا غلطان لك ومحجوج () وين يلقون لجروح النواعس علاج!!
القمرغاب وأنت اطفيت نور السروج ()قلت يكفيك نورالوجه لا اصبح سراج
كن بين الضلوع العوج صفقات موج () يوم فاض الغلا والشوق والقلب هاج
ضيقة الصدر لو بين المحاني تلوج () كل ضيقه لها عند الكريم انفراج
ماهوالغيظ سبة كل ابو هالهروج () بس مالي على بعض السوالف مزاج



.

مقتطفات من روائع متعب التركى




لك بقلبي غلا واعجاب ماهو بزايل () لو عن الارض زال طويق والا سنام
كن دمع العيون اللي على الخد سايل () صافي الما وهو يسقى ورود الخزام
راوي العود لاقاصر ولاهو بطايل () ينعرف زولها لو هي بوسط الزحام
ضحيت بالواقع على شان الاحلام () وضحيت بالغالي على شان غالي
حتى الغرام اللي كسر قلبي العام () ماني بحاله كان ماهو بحالي
ماينحسب عمر البنادم بالاعوام () بعض السنين نعيش فيها ليالي
متى ذكرتيني على شان تنسين () خليك مره صادقه وانصفيني
في وقت واحد تكرهين وتحبين () انا تعبت استحملك واعذريني
حبٍ سرق من عمري ايام وسنين () مثل الهوا مايمسكنه يديني
احلى سنين العمر راحت هدايا () لك يامجازي بالردى راعي الطيب
لي في حياتك ذكريات وخفايا () تبقى ولو باكر غزا راسك الشيب
ولا الوفا ماله بقلبك بقايا () عند الذي مثلك اظن الوفا عيب
ياليت مجروح الهوى جرحه يشاف () لقول قرب من جروحك وشفها
اليا نشدوك العرب وش بينك وبيني () قولي حياتي قصيده ..كان شاعرها
علمتني وشلون اصير انعزالي () واخذت مني راحة النفس والبال
اتعب وغيري يجي ياخذ على الراحه () من حظ غيري وانا اللي زارع وساقي
البسي لك ثوب غير اللي عليك () من لبس ثوب الغرور اكبر غبي
تحسبين الناس خاتم في يديك () من متى والعاطفه توخذ سبي
فز لك قلبي وانا قمت احتريك () والكريم يصير لضيوفه صبي
قبل اسافر وتنسى جيت اسلم عليك () جيت أبى عمرى اللى إكتشفته غدا

والقصيده بعنوان (( قبل أسافر )) على فكره القصيده وجدتها بالمنتدى من الاخ المهم هو من قام بوضعها


.



قبل اسافر وتنسى جيت اسلم عليك (
)جيت ابي عمري اللي اكتشفته غدى
ضاعت اجمل سنيني من عمايل يديك (
) اكذب ان قلت راحت لاجل عينك فدى
فرصة العمر قالوا لا غدت ما تجيك (
)جتني اكثر فرص عمري وضاعت سدى
جرب الخوف مره حس به يعتليك (
)وارفع الصوت ماتسمع لصوتك صدى
تدري اللي ذبحني قولتك ما ابيك (
)مابقالي لثاري لو بغيته مدى
ما هقيت المشاعر كلها ترتجيك (
)قل لها بالمفارق منهو اللي بدى
هاك دمعة عيون(ن) باكيه تشتكيك (
)هاك ريح ضمير(ن)ما استراح وهدى
ما تناظر عيوني زول هذي وذيك (
) ما يهز المسامع اسم ريم وهدى
قلت ماعادلي رغبة وشوفات فيك (
) قلت يا نفس طيبي يفرحون العدى
قلت عايف ونفسي بالخفا تشتهيك (
) عزة النفس تدري طيب ما ردى
خل عينك تهل دموعها وش عليك (
) انت خدك ورود ودمع عينك ندى

والقصيده بعنوان (( مرفوض ))




مرفوض ياللى بعت غيره عشانه () أزريت عن رد الجزا أو تهاونت
مابي لك أكثر سد باب الميانه () بانت مع الوقت الخفايا وبينت
مادام مالى وسط قلبك مكانه () أنا بعد مثلك عن الحب هونت
أنا مثل خيال خانه حصانه () عذره يقول من الرسن ماتمكنت
غرّه مع المركاض وارخى عنانه () مخطى وانا غلطان يوم انى امنت
لو كنت وافى ماتخون الامانه () ياللى تقول تشيب روحك ولا خنت
ذاك الهوى لو ماشعرت بحنانه ()ماكنت فى حلو القصايد تفنّنت
شاعر تزلزل من فراقك كيانه () لك يعترف مايسكن القلب غير انت
لو كان قلبك صافى الود خانه ()فى ذمّتى ماهان حبّك ولا هنت
أحدٍ يخون وواحد الوقت خانه () أنا ترى الثانى وألاوّل تراه أنت ؟

