وش رايك بـ ...... تدري ادخل وقل رايك

[align=center] عندي سوعال" سؤال " واتمنى اي واحد يدخل هنا يعطيني رايه .. سؤالي هو :

برايك ما هو افضل اختراع صنعه الانسان فى تاريخ البشريه ؟

ولكم تحياتي .. [/align]

المصباح الكهربائي

[align=center]
محطات توليد الكهرباء ...

لو خربن المحطات اعتبر الحياة شبه متوقفة ...

[/align]

فعلاً مثل ما قال رفحاوي
توليد الكهرباء
وانا أقول المصباح
يعني حول بعضنا

[align=center]عفوا فروان لا تفهم السؤال غلط .. انا ما قلت من اللى اخترع المصباح الكهربائي :p
رفحاوي محطات الكهرباء يشغلها البترول .. يعني البترول اعظم من اختراع المحطات
فروان و رفحاوي .. من صجكم ؟
مصباح كهربائي ومحطه توليد كهرباء !!
قاعد اسال ناس من القرن الـ 18 ميلادي:-/
ترا اللى تقولون عليها كلها اختراعات قديمه ... ادري انه رايكم بس ابغى اكتشاف معقول .. اقصد اكتشافات واختراعات غيرت مجرى البشريه .. فهمتوا قصدي

عموما تحياتي لكم ولمروركم الكريم [/align]

[align=center]

لمعلوماتك خالي برستيج ...

محطات توليد الكهرباء انواع ...

فيه على الديزل والبخارية والشمسية والتوربينات (والاخيريتين ما تعتمد على البترول) ...

يا ليت تعلمنا اذا عندك جواب ...


[/align]

كثيررررررره

منها الي طلع لنا طلعه تو هو Google earth وهي عن طريق الأقمار الصناعيه تشوف بيتك وأي مكان تبيه وإنت في مكانك ولعلمكم الي نزل صور ثابته لكن فيه صور نقل حي ومباشر ونشوف أوادم ناس غير المباني والي شافه اخوي الله يحفظه وهو الي قالنا ولو جانا احنا يالعرب رحنا وطي بس ادعوا انه مايجينا ولا اعراضنا بتكون مكشوفه وكل من هب ودب وسمحت له نفسه بيشوف طبعا مع محاولات ابليس الصائبه دائما بمن ليس لديهم ايمان قوي

لكن الأغرب من هذا كله المكالمه الفيديو شلوووون والرسائل شلون تروح ؟؟؟؟؟؟

بس الشي الوحيد الي قديم حيل من سنة جدي وجدكم لكنه عجيب وللحين مستغربه منه ودايما أفكر وأقول شلوووووون صارت هو




هو






هو الفاااااااااااااااااااااكس شلوووووووووووووون أدق رقم تلفون وأرسل ورقه وتطبع أحرف وكلمات وترسل شلوووون!!!!!!!!!!!!!!

[align=center]بس اللى قلت عليها كانت فى البدءمحطات توليد بواسطه الماء قبل اكتشاف البترول والطاقه الشمسيه والمحركات التوربينات اضافه انها ما غيرت التاريخ وبالكاد انها تذكر على انها اختراعات عظيمه
هذا رايك وانا احترمه ..
حسونه قصدك الانترنيت والاتصالات .. شي حلو وفعلا هذي اختراعات عظيمه وغيرت البشريه بزمن اقل
شكرا لك يا الحسن المثير على ابداء رايك
وبأنتظار المزيد

تقبلوا تحياتي وشكرا للجميع على المرور والردود[/align]

لا ياملك الصور الي ماتطلع أقصد الانترنت والاتصالات مو الانترنيت هههههههههههههههههههههههههههههه

[align=center]شكرا لمرورك يا حسونه
وبعدين
على بالك صايده الموقف .:lol
شوفي الكلمات ومعناها بالعربي والانجليزي
وذا تبين حق انا مستعد .. اسألى اي مدرس عندك فى الكويت
الانترنيت [ Internet ]
الانترنت [Internt]

بأنتظار ردك
تحياتي [/align]

ياذكي الانترنيت بالانجليزي والاجانب الي يكتبونها جذي اما احنا انترنت

وبعدين لاتقول اسالي اي مدرس لاني مقتنعه ان التعليم بالخليج فااااااااشل والمدرسين فاااااشلين حتى المدرسين الي من برااا هم فااااشلين

[align=center]والله انك عنيده :ang وراسك يابسI-
قصدك احنا اللى خليناها كذا " بتشديد التاء ".. صدقيني حتى الكلمه بالافلام يقولون لها انترنيت
تابعي واسمعي ... وانا تكلمت مع اجانب ولا واحد قالها انترنت " بتشديد التاء "

وبعدين ترا طلعنا عن موضوعنا ..
شاكر لك خروجك عن المواضيع:p

تحياتي .....[/align]

برستيج

خروجي عن المواضيع ؟؟ !!

إنتم تناقشوني!!

عموما ودي أرد بس ما أبي أخرب على الموضوع

السلام عليكم ورحمة الله وبركاته

اعتقد إن اهم إختراع وكان له تأثير على البشريه هو(الطائره) التي إختصرت مسافات المسير من أيام وشهور اوحتى سنوات إلى ساعات.

[align=center] شكرا على مرورك اخوي الشريهي .. ورايك نحترمه

الف الف شكر .. ونشوفك عن قريب بمواضيع جديد

تحياتي لك .........[/align]

انا اقول البارود

ادري تبي تقول هذا طالع من القرن الخامس عشر (( عصور الظلمات ))

بس اسمع

قبل اختراع البارود كانت المسأله رجل لرجل بالسيف وخلصنا

لما اخترع البارود اختلفت المسأله ؟

فتسابق الحكام والزعماء لتطوير هذا السلاح والأستفاده منه

ونتيجه لذلك تطورت العلوم لتواكب التسلح

واصبحت العلوم في خدمة السلاح . حتى الأنترنت او الأنترنيت اخترعته وزارة الدفاع الأمريكية وباحثيها من اجل ربط القاده العسكريين مع بعضهم ومع مركز القياده .

كذلك مصانع الأسلحه في امريكا بعد نهاية الحرب العالمية الثانية تم تحويلها الى مصانع لأنتاج السلع الأستهلاكيه مثل الغساله الكهربائية والتلفزيون وغيرها من المنتجات الأستهلاكيه الموجوده في المنازل حالياً

ثم

ننتقل الى القرن الحادي والعشرين

من البارود الى السكن في المريخ ؟

امريكا تدرس الآن تحويل المريخ الى مكان شبيه بالأرض ويمكن العيش فيه ؟

لذلك اعتقد ان اعظم اختراع

هو اساليب وطرق البحث العلمي التي وضعت في بدايات عصور النهضه في اوربا وبعد اختراع البارود في الصين والتي اوصلتهم الى المريخ .
والسلام .