قال انتبه باقي علـى شفتـك روج .. للمتزوجيــن ..
[align=center]
أتمنى أن تلاقي استحسانكم الطيب
[poem=font="Arial,4,blue,normal,normal" bkcolor="transparent" bkimage="backgrounds/34.gif" border="groove,4,blue" type=0 line=0 align=center use=ex num="0,black"]
ياعين من حطيـت عينـي بعينـه=
وابطيت واقف في بحر عينك اموج
ابحرت فـي عينـه بليـا سفينـه=
سجيت فيها لين ضيعنـي المـوج
حاولت الد الشـوف عمـا يهينـه=
ولا انتبهت الا وانـا فيـه ملبـوج
شفت الفتن فـي ملتقـى حاجبينـه=
والسحر في عينه مع الزين مدموج
اسـود سـواده لابستـه السكينـه=
وابيض بياضه طايش اللون مرجوج
زاويـه طـرفٍ حاجـزٍ دمعتينـه=
لولاه كان الخد بالكحـل ممـزوج
كاسيه رمـشٍ زاد ملحـه وزينـه=
من فوق متكحل ومن تحت مدعوج
بين الرموش السود شفـت الغبينـه=
واللي رماه الرمش ماعاد له بـوج
مرت ثواني مـن حياتـي ثمينـه =
وانا اتهادى بيـن الاشـواق وادوج
مرت وانا قابض علـى راحتينـه=
واقف مقابل لـه ساهـي ومدلـوج
مدري وش اللي صار بيني وبينـه=
والقلب ماردنه اضلوعـي العـوج
ولا انتبهـت الا بسحبـت ايدينـه=
قال انت تبغى الناس تلحقني هروج
قلت اعذر اللي شافـك الله يعينـه=
يبطي ودمعه بعد فرقـاك مزعـوج
عينـك بنظـرات الغـلا مستهينـه=
قال الغلا في داخل القلب منسـوج
قلت الوعد قال ايـه كلـش بحينـه=
الله يفتح لك مـن الضيقـه فجـوج
قلت آآآه طيب شفلي الدرب وينـه=
قال انتبه باقي علـى شفتـك روج
قلت لهـا ادري بـس لاتمسحينـه=
ابقهـر بلونـه مطافيـق وعلـوج[/poem]
الشاعر إذا ماخاب ظني انه بعيد الهقااوي
إهداء إلى .. كل هااوي ..
(( العنا مهو تبلشيني كل هاوي كذا ركبت وحطيتهاا ))[/align]
