تبي تمسح دمـوع المساءقبـل تبكيهـا
[poem=font="Simplified Arabic,4,purple,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
انا جيت من صبح الوفاء وجيتني مناك=تسولف عن طعونك وترجع تغنيها
تحاول تذكر من تنكر ومن هو جاك=كثيره وجيه اهل الردى كيف تحصيها
هنا لك طعون ولك هنيا ولك هناك=لك الله ماادري كيف عايش وناسيها
غريبه دمحت ذنوب هذا وذاك وذاك=اعرفك تحب الاوله وانت راعيها
تموت الرجال من القهر ما مشت ممشاك=من اول بداية خطوتك لين تاليها
نسيت الظلام ونجمته فاضحه لعداك=تبي تمسح دموع المساءقبل تبكيها
اقول.الله يعينك تصبر على دنياك=دهر مع معاوينه طعون وبلاويها
شكيت الظما والناس رويانةٍ من ماك=سقيت الاوادم وانت نفسك معنيها
تبي تحمي العالم وتكشف ستر مرماك=تراك انت يابن الناس طيب ومعميها
صحيح.الا مانه بعدها نايمه بحماك=نصيحه تجود لا تخاذل وتغديها
انا جيت اشيل الليل عنك واشيل غطاك=تعرف الجمايل دين لازم نوفيها
على الله على الله كل جرحٍ نزف يفداك=ضحية.دروبك ياعسى الله يعديها
توقع قبل تمشي ودنق وشوف خطاك=تصبر على جروحك وفكر وداويها
انا لك مثل.ماني.خويك وصعب انساك=امد الكفوف وهقوتك صعب اخليها
متى مابغيت اهز جذع الشجر لرضاك=اهزه واعدي صفحة الحزن واطويها
تخيل جنون الشعر من غفوته ناداك=فدتك القصيدها نبضها .كل ما فيها
تخير دواك وياعسى الله يتم شفاك=بجاه الولي قادر عليها وينهيها[/poem]