يوم طاب السهر عيّت تطيب النفوس (
) جت من الله وانا كم كنت محتاجها
كنها من حلاها كل ليله عروس (
) خايفه من عيون الناس واحراجها
حى هالطول يازولٍ عساه محروس (
) من عبث لوعة الايام وازعاجها
تزعل نفوس والا تمتلى غيظ روس (
) من يقرّب لها وضلوعى سياجها
لامتى وانت ياشوق القلوب محبوس (
) طالب السالفه وابطيت بعلاجها
جعل قلبٍ على نار الغياب محموس (
) يحترق بين صاليها ووهّاجها
من خبر له غلا بين الضلوع مغروس (
) غرسةٍ كلبو شعرى من انتاجها
لاتقرب لك الفرقا هذيك الهجوس (
) ( من متى والبحور تفارق امواجها )
لازم اصبر على وجه الزمان العبوس (
) لين سود الليالى يضحك احجاجها
من بغى يقطع الفرجه يعاف الجلوس (
) لين ياصل نهاياتها ومخراجها
كان شعرى قصر ماطال شمس الشموس (
) تستريح القصايد داخل ادراجها
هذا الخبر صدمه وحزن وعلامه (
) على محبّة كل الامه لـخطاب
هذا الخبر والهم هذى خيامه (
) شرّع للأحزان النوافذ والابواب
ألحقت من جاب الخبر لى ملامه (
) صعبه على الانسان توديع الاحباب
البارحه غابت عن العين قامه (
) قامة رجل زلزل قناعات واحزاب
ترجّل الفارس وذب العمامه (
) واستقبل الموت بحفاوه وترحاب
ترجّل بصمت ووقار وصرامه (
) حتى وفاته شى يدعو للأعجاب
من يعتبر فقدان كفه وسامه (
) أكيد ماهو لحظة الموت مرتاب
وجه واهو مسجى بدر فى تمامه (
) ميت ولكنه واهو ميّت مهاب
أومت له كفوفٍ تمنّت سلامه (
) بكته الامه قبل تبكيه الاقراب
خطاب ماهو بس رمز الشهامه (
) خطاب نجمٍ فى سما الامه وغاب
حر شهر والطلع دار الكرامه (
) والحر مايعنيه تحليق الاسراب
فعله فرض على الجميع إحترامه (
) واسمه ملا الدنيا بطوله واهو شاب
ماكانت الدنيا مثار اهتمامه (
) بالعكس كان لنصرة الدين وثاب
لو كان يبحث عن نفوذ وزعامه (
) كان امتلا صدره نياشين والقاب
الاخره كانت على طول امامه (
) فى هالزمن خطاب واشباهه اغراب
اختار بديار الجهاد الاقامه (
) ومن كان هذى رغبته لازم يثاب
واختار بالاسلام ذروة سنامه (
) الصبح ساحة حرب والليل محراب
يكفيه فخر ان الشهاده ختامه (
) ماحسّب لدنياه ولعمره احساب
يارب تغفر له وترفع مقامه (
) وتعظّم أجر إمة محمد بخطاب
هذاك عبدالله ليا طوّح السيف (
) وقام يتلامع بين اصابع سموّه
برقٍ من عالية نجد للسيف (
) كلٍ يخيله ويتباشر بنوّه
ولى عهد المملكه سمح ومخيف (
) سمحٍ على شعبه مخيف لعدوّه
يشوف من عاداه له شى ماشيف (
) ونشوف به حنّا حنان الابوّه
مثل الجبل ماشال هم العواصيف (
) مثل البحر حتى هدوءه يتوّه
نسل الزعيم اللى نصل سيفه رهيف (
) اللى قبس من مشعل الشرع ضوّه
عبدالعزيز اللى على امته ريف (
) مامات لين احيا شعور الاخوّه
لولاه ماصرنا ربوع ومواليف (
) ولولاه حاضر هالجزيره مشوّه
من غير عبدالله يغيث الملاهيف ؟(
) يلقون فيه ضعوف الاسلام قوّه
أدناه فى عرف النشامى مشاريف (
) ويطاول نجوم الثريا بجوّه
نايف على روس الشواهيق ومشيف (
) عنده لشعبه والعروبه حموّه
ياسيدى تسلم لنا ظل ومريف (
) بينك وبين الشعب عهدٍ وخوه
اى والله أعشق سيدى مابها زيف (
) ومن لايحبه مابقلبه مروّه
((( والله لو إن الله خلق روح للسيف (
) مايركد الا بين اصابع سموّه )))

--------------------------------------------------------------------------------



هذى اللى غلاها مايبى قول قايل () هذى اسباب غيضى والرضا والهيام
هذى رسومها بين الضلوع النحايل () هذى اللى على صدر القصيده وسام
الاصايل يجنّك مثل أهلهن أصايل () والوكاد إنّها منهن بليّا كلام
يوم فلّت على الخصر النحيل الجدايل () وإستدارت خجل مدرى تصنّع غرام
عودها مال لو هى ماتبيه يتمايل () ماهو بكيفها من لين ذاك القوام
واقف وكن رجلى فوق جرف متهايل () للجمال بعيون العاشقين إحترام
قلت فى خاطرى مانى عليها بعايل () لكن القلب سابقنى برد السلام
مانى اللى حذف عند الزناد الفتايل () يومها ولّعت ناره تغطّى ونام
واجد الزين عند الحاضره والقبايل () شفت واجد ومرّنى مرور الكرام
بس هذى وصايفها علوم وهوايل () كنّها قطعةٍ من نور بدر التمام
ياكثر ملحها والا الحلا له دلايل () حورٍ عيونها والخشم سلّة حسام
تعسف الخيل ونفوس البشر تنتحايل () مير خيل القصايد مايطيق اللجام
إنتحيت ولقيت القلب مامن صمايل () كل ماذعذع الغربى من الشوق هام
ياكثر مانى من الشوق والحب شايل () من عشق مثلها وشلون بالله يلام
هذى اللى حلاها مايبى قول قايل () ماهى أول غلا لاشك مسك الختام
زى لون الطيف وألوان الفراش () الهنوف اللى شغلنى صدّها
إن بكت جا دمعها مثل الرشاش () وإن تبسّم ثغرها من قدّها
وإن حكت كن بشفايفها رعاش () الخجل عن سالفتها لدّها
والطيور اللى جفت حضن العشاش () ليتها خلّت بقايا ودّها
عقبها كل الغصون أمست نشاش () خاليه عقب الوناسه خدّها
كل قلبٍ فى ذراه الحب عاش () فيه طيبه زايده عن حدّها
والقلوب إن فارقت صارت هشاش () موحشه والذكريات تشدّها
رفرف البرق وزِمَت بيض الدشاش () وامتلا من صافى الما عِدّها
مابنيت بيوت شعرى من قشاش () ليه أخاف إن الرياح تهدّها
والهجوس اللى من الفرقا عطاش () ترقب نجوم السما وتعدّها
يوم شق النور من ليل القماش () شفت حبّة خالها فى خدّها
القصيد لمثلها ولأّ بلاش () لو تبى عمرى حشى ماردّها
ياوسيع البال ضيّقت الصدور () رحت ماعلّمتنى وين أنت سارى
فى غيابك مال خلق الله حضور () وفى حضورك مالهم بالبال طارى
ليه ماتختال يابدر البدور () والقصايد لك وصيفات وجوارى
لك بنات الفكر ربات الخدور () يكشفن لثامهن والجرح عارى
جعل قلبٍ ماملاه الصدق نور () عند وجه الريح مايلقى مزارى
التغاضى عجز لاطال القصور () ليه أدارى وأنت بالوضع دارى
الزمااااان قصير والدنيا تدور () كل يوم يضيق فى عينى مدارى
صاحبى محتاج لك شعر وشعور () وإحتياجى شى ماكان إختيارى
من متى والغصن يختار الطيور () من متى والبال يختار الطوارى
لاتسمى صمتى البارح غرور () انكسارى خلف هالصّمت متوارى
فى غياب الشمس وش ذنب الزهور () والمطر لاشح وش ذنب الصحارى
اللقا لحظات والغيبه شهور () تقصر الخطوات ويطول إنتظارى
لو قريت المنكتب وسط السطور () ماكتبت لغلطة العمر إعتذارى
صمت هالمينا مثل صمت القبور () مارسى مركب ولا لاحت صوارى
كل حاجه طعمها مر فى هذا الزمان () هم هالدنيا وحنا نعيش لهمّها
المكان اللى عرفناه ماعاد المكان () والقلوب أحداث الايام زادت غمّها
صاحبى حتى أنت ماعاد تستاهل حنان () أنت بعثرت المشاوير وانت تلمّها
البكا فى مثل هالحال نوع من الهوان () والمهونه كل رجال حر يذمّها
صاحبى لو كان للناس والدنيا أمان () ماتموت ورود الاحلام قبل نشمّها
خل عنك علوم الاحباب واللى كان كان () انتهيت وسيرة الشوق مانى يمّها
كلما تظما لياليك قمت أكتب عشان () تنزف جروحى والايام تشرب دمّها
الكلام الموحش يخاف نور الشمعدان () تحترق أسمى معانيه قبل يضمّها
من زمان أكتب علشان نقرا من زمان () بس ماشفت المكاتيب جابت همّها

إن رحت ماأنت اول اللي راح وان حضرت() قلت الليال الجميله هب iiنسناسها
صحيح دبدوب هذا البيت اللي فيه الرد المسكت ..

--------------------------------------------------------------------------------



مدرى البارحه ويش إفتكرت وسرحت () هى طوارى والا ان هموم قلبى ثقال
هى طرتلى قديم الذكريات ولمحت () زول والا الحكايه كلبوها خيال
هجّن ركاب فكرى بالمشاعر وصحت () منهو اللى تغافلنى وفك العقال
ضقت والبال عمس ومنقلب فوق تحت () هى من شوى يوم تفوح صفر الدلال
ودى افرح ومن مبطى انا مافرحت () ودى القا عن شموس الحبايب ظلال
كم سنه عقب مركوز النهد مافتحت () قلبى ولا عيونى للغلا والجمال
لو بغيت انتهز فرصات واجد ربحت () كانت اجمل فرص عمرى تنادى تعال
ماهو بعيب لازلّيت والا جنحت () منهو اللى بلغ فينا حدود الكمال
وانت ياللى عن حدود المحبه نزحت () كل ماشد لك حيلى تشد الرحال
ماشكيتك لو انى من جفاك انذبحت () وانت شف حكمة الخالق ذبحك الدلال
لا تقول انك بذاك التصرف مزحت () يوم سويت فى هاك النهار احتفال
ماهجيتك ولا كنى ابد مامدحت () كلبوهن عقب هالعشره اكبر محال
صاحبى دام انا منك وعليك انجرحت () لاتجينى على درب الخطا والخمال
تدرى انى تحمّلت الكثير وسمحت () خابر ان التسامح من كريم الخصال
ليه تفهم غلط وشفيك لبعيد رحت () ماطلبتك تشيل الهم يابن الحلال
ماشغل بالى الا يوم افكر بنحت () القصايد واحفّظها قلوب الرجال
قالوا انى بترويض القوافى نجحت () قلت اجل كيف لو بزعل وامس الحبال
لو تخوّفت من درب الخطر مافلحت () مايهاب الصعاب الا ردى العيال
عكس تيارهم شفنى جزمت وسبحت () ماحرصت انى اترك للتراجع مجال
لو طموحى قريّب من زمااان استرحت () مير خابر محلى فوق روس الجبال

--------------------------------------------------------------------------------

اكمل المشوار

لا يا علي الوضع هذا ما يناسبني=قله يفارق ترى لي بان تزييفه
يروح يبعد..وثم يرجع يقربني=يبيني اتبع هواه واخضع لكيفه
يخطي..ويزعل ويرجع لي يؤنبني=اسكت وانا اسمع تفاهاته وتخريفه
ماني بتمثال وقت الضيق ينصبني=عنه اتلقى خطا غيره وتهديفه
عذروبي اللي يعرفه ما يعيبني=كتاب مكشوف واضح فيه تحريفه
الموقف اللي حصل بالحيل متعبني=ولا يحاول بثوب الكذب تلحيفه
قله فراقه ترى ما عاد يرعبني=ما عاد يسوى بعيني(ربع تعريفه)
انغام عزفه ترى ما عاد تطربني= عندي تساوى برود شتاه مع صيفه
ماني معاتب وقله لا يعاتبني=جوي تعكر ولا اطلب منه تلطيفه
نهر العطا جف قله لا يحاسبني=القلب مما علق به صعب تنظيفه

وهاذي بعد تكملن المشوار


ماهو خطاعشان ادور معـــــــــاذير ** ولاهوغلط عشـــان ادور صوابه

اليوم توه عود لوكره الطيـــــــــــــر ** واصبح يشوف العالم اكثر رحابه

مستغربين انه ملى قلبي الــــــــخير ** ليه الغرابة! وين وجه الغـرابة؟

تعبت ادور للخطاوي مشــــــــــاوير ** لين التعب زاد الليالي رتـــــــابـة

يبكي فرح من شاف بعض التبــاشير ** معذور لو دمعه يبلل ثيـــــــــــابة

من كنت بأول خامسة طفل صـــغير ** كنت امتلي حزن وغموض وكأبه

كنت أشعر اني غير والمدرسه غـير ** هيمان في جو النبي والصحـــــابة

كنت المح بوجه الليالي تعـــــابـــــير ** وأقراء همومي قبل أعرف الكتابة

والشعر غاااب وله محبة وتقديـــــــر ** اول غيابه شلت هم لـــــــــــغيابه

بالنفس كان لبعض هالأمر تـــــــأثير ** والليلة اهون من جناح الـــــذبابه

ويدوم الابداع مع متعب التركي




.................................................. .................................................. ........................

مفتوح باب الرجى لو هب مليون ريـــــــح ** والريح ماتاخذ الغرسه من عروقهــــــــــا

القوس مكسور والرامي يقوم ويطيـــــــــح ** والسهم منعاج والايام خازوقهـــــــــــــــــا

لو لبسو ساقط الهرجه ثياب المديـــــــــــح ** قلنا سحابة وبلة يابس حلوقهــــــــــــــــــا

ياحادي الركب لا توده عليه وتصيـــــــــح ** ماعاد هي سالفة ليلى ومعشوقهــــــــــــــا

مديت شوفي وشفت الكون رحب وفسيــح ** والارض حدر المواطي والسماء فوقهــــــا

مادام عين الرضا ماها هماج وشحيـــــــح ** ابتبع الغيمة اللي رفة بروقهــــــــــــــــــــا

مدري عن المقبلة لكن عسى الله يبيـــــح ** اللي تهز القلوب وهزني شوقهـــــــــــــــــا

غنيت للحب ولسان المحبة فصيــــــــــح ** والبدو سبة غناها ضيقة خلوقهــــــــــــــــــا

باكر يروح الشتاء والثلج قصره يسيــــح ** مايفضح الثلج غير الشمس وشروقهـــــــــا

متعب التركي هنا شاعر يحمل ورود الحب وبارود الإبداع :



ضايق البال مايستانس لحاله . . . وأنت لاغبت عنّي كني لحالي

جتك الأشواق ر جلية وخياله . . .غير الاول تحمل عشقي التالي

ليت من قال متعب خابت آماله. . . شاف بعيونك الخدرات منزالي

واحد فيك ماهو منشغل باله . . . أشهد إنه بها الدنيا هو السالي

راوي العود يزهالك وتزهاله . . . عاد من يقدر يلومه ليا مالي

صاحبي والقصايد فيك مختاله . . . وانت لك حق فيهن يوم تختالي

دام نفسك لحب الشعر مياله . . . ليه ماصير شاعر وانت في بالي ؟

من تمنّاك لاتنشد عن احواله . . . عقب العسل كيف يستطعم الحالي ؟

عقبك النفس مذعورة ومهتاله . . . سود الايام هزت برجي العالي

لكن القلب من يمك على حاله . . . في تناسيك ليه اكذب على حالي

قلت لك : نعمة النسيان زواله . . . ذكرياتك بعضها قام يبرالي !

كل مامرني طيفك على فاله . . . قلت : يامرحبا في ريحة الغالي

شلت همك وهمي ماحدن شاله . . . كن قلبك غدى ياصاحبي خالي

ابتعدنا وكلن راح في حاله . . . بين هالناس لكن كني لحالي !

من الافضل نقل هاذي القصيده هنا

وهي



(شلفا تراحيب)


ياسعود لا تنشدني ترى ماني مجيب ^^^^^^^^^ خل الذي خافي له شهور خافي

ان شفتني مغتاظ لي حق ومصيب ^^^^^^^^^ ياسعود مزعلني جديد اكتشافي

الغالي اللي كان من قلبي قريب^^^^^^^^^ بيني وبينه صار مثل التجافي

ان قلت زله مثلنا زلته عيب ^^^^^^ من قال لك شمس الضحى ما تشافي

ان قلت هفوه يمكن تصيب وتخيب ^^^^^^ كم لي سنه ماشفت فيه اختلافي

وان صار في نفسه بعض شكه وريب^^^^^^^ حتى البحر ماهو على طول صافي

صرنا من الصده سوات المصاويب ^^^^^^ كلن نقل جرحه وقال امتعافي

اصعب فراق فراق عكف الاشانيب ^^^^^^^ ماهو مفارق لابسات الغدافي

والذيب لامنه عوى جاوبه ذيب ^^^^^^^^ والعلم حامض بس وين الاشافي

دامه لقى غير قلبي معازيب ^^^^^^ الله يسمح درب هاك السنافي

يروح لا يرجي رسول ومكاتيب ^^^^^^ هو خابر اني متلفت خلافي

واللي تعلى روس المراقيب ^^^^^^^ اكيد ماتسفي عليه السوافي

رح بشر الي شال شلفا تريحيب ^^^^^^^ قله تراها كلوبها عوافي

اليوم نفسي طابت وباكر يطيب ^^^^^^ جرحي لو انه من يدين المشافي

خلصت والدنيا دروس وتجاريب ^^^^^^^^ سجل يبو عبدالعزيز اعترافي

undefinedتحدث الزلات دائم بين الاصحاب والاقارب وتكون عادة زلة لسان او ماشابه
ذلك

اخطأ الشاعر متعب التركي في حق الشاعر شبيب غزاي المطيري

وجأت قصيدة الشاعر شبيب معبره عن الموقف






وهي






لا مست جرح علل القلب تعليل
واشعلت نارن مايطفي لهبها
يامتعب التركي ترانا رياجيل
لامن تلامس قدحها مع حطبها
ما نختفي في لحظة(ن) تعدل الميل
ذاك النهار يبين صافي ذهبها
ياما وياما قد شربنا فناجيل
غصب(ن)على اللي قالته ماحسبها
لخصامنا يحسب حساب(ن)وتحليل
واللي يسوي قهوته ماشربها
ناخذ من العدلات للعوج تعديل
سلم لاهلنا مانود نشبها
لاهل الوفا نعطي ولافيه تذليل
طبع الرجال جمال نأمن غضبها
ونقدر الطيب ولو مده ابخيل
مادام له بالراي سهم(ن)كسبها
هاذي حقيقه ماتبي اي تبديل
كل(ن)ورى حقه يدور سببها
ومن واقع الدنيا لقينا الغرابيل
ولا كل نخله ينوكل من رطبها
ولو ما انت غالي ماتحملت بالجيل
ورفعت شعري يمكم في نسبها
دعوة وفاء ماهي تضاهي وتطبيل
يرجي وراها لقمة(ن)يغتصبها
حكايتي نخوة عزه وتبجيل
وعلوم طيب(ن) قد كلينا شببها
وشرهة رجال(ن) مابها سلك تمثيل
متميزه شيطانها ماغلبها
وعندي على ماقلت شرح(ن)وتفصيل
يومن بعض الناس عني حجبها







وجاء رد متعب التركي






شبيب مس حبالها واسرج الخيل
خيل القصيد اقبل شبيب يهذبها
زعلان والغالي لو يحط ويشيل
هديت نفسه لين يقضي عتبها
ماتحمل بعض المواضيع تاجيل
ان طولت قالوا رفيقك لعبها
يابوفهد قلبي لك اصفا من النيل
مكانتك بين العيون وهدبها
لا يا بعد من يعشقون التهاويل
ناس(ن) على ما لون تفتل شنبها
معروفة الهزله من ايام قابيل
محد(ن) من طوال الشوارب غلبها
وان كان جابوها لسوق الجماميل
طاحت بكبد التاجر اللي جلبها
باكر يشوفون العرب طلعة سهيل
لوراعي الغيره عيونه عصبها
خل الذلول اللي لفت تالي الليل
لو ينثر كل الذي في قربها
مادام وردت الجمال المناهيل
مافيه داعي ياشبيب تغصبها
واللي بغى يقطع حبال المواصيل
ما حلها مير المغفل كربها
حلحيل بالهرجه وبالصمله حليل
سرد السوالف خبرة(ن)مكتسبها
تلقاه باكر لا نحدروازبد السيل
يرثع بقش بيوته اللي نهبها
والذيب مايستنفره ناعم الذيل
ومن يدمح الزلات مايرتكبها
وان راحت الخوه بليا محاصيل
عند الله أرجي خيرها واحتسبها
مااذكر على المقفي بعثت المراسيل
وكفى حبال المنتحي ماقضبها
والشك لامنه لقاله مداخيل
كل على الثاني ذلوله شعبها
مير انت صبرك والوعد بالمقابيل
ومثلي يموت وكلمته ماسحبها

حسي بلوعات الليالي والاحزان
بعدين حسي بالهوى لا بغيتي
وش به يهمك لو يقولون زعلان
لو فيك ذره من الغلا ماجفيتي
يالي تقولين الخطأ زلت لسان
في زحمة الايام ليه اختفيتي
خطاي وان جه مدري الذنب وش كان
ليه انتهى ذاك الغلا وانتهيتي
وقفت في وجه الزمن قدر الامكان
وانتي جنح فيك الخيال وغفيتي
غلطان انا في كل الاحوال غلطان
اسرجتلك خيل القصيد وسريتي
جيتي وقلت الجرح يوم اقبلت هان
وانتي على الجرح القديم ارتكيتي
قلتي لي الحب ان لابد ينصان
واليوم ماكنك دقايق هويتي
شافوك حساد الهوى شوف الاعيان
يومك على رجم القصيد رقيتي
ما بان لك شي ولا بقا شي ما بان
بس انتي اللي غافله ما دريتي
العام لك طاري بقلبي ولك شان
واليوم احس بغلطتي لا طريتي
وان قدر المولى وعشتي بحرمان
ومن حر لوعات التجافي بكيتي
تذكري قلب(ن) له سنين شفقان
شوفي بحقه ياكثر ما خطيتي
كل القصيد اللي اقوله على شان
تهزك الذكرى عقب ما نسيتي

البارحه مدري وش اللي خذاني
يوم اجنبو عني من الضيقه اشملت
جيت اتكلم بس عيّا لساني
ماكني الا مرتكب ذنب واخملت
الله يسامح من ذكرت ونساني
وانا ادري اني لاذكرته تجملت
عانيت وادري كل طيب يعاني
وعلى حساب طعوني الخضر جاملت
ياما خذوا منّي ولاحدٍ عطاني
من طيبتي في حق نفسي تساهلت
عزاي لامنّه تجهم زماني
يممت وجهي للكريم وتوسلت
واللي يبي قربي وبعدي لقاني
امشي على وضح النقا ماتختلت
مرات احس انك معي شخص ثاني
ومرات احس انك حبيبي ومازلت
لاتفرح انك دجت بين المحاني
لو ماتخون الذاكره ماتسللت
عشان ماضيك الجميل وعشاني
حاول تشيل من الوفاء ربع ماشلت
ماني على خبرك حبيبي تراني
حتى عن صغار الاماني تنازلت

هلا هلا يامرحبا فيك ياصاح
حي الذي حلو البيوت ابتكرها
يامرحبا حشمه وتقدير وانصاح
والا المعزه يا شبيب تخبرها
الصاحب اللي من عذب الهوى ناح
حتى لذيذ النوم عينه هجرها
شبيب يشكي واقعن ليته امزاح
اوليت رجله عن دروبه قصرها
شطيت للبحر الحمر وانت سباح
ياللي ضرب سبع البحور وعبرها
يشكي من اللي رمشها سهم ذباح
خرس العيون اللي يسره نظرها
ابعد من حدود الحديثه عن ارماح
واقرب لعينه من دموع(ن)نثرها
غابت وطول غيابه صار فضاح
وابوفهد رغم البطا يفتكرها
هاذي علامات الغلا وانت لماح
مافيه داعي بالغلا تختبرها
لو تسبق الغيمه معاصير ورياح
يطيح كله لا تناثر مطرها
مادام ضوح بروقها بالسما لاح
شد الرحايل يمها واختصرها
هيضتني وانا بعد كلي اجراح
خليتني لاجلك غديت انتظرها
وشلون انا يرتاح بالي وينساح
نفسي وش اللي يا شبيب ايعذرها
ماني من اللي ينطح الموج برماح
وان شاف زلت صاحبه ما سترها
لك حق اخلي كايد الهم ينزاح
كان الليالي ما عطتني ظهرها

اخر اللي سمعته في نهار الوداع
دقت القلب مدري صوت عجل الخطاوي
نايف الطول وش سوابي الانقطاع
صار بين الضلوع القلب كنه فداوي
بيني وبين ضحكات السعاده نزاع
كني اللي قضى عمره طريدن جلاوي
لا تلوم الذي سوى لك المستطاع
خف من الله وخل جروحنا بالتساوي
عن هذيك النواعس ليه شلت القناع
الحيا وين يلي طول عمرك حياوي
كن خدك الطاهر بروقوشعاع
اثرها رحمة(ن) للناس بعض الغشاوي
وش يفيدك عذابي ياغريب الطباع
ليه دايم على الملتاع سيلك نحاوي
امتلي غيض وازعل يوم وارجع بساع
راعي الجرح يستحمل عذاب المداوي
غالطوني وقالوا ليش هالاندفاع
ادوخوني عليك مكثرين الحكاوي
عذربوك بوجودي بالجفا والخداع
فيك حلو الوصايف صوروها مساوي
التزمت السكوت ورأيهم فيك ضياع
لين قالوا متعب على البعد ناوي
ميت القلب عرضت الغلا للضياع
والله اني على قطع الرجا بك مراوي
ماتغيرت لين انك لويت الذراع
تحسب اني على الهجران ماني بقاوي
لوتقول انت ماعقب الفراق اجتماع
عندي اليوم كل اللي تقول متساوي
او يقولون صار يخاف قلب الشجاع
من هك الليله وبيت القصيد امتهاوي
بين شقر الجدايل والعيون الوساع
اذكر اني فقدت القلب في هالحراوي

انتهينا وصار اكبـر خطـاي الوفـا
انتهينا وعنـد الله جـزاي وجـزاك
ادري ان الزعل حجه عشـان الجفـا
ادري وقلـت ابسمعهـا مـن شفـاك
تختفي وانت خابـر جرحنـا ماخفـا
كلهم شايفين الجـرح وانـت بعمـاك
قلبي اللي صفالـك ماللغيـرك صفـا
جاك من طيبه وعاف الهوى من رداك
القدم من طويل الـدرب مـل وحفـا
والنظر طاح من دونك وسرب وراك

رجع بي طاري الذكر على ذيك العيون السود
وأنا اللي قلت ماعاد الهوى يطري على بالي
تناسيتك وشفت الشوق في قلبي عليك يـزود
اثرني مانسيتك بـس مـن همـي يورالـي
غديت وطاري الذكرى سواة الملح والبـارود
ليامنه قرب لي ثار شوقـي وانقلـب حالـي
تجي وتروح لكن في ضميري باقي موجـود
على حد السراب اللي زما طيفـك تروالـي
تمر الثانيه في حسبه الساعه على الموعـود
اجل ربي يعينك لاغدى راع الوعـد غالـي
سهيت ولا وعيت الاوقلبـي للغلـى مشـدود
تنبهـت وبغيـت الحـق عليـه ولا تهيالـي
وانا اللي خابر كل العلوم ونقصهـا والـزود
أضيع في موازين الحكـي لا شفتـك قبالـي
اسامح وادري اني بالجفا مبطي وانا المقصود
وانا اللي لو من اولها جفيتك يمكن اشوالـي
على هونك توقا ماهي بكيفـك نعيـم العـود
تحاسبني وانا اللي راحت ايامي على الخالي
حرام تضيع من عمري ليالي مالهـا مـردود
تعابيـر الشماتـه شفتهـا بوجيـه عـذالـي
انا ماني بعاجز لو بجازيك الصـدود صـدود
يضيق المنزل بغيـري ولا غيـرت منزالـي
كريم النفس حتى بالمشاعر لاعطـاك يجـود
على كثر العطايا مانشدتـك ويـش يبقالـي
تمهل واعرف اللي راح لا يمكن عليك يعـود
خذاه الوقت لاتستنقض المبطي مـع التالـي
ابقطعها حبالك لو بها حبـل الرجـا معقـود
وابلقا عن مقيلك بالسعه لـي فـي وظلالـي

ماني اعمى بصير بس وش عاد اسوي
كن حبه على حدب الضلوع امتطـوي
شوف قلبي من جروح البعاد متكـوي
يوم ساقوا ركايبهم وشبيـت ضـوي
اشهد انه تعكر عقب مـاراح جـوي
زل وقت الوعد ماعاد فيهـا تـروى
قلهـم ياقصيـد لايروحـون تــوي
رد عنـي علومـن ماتونـي عـدوي

زى لون الطيف وألـوان الفـراش
الهنـوف اللـى شغلنـى صدّهـا
إن بكت جا دمعها مثـل الرشـاش
وإن تبسّـم ثغرهـا مـن قـدّهـا
وإن حكت كن بشفايفهـا رعـاش
الخجـل عـن سالفتـهـا لـدّهـا
والطيور اللى جفت حضن العشاش
ليتهـا خـلّـت بقـايـا ودّهــا
عقبها كل الغصون أمست نشـاش
خاليـه عقـب الوناسـه خـدّهـا
كل قلبٍ فـى ذراه الحـب عـاش
فيـه طيبـه زايـده عـن حدّهـا
والقلوب إن فارقت صارت هشاش
موحشـه والذكـريـات تشـدّهـا
رفرف البرق وزِمَت بيض الدشاش
وامتلا من صافـى المـا عِدّهـا
مابنيت بيوت شعرى مـن قشـاش
ليـه أخـاف إن الريـاح تهدّهـا
والهجوس اللى من الفرقا عطـاش
ترقـب نجـوم السمـا وتعـدّهـا
يوم شق النور من ليـل القمـاش
شفـت حبّـة خالهـا فـى خدّهـا
القصيـد لمثلـهـا ولأّ بــلاش
لو تبى عمـرى حشـى ماردّهـا

ليل هاك الجدايل طال مسـراه
بين تفسير حلـم وبيـن امانـي
يوم حد الغلا قلبي على أقصـاه
شرع القلـب بيبـان المحانـي
مارماني ولكـن قلبـي أدمـاه
عاد وشلـون لامنـه رمانـي
لانقض ليل مجدولـه وخـلاه
قلت وش هالظلام اللي غشانـي
لو يمر البحر شاطـي شفايـاه
صار بحر الخليج فرات ثانـي
وين ابلقاه مدري ويـن ابلقـاه
دامـه بكـل ذره فـي كيانـي
ادري انه نسى الموعد ولاجـاه
بـس ليتـه نسـاه ولانسانـي
لو عيونه بحرهن ماركـد مـاه
شط الاهداب صار اجمل مواني
يكفي انه حفظ شعـري وغنـاه
وابتسملي وقال ادري عشانـي
كل ماترتسم بسمه علـى شفـاه
اشعر انـه يجاملنـي زمانـي
ليه احبه واحب اسمه وطريـاه
يوم اخذ دم قلبي وش عطانـي
غاب وان شفت نفسي قادر انساه
قلت ربي كتب لي عمر ثانـي

هاك ذكراك من ذكراك ويش أستفيـد
كافـي أن المشاعـر هايمـه كلـهـا
ودي انساك والنسيـان ماهـو اكيـد
كيف ابنسى عيون(ن) رمشهـا ظلهـا
من هك اليوم وانت اللي بعيني وحيـد
ماخبرت العيـون تمـل مـن خلهـا
مير نفسي عزيزه وانت رايـك عنيـد
والنفـوس العزيـزه ماتبـي ذلـهـا
ليه تعطيني الدافـع واقـول القصيـد
ليه صفحـه غرامـي ترجـع تفلهـا
ليه ترجع على الماضي تزيـد وتعيـد
وانت من عـام الاول عاجـز تحلهـا
مابرى الجرح الاول كيف يبرى الجديد
شوف حالي نزيف جروحهـا سلهـا
كل ماشفت لك ذكرى وربـي شهيـد
كـن نـزاع روحـي بالحفـا تلهـا
اندفعـت لغرامـك يالغـزال الفريـد
والغـلا لـه دروب خاطـري دلهـا
فرحتـي بالقـا رغـم انهـا ماتفيـد
فرحـه القـاع لامـن المطـر بلهـا
وش بقى يالسراب اللي قريب(ن) بعيد
المحبـه وراحـت وانتهـى حلـهـا
لو كـل بكيفـه ياخـذ اللـي يريـد
كان ماشفت ناس تمـوت فـي غلهـا
هاك فرقاك خذها خـل قلبـك شديـد
خلهـا ماشيـه بحمولـهـا خلـهـا
كل مـازاد تعذيبـك ذنوبـك تزيـد
الله اعلـم صلاتـك باطلـه كلـهـا

أعذروووني يالربع يمكن تكرر شي

[poem=font="Simplified Arabic,4,deeppink,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياليتني لابغيت اكره قدرت اكره () ماكان قلبي اللياجيت اكرهك عيّا [/poem]
دبدوب الف شكر على الا ختيار الجميل دمت على خير

يعطيك العافية وصح السان الشاعر

حجي نزيه الروووعه هي في وجود ردك ملااصق للقصائد التركي


ابومشعل الله يعافيك حجي

يعطيك العافيه دبدوووب

اختيار جدا موفق للشاعر ولقصائده

اشكرك امتعتنا بهالابداعات

يعطييييييييييييييييييييييييك العافيه

صح الله لسانك بس اخوي لو نبي ننقل شعر نملا المنتدى اريد من بنات افكارك